DANIEL 6:10 - Bukuit Ne Tilil

¹⁰ Nganda ki nai Daniel kole kagosir laitoryat kainet ko uu nooto eng' siruutichooto, ko ki testai kwo koonnyi ne po parak, ne ki tinye tirisyok che ki yaatatin kotokyingei Jerusalem, ak kogutuny konyil somok eng' peetuut, ak kosa, komwachi kongoi Kamuktaindennyi, ko uu ye kocham koyaei.

BUKUIT NE TILIL

¹⁰ Ak kingonai Daniel kole kagosir laitoriat kainet ko u noto, eng’ sirutichoto, kwo gonnyi; (ki yatotin tirisiok eng’ gonnyi, che tokyingei Jerusalem;) ak kogutuny konyil somok eng’ betut, ak kosa, komwachi kongoi Kamuktaindennyi, ko u ye kocham koyaei.

DANIEL 6:10 Referencias Cruzadas

1 LAITORINIK 8:30

Kas soometap otwogindeng'ung', ak piiguk Israel, ye saaei kotokyingei yuto. Kas anyun eng' kipsengwet oldang'ung' ole imenye; ak ye igas, inyochigaat.

1 LAITORINIK 8:38

ngo ip saaet anan ko soomet age tugul ne kasoom chii age tugul, anan ko ne kasoom piiguk tugul che po Israel, ne naei chii age tugul myandap muguleldanyi, ak kochuul eunekyik kotokyi kooi,

1 LAITORINIK 8:44

“Ngot koba piiguk kobargei ak puunikwak, eng' ooreet age tugul ne keyooktoe, ak kosa Kamuktaindet ne Toroor kotokyigei nganasani ki ilewen, kotokyigei kooi koateekyi kaineng'ung',

1 LAITORINIK 8:54

Kingo kagogees Solomon saaet eng' saaoni ak soomet ne ki saaei Kamuktaindet ne Toroor, kong'eet eng' taitap kaptisisyetap Kamuktaindet ne Toroor, eng' ole kigutung'e kotokyin eunekyik kipsengwet.

2 ATEPTAP PEETUUSYEK 6:13

Kiga yai Solomon eng' sugunwet ole kitororit, koindonyi ak tebeesindanyi ko ki aechin ak ki mitainik aeng' ak robo, ak kooindap tononennyi kogimitait agenge ak robo, yeityo konde kwenutap seremut. Kitonone yooto yeityo kogutuny eng' taitap tuiyet tugul ne po Israel ak kochuul eunekyik kotokyigei kipsengwet.

2 ATEPTAP PEETUUSYEK 6:38

ngot koweekyingei eng' mugulelwekwak tugul ak eng' saboonwekwak tugul eng' emet ne ki kiluulji icheek, ole ki kimut icheek koek luulenik ak kosa kotokyigei emennywa ne ki igoochi kwanisyekwak, ak nganaseet ne ki ilewen, ak koot ne koateekyi kaineng'ung';

EZRAH 9:5

Yeityo ang'eet eng' kaming'inennyu pogei ye ki kigoitoi kagoochinetap koskoleny, ko kaabet ngoryennyu ne po oriit ak ne po parak. Ki agutuny ak aitoochi eunekyuk Kamuktaindet ne Toroor Kamuktaindennyu,

NEEMIA 6:11

Ago ki ale, “Tos nyolu komwei chii ne uu anee? Ak mi ng'oo ne uu anee, ne machei kwo Hekaluut kosar saboondanyi? Ma wendi oriit.”

TIENWOGIKAL 34:1

Alasu Kamuktaindet ne Toroor kotugul; tebee kutinnyu kalasunennyi kotugul.

TIENWOGIKAL 5:7

Ago anee, eng' chaang'indap rireeng'ung' pogei, anyoone koong'ung'; eng' kaiyweisyeng'ung' agutunyi atokyinige hekalung'ung' ne tiliil.

TIENWOGIKAL 55:17

Atigeni ak ariire, koskoleny, ak karon, ak peet kween, si kogas ineendet kutinnyu.

TIENWOGIKAL 86:3

Rireena, ee Kiptaiyat; Amu ariirchinin peet komugul.

TIENWOGIKAL 95:6

Obwa kilasu, ak king'uruukyi; Ongegutung'se eng' taitap Kamuktaindet ne Toroor Yaindennyo:

DANIEL 6:13

Ki wol anyun pichooto eng' taitap laitoryat kole, “Ma iitin Daniel-inooto ne po lagogap piik che ki kiluul che po Judah, ee laitoryat, anan koiit ng'atuutyet ne ki isir ak inde kaineng'ung', ago saaei konyil somok eng' peetuut.”

DANIEL 9:4

Ki asaa Kamuktaindet ne Toroor Kamuktaindennyu, ak ang'aang'ji ineendet ale, ee Kiptaiyat, Kamuktaindet ne oo ne kiywei, ne riibei kayomiset ak rireenet eng' icheek che chamei ineendet ak koriibei ng'atuutikyik,

JONAH 2:4

Ki amwa ale, ‘Kagewiirta si ma igeera; ak ta amuktoi ano kogeny ageer hekalung'ung' ne tiliil?’

MARIKO 3:3

Ak ki leenji chiito ne meat euut, “Tonon eng' kween.”

LUKA 14:26

“Ngo nyoonjo chii, ama wech kwanda, ak kamet, ak osotyonnyi, ak lagokyik, ak weeriik che tupcho, ak chepkametinik, ee ak saboondanyi agine, koma imuuchi koek kasubindennyu.

LUKA 22:41

Ak ki istoegei icheek ye tee ye itei koita ngewiirta; ak kigutuny kosa,

POISYONIGAP CHE KIYOKTOI 10:9

Eng' peetuut ne ki isubi ye kita kobendi, ko kariikta nganaseet, kotogosta Petero koot parak, eng' olo po sait lo, kwo kosa.

POISYONIGAP CHE KIYOKTOI 2:15

Ma pogityo pichu, ko uu ye obwaati; amu ta ko sait somok kityo.

POISYONIGAP CHE KIYOKTOI 20:24

Ago ma iiti saboondanyu ale kiy ne achame kot, si kobiit agees pandanyu, ak poisyet ne ki ataach eng' Kiptaiyat Jeso, abaoryanji logoiywek che myach che po myeeindap Kamuktaindet.

POISYONIGAP CHE KIYOKTOI 20:36

Ak kingo kagomwa ko uu nooto, kogutuny, kosa kobooto icheek tugul.

POISYONIGAP CHE KIYOKTOI 21:5

Ak kingo kagigesu peetuusyechooto, keebe pandanyo; ak ki iyomiseech icheek tugul kobooto osotik ak lagok, agoi kemande eng' nganaseet, ak kegutung'se eng' ngeguut, kesaa

POISYONIGAP CHE KIYOKTOI 3:1

Ki togosta Petero ak Johana hekaluut eng' sait ne po saaet, sait sogol.

POISYONIGAP CHE KIYOKTOI 4:29

Ak nguno anyun, Kiptaiyat, keer kertaennywa po kong': ak igoochi otwogiguk komwa ng'olyoondeng'ung' eng' nyiganateet tugul,

POISYONIGAP CHE KIYOKTOI 5:20

“Oba, ak otonon eng' Hekaluut ak omwachi piik ng'aleek tugul che po Sabooni.”

POISYONIGAP CHE KIYOKTOI 5:29

Ago ki wol Petero ak che kiyooktoi kole, “Kanyool kegas iit Kamuktaindet kosiir piik.

POISYONIGAP CHE KIYOKTOI 7:60

Ak kigutuny ak komwa eng' kutit ne oo kole, “Kiptaiyat, ameiityi icheek tengegi.” Ak kingo kagomwa niito, konuuch.

POISYONIGAP CHE KIYOKTOI 9:40

Komaanda Petero tugul koba saang', yeityo kogutuny ak kosa. Ki weleljigei muusto ak koleenji, “Ng'eet, Tabita.” Ak ki yaat konyekyik, ak kingo keer `ineendet Petero, kong'eet kotep ng'wony.

EPESOEK 3:14

Amu niito anyun agutung'jini Kwanda,

PILIPIK 1:14

ak tinyei che chaang' eng' che kitupche eng' Kiptaiyat nyiganateet ne oo kosiir, komwaita ng'olyootap Kamuktaindet ama eng' kaiyweisyet, amu tinyei kamang'unet agobo monjorornatennyu.

PILIPIK 1:20

Ko uu eng' kagenisyennyu ne ageni miising' ak kamang'unennyu, ale ma kigoono alilan eng' kiy age tugul ago eng' nyiganateet tugul, ko uu kotugul, ko uu nooto agine nguno kitoroori Kristo eng' poortanyu, ngo eng' saboondo, anan eng' meet.

PILIPIK 4:6

Amogereeri met eng' kiy age tugul; ago eng' kiy age tugul ko eng' saaet ak soomet kobooto kongoi, ingonaak soomutikwok eng' Kamuktaindet.

KOLOSAIK 3:17

Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

HEBRANIK 13:15

Nooto anyun ongigoochi Kamuktaindet eng' ineendet korosyotap kalasunet kotugul, nooto ko logoiyatap kutusweek che ng'aanyei kainennyi.

HEBRANIK 4:16

Ongeriikyi anyun ng'echereet ne po myeeindo eng' nyiganateet, si kenyooru rireenetapkei, ak kesich myeeindo ne toretech eng' peetuut ne kinyalili.

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.

NG'ANG'UTYET 2:13

“Angen ole imenye, ole mi ng'echereetap laitornatet ne po Setani. Iname kainennyu miising', ama ieesye kayanennyu, agot eng' peetuusyegap Antipa paoryandennyu, nenyu ne po iman, ne ki kibar eng' kwenung'wong', ole menyei Setani.