DANIEL 5:21 - Bukuit Ne Tilil

²¹ Ki kioon kwo eng' ole mi piik, ak ki kiyai naennyi koigei ne po tyong'ik. Ki meny kobooto sigirogap timiin, ak ki kibae susweek ko uu tuuga. Ki ibutyi rewoot poortanyi agoi konai kole pou Ne Toroor Miising' pounatetap piik, ak kogoochin age tugul ne makyin koboi.

BUKUIT NE TILIL

²¹ ak kigion kwo eng’ ole mi bik; ak kigiyai naennyi koigei ne bo tiong’ik, ak kimeny koboto sigirokab timin; ak kigibae suswek ko u tuga, ak kiibutyi rewot bortanyi: agoi konai kole bou Kamuktaindet ne Toror Mising’ bounatetab bik, ak kogochin age tugul ne makyin koboi.

DANIEL 5:21 Referencias Cruzadas

Kitabuutap JOB 39:5

Ng'oo ne ki ityaach sigiryet ne po timiin? Anan ng'oo ne ki ityaach ratuutigap oloitigeet?

EZEKIEL 17:24

Si konai keetiik tugul che po timiin kole aa Kamuktaindet ne Toroor ne ki achooru keetit ne kooi, ak aeet keetit ne ming'in, ak ayaam keetit ne tuon, ak agoochi keetit ne yaamaat kotunen: kaamwa anee Kamuktaindet ne Toroor, ak ayae.

DANIEL 4:14

Ki mwa eng' kutit ne oo kole oep keetoto ak oep mooriikyik, otumdum korara sogekyik ak oseer logoekyik. Ingoba tyong'ik eng' kelunnyi, ak koba toriitik eng' mooriikyik.

DANIEL 4:17

Punu kirwoogoni ng'atuutyetap riibiik, ak punu ma ko nooto ng'olyootap icheeget che tiliileen, si kobiit konai che saptos kole pou Ne Toroor Miising' pounatetap piik, ak kogoochin age tugul ne makyin, ak koeeti piik che nyerootiin miising' koboi.

DANIEL 4:22

Inyee nooto, ee laitoryat, ne koieetu ak igimiitu. Kogotesak etunateng'ung' ak koitei kipsengwet, ak koitei ole poochin ng'wony pounateng'ung'.

DANIEL 4:25

keele ki onin iwe eng' ole mi piik, ak imeny kobooto tyong'igap timiin, ak kegoonin iaget ko uu tuuga, ak kobutyin rewoot, kot kogeskei peetuusyek che ki king'at, konyil tisap; agoi inai ile pou Ineendet Ne Toroor Miising' pounatetap piik, ak kogoochin age tugul ne makyin.

DANIEL 4:26

Ak ko uu ye ki ng'at icheek kebagaakta musukyet ak tigitik eng' ng'wony; inyooru kogeny pounateng'ung' ye kainai ile pounisyei kipsengwet.

DANIEL 4:34

Kingo keskei peetuusyechooto, anyal anee Nebukadnezar kipsengwet, ak koweekyagei naennyu, aweekyini kongoi Ne Toroor Miising', alasu ak agoonyit ineendet ne sabei koigeny. Amu pounatennyi ko pounateet ne po koigeny, ak ko po laitornatennyi ibinwek tugul.

DANIEL 4:35

Ki iti piik tugul che menyei ng'wony keele puch ak koyachin lugeetap kipsengwet ko uu ye machei, kobooto piik che menyei ng'wony. Ama mi chii ne imuuchi kogirinda eunnyi, anan koleenji ineendet, “Iyae nee?”

DANIEL 4:37

Alasu anyun anee Nebukadnezar, ak atoroori ak agonyiti Laitoryatap kipsengwet, amu po iman poisyonikyik tugul, ak ko po kirwooget ortinwekyik; ak imuuchi koming'in icheek che pendoti eng' menoteet.

DANIEL 5:18

Ee laitoryat, ki igoochi Kamuktaindet Ne Toroor Miising' Nebukadnezar kwandang'ung' pounateet, ooindo, toroornatet ak etunateet.