DANIEL 6:4 - Bukuit Ne Tilil

⁴ Ki cheeng' anyun poisyechooto kobooto pounik kochaam Daniel agobo pounateet. Ma imuuch konyoorchi ineendet ng'olyoo anan ko leluut, amu ki po iman ineendet, ama ki nyoorchi kiy ne ma litit anan ko leluut.

BUKUIT NE TILIL

⁴ Kicheng’ anyun boisiechoto koboto bounik kochaam Daniel agobo bounatet; ago ma imuch konyorji inendet ng’olyo anan ko lelut; amu ki bo iman inendet, ama kinyorji kiy ne ma litit anan ko lelut.

DANIEL 6:4 Referencias Cruzadas

TAUNET 41:38

Ki leenji Pharaoh otwogikyik, “Kimuktoi ano kenyooru chiito ne uu chiichi ne tinyei Kabuusetap Kamuktaindet?”

TAUNET 43:18

Ak ki iyweis pichooto, amu ki kimut koba kootap Joseph. Ki ile, “Kagimutwech kebwa ko amu chepkondok che ki kiweekte eng' lolotinwekyok yu kiga kibwa tai, si kobiit konyoor ng'olyoot ne igikyinenech, ak kogerchech ko, yeityo koyaech keegu otwogik, kobooto sigirokyok.”

KALEWANAIK 29:27

Wechei che po iman ne ma po iman: wechei ne ya ne isubi iman.

AMDOINDET 4:4

Yeityo ageer poisyet tugul ak poisyet age tugul ne po utaatyet, ale amei kimegei chii agobo chiitap kokwennyi. Puch niito agine ak ko kaimetapkei ne po puch.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 18:23

Ago, ingen inyee Kamuktaindet ne Toroor, kirwoogennywa ne irwoochi kole kobara; menyochi kaat tengektonywa, amebukte chalwoktanywa eng' taing'ung': ago ingeriich eng' taing'ung'; yachi ko uu nooto eng' peetuutap nereegeguk.

JEREMIA 20:10

Amu koagas kateweerisyetap che chaang', kamuiset eng' komosta age tugul. Mwaei choronokyuk tugul che achame, che machei kotaama, kole, omwaite, si kemwaite ineendet; tamangap kigaigai, si kiterteer ineendet ak kiyaaktochinegei mugetuut.

JEREMIA 29:7

Ak ocheeng'ji kaalyeet nganaseet ne ki achamde keluuljok, ak osaa Kamuktaindet ne Toroor agobo nganasanooto: amu onyooru kaalyeet eng' kaalyeetap nganasanooto.

DANIEL 3:8

Ki riik anyun eng' sainooto Kaldeik alage koip kataamset ne kitaame Yahudik.

DANIEL 5:12

amu ki kinyoorchi Daniel tamirmiryet ne myee kot, naet, kaguiyet, kaaroretap karwotitaosyek, ak ng'ang'eetap ng'aleek che ung'ootiin, ak kaboorunetap tuguuk che iimi piich, ne kiguure laitoryat Belteshazzar. Iyookte anyun keguur Daniel, si koboor ineendet kaaroret.

DANIEL 6:22

Koiyok Kamuktaindennyu malaikaiyandennyi koger kutusweegap ng'etuunyik, ama ita kiy, amu ma kinyoorcha kiy ne ya eng' tainnyi; ak kogeny, ee laitoryat, tomo ayai kiy ne ya eng' taing'ung'.”

MATAYO 26:4

ak kitet icheek ng'aleek kole si konam Jeso eng' ng'aalseet ak kobar ineendet.

MATAYO 27:18

Ki ingen kole kagigoito ineendet eng' ng'etkonda.

LUKA 20:20

Ak kiriibooti icheeget ineendet ak koyookto segeik, che ki yaigei koek che po imanda, si kobiit koname ineendet ng'aleekyik, si kogoito ineendet kwo taitap pounateet ak kimnateetap pounindet.

LUKA 20:26

Ak ki ma imuuch koname mwaonooto eng' taitap piik; ak ki kwong'yo eng' waluunennyi, ak ki siisyo.

LUKA 22:2

Ak ki cheeng' tisiik che eecheen ak siriik ole partoi ineendet; amu ki iywei icheek piik.

JOHANA 19:4

Ak kimanda Pilato kogeny, ak koleenji icheek, “Ogeero, kamutwak ineendet konyo taing'wong', si onai ole ma anyoorchi anee leluut ineendet.”

2 KORINTOEK 11:12

Ago kiit ne ayae, ayae nooto, si kobiit atile poroindo icheeget che machei poroindo; si kobiit kogergeit ak icheek eng' kioto ilasunegei.

PILIPIK 2:15

si kobiit oegu che ma tinyei leluut ak ko libwoben, lagogap Kamuktaindet che ma tinyei kunenden eng' kwenutap ibinda ne kunuur ak ko mastaat, che kooluu eng' kwenunnywa ko uu lapkeiyosyek eng' ng'wony,

1 TIMOTEO 5:14

Nooto anyun achame ale kitun mosoogik che ta ko mengeechen, si kosich lagok, ak koriip koot, amat kogoochi poroindo puunyoot kochuris eng' ui tugul;

TITO 2:8

ng'aleek che po iman, teegisto, che ma kimuuchi kirwookyi; si kobiit kolilaan ineendet ne kirindoech, koma tinyei kiy ne ya ne mwaitaenech.

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.

1 PETERO 3:16

otinye kabwaatet ne myee; si ye kitaamok, kigoochin kolilaan icheek che mwaitae ng'aleek che yaach atebeeng'wong' ne myee eng' Kristo.

KIRUOGIK 14:4

Ki ma nai kwandanyi ak kamennyi kole punu Kamuktaindet ne Toroor ng'olyoondonooto; amu ki cheeng'ei poroindo ne yachine lugeet Philistiik. Ki pou Philistiik Israel eng' peetuusyechooto.

1 SAMUEL 12:4

Kowol piik kole, “Ma iberberech anan iuseech, ak tomo inam eng' eutap chii kiy age tugul.”

1 SAMUEL 18:14

Ki tebi Daudi eng' ng'omnateet eng' ortinwekyik tugul ak ki mi Kamuktaindet ne Toroor kobooto ineendet.

1 SAMUEL 22:14

Kowolji anyun `Ahimelek laitoryat koleenji, “Ago ng'oo eng' otwogiguk tugul ne po iman ko uu Daudi ne sandanaa eng' laitoryat, ne ki kinem kwo kapkirwoogeng'ung' ak ko konyitot eng' koong'ung'?