DANIEL 5:7 - Bukuit Ne Tilil

⁷ Ki kuurso anyun laitoryat eng' kutit ne oo kimut ng'amotigap kecheik, Kaldeik ak chepsogeinik. Ki ng'alaalji `laitoryat piik che ng'oomen che po Babilon koleenji, “Chii age tugul ne somani siruutichu ak koboorwo kaarorennyi, kilaakyin ngoryeet ne arus ne piriir ak kilaakyi kaatinnyi sirimdap thahabu, ak koek pounindet ne po somok eng' pounateet.”

BUKUIT NE TILIL

⁷ Kiguurso anyun laitoriat eng’ kutit ne o kimut ng’omotikab kecheik, Kaldeik ak kipsogeinik. King’alalji laitoriat bik che ng’omen che bo Babulon, kolenji, Chi age tugul ne somani sirutichu, ak koborua kaweeksennyi, kilaakyin ngoriet ne arus ne birir, ak kilaakyi kaatinnyi sirimdab tahabu, ak koek bounindet ne bo somok eng’ bounatet.

DANIEL 5:7 Referencias Cruzadas

TAUNET 41:8

Kingo eech karon, koiimgei eng' muguleldanyi, ak ki iyookto keguur Siriik tugul che ng'oomen che po Misiri, che ng'oorsei, ak piik tugul che ng'oomen che ki miitei. Ki tetyi `Pharaoh icheek karwotitoennyi, ago ki ma piit chii ne ki imuuch koguiyechi Pharaoh karwotitaosyekyik.

ESTA 3:1

Kingo pata tuguuchuuto koeet `Laitoryat Aasuerus Haman weeriitap Hamedata Agagindet. Ki itoroor ineendet ak kogoochi kotebee ng'echereet ne toroor kosiir pounik tugul che ki mi kobooto ineendet.

KOMONG'U 7:11

Ki guur agine Pharaoh piik che tinyei utaatyet ak orgoik. Ak ki yai ak icheek ko uu nooto eng' ng'oorsennywa piigap Misiri che ng'oorsei ak che ng'oomen.

KALEWANAIK 1:9

Amu egu chooto naaryeetap myeeindo eng' meting'ung', ak koek sirimwek che mi kaating'ung'.

TYENDO NE SIIREI TUGUL 1:10

Korooron matong'oik kobooto lelestang'ung', ak kaating'ung' kobooto sonoek che korooron.

ISAIAH 47:13

Ki ing'eet eng' chaang'indap kirwoogutiguk: ingotononso anyun ng'amotigap kecheik, ak keerigap kecheik, ng'amotigap arawet age tugul, kosaruun eng' tuguuk che pwonjinin.

JEREMIA 50:35

Mi rotwetap chok paragutap Kaldeik, mwaei Kamuktaindet ne Toroor, ak eng' piik che menyei Babilon, ak eng' pounikyik, ak eng' piikyik che ng'oomen.

EZEKIEL 16:11

Ki alelesanunenen kogeny tuguuk che po lelesta, ak ki alaagun kariigap eunek ak sirimdo ne po kaating'ung'.

DANIEL 1:20

Eng' kiit age tugul ne po utaatyet ak naet ne ki kateepse `laitoryat pichooto, ko ki keer anyun ineendet kole siirei `pichooto konyil taman piik tugul che ng'oomen, che ng'oorsei, ak ng'amotigap kecheik che ki mi pounatennyi tugul.

DANIEL 1:4

Ki imut neranik che ki ma kotinyei peruut, ak ko korooron, che utaatiin eng' ng'omnateet tugul, che ingen tugun ak koguitos tugun, ak che tinyei kamuget kobois eng' kootap laitoryat. Ki magaat kineet icheek ng'omnateet ak kutitap Kaldeik.

DANIEL 2:2

Ki ng'at anyun laitoryat keguur piik che ng'oomen, che ng'oorsei, ng'amotigap kecheik, pooniik ak Kaldeik si komwachi laitoryat karwotitaosyekyik. Ki pwa anyun ko ak kotononso eng' taitap laitoryat.

DANIEL 2:27

Kowol Daniel eng' taitap laitoryat kole ung'ootyet ne kateep laitoryat koma imuuchi piik che ng'oomen, anan ng'amotigap kecheik, anan piik che ng'oomen che ng'oorsei, anan chepsogeinik, koboorchi laitoryat,

DANIEL 2:48

Ki eet anyun `laitoryat Daniel, ak kogoochi ineendet kagoochinoik che eecheen, ak kogoochi ineendet koboi emet komugul ne po Babilon, ak koek kirwoogindet ne oo ne pou piik tugul che ng'oomen che po Babilon.

DANIEL 2:6

Ago ngot oboorwo karwotitoet ak kaarorennyi, onyooru eng' anee konunoik ak melekwek ak teegisto ne oo. Oboorwo anyun karwotitoet ak kaarorennyi.”

DANIEL 4:14

Ki mwa eng' kutit ne oo kole oep keetoto ak oep mooriikyik, otumdum korara sogekyik ak oseer logoekyik. Ingoba tyong'ik eng' kelunnyi, ak koba toriitik eng' mooriikyik.

DANIEL 5:11

Miitei chiito eng' pounateng'ung' ne menyei tamirmiryetap kamuktaik che tiliileen. Ki kinyoorchi chiichooto eng' peetuusyegap kwandang'ung' lapkeiyet ak naet ak utaatyet, ne uu utaatyetap kamuktaik. Ki inde `kwandang'ung', Laitoryat Nebukadnezar ineendet koek kiptaiyatap piik che ng'oomen che ng'oorsei, ng'amotigap kecheik, Kaldeik ak chepsogeinik;

DANIEL 5:15

Ak kagimut piik che ng'oomen, ng'amotigap kecheik, kobwa tainnyu, si kobiit kosoman siruutichuuto, ak koboorwo kaarorennywa, ago ma imuuch koboor kaaroretap kioto.

DANIEL 5:16

Ago koagas agobo inyee keele imuuchi iaror ak ibooru tugun che iimi piich. Ngot imuuchi anyun isoman siruutichuuto ak iboorwo kiit ne mwaei, kilaagun anyun ngoroik che aruseen ne piriir ak kilaakyi kaating'ung' sirimdap thahabu, ak iegu pounindet ne po somok eng' pounateet.”

DANIEL 5:29

Ki ng'at anyun Belshazzar ng'atuutyet, ak kolaakyi `piik Daniel ngoryeet ne arus ne piriir, ak kolaakyi kaatinnyi sirimdap thahabu, ak komwaita agobo ineendet kole egu pounindet ne po somok eng' pounateet.

KAITOSYEK 22:17

amu aeetin inyooru teegisto ne oo, ak ayai kiy age tugul ne imwaiwo. Asaain anyun ale, nyoo chubwa pichu.”

KAITOSYEK 22:7

Ara ki pa anyun poisyegap Moab ak che po Midian koibei eng' eunekwak kagoochinoigap ng'oorset. Ki it kap Balaam, ak ki mwachi ng'aleegap Balak.

KAITOSYEK 24:11

Ara mwei ui oldang'ung' nguno! Ki aleen si aeetin inyooru teegisto ne oo, ago keero, kietenen Kamuktaindet ne Toroor teegisooto.”

1 SAMUEL 17:25

Ki le piigap Israel, “Kaogeer chiichi katogos? Katogosu iman konyo koreenyei Israel. Chii ne parei ineendet, kogoochin laitoryat mogornateet ne oo ak kogoochi cheptonyi kotun ak kotyach kootap kwandanyi eng' Israel.”