DANIEL 5:2 - Bukuit Ne Tilil

² Ye kita koei Belshazzar divaik, kong'at keip tereenik che po thahabu ak che po fedha che ki ibu Nebukadnezar kwandanyi eng' Hekaluut ne ki mi Jerusalem, si kobiit koeise laitoryat ak kiptainikyik, osotikyik ak chebaigeinikyik.

BUKUIT NE TILIL

² Ye kita koeei Belsasar Divaik, kong’at keib terenik che bo tahabu ak che bo feda che kiibu Nebukadnesar kwandanyi eng’ hekalut ne kimi Jerusalem; si kobiit koeeise laitoriat ak kiptainikyik, osotikyik ak chebaigeinikyik.

DANIEL 5:2 Referencias Cruzadas

2 SAMUEL 9:7

Ki leenji anyun `Daudi ineendet, “Meiywei; amu ayaun ne myee iman agobo Jonathan kwandang'ung', ak iamisye mesennyu kotugul.”

2 LAITORINIK 24:13

Ak ki ip eng' yooto konoraik tugul che ki mi kootap Kamuktaindet ne Toroor ak che ki mi kootap laitoryat. Kituatui tereenik tugul che po thahabu komengegitu che kiga yai Solomon laitoryatap Israel eng' Hekaluutap Kamuktaindet ne Toroor, ko uu ye ki kamwa Kamuktaindet ne Toroor.

2 LAITORINIK 25:15

Ki ip kiptaiyatap riibiik tuguuk che ki ibe maat ak taabook, tuguuk che ki kiyae thahabu ak che ki kiyae fedha.

2 ATEPTAP PEETUUSYEK 11:20

Yeityo kotun Maaka cheptap Absalom, ak ki sikyi ineendet Abijah, Atai, Shisha ak Selomit.

2 ATEPTAP PEETUUSYEK 15:16

Ki isto `Asa kamennyi Maaka agine, si mata koek laitoryat ne kwondo, amu kiga koyai kanamwet ne kiwechei ne po Asera. Kibut Asa kanamwennyi ak kotui koek temburyek, ak kobeel eng' ole neegitee kererutap Kidron.

2 ATEPTAP PEETUUSYEK 36:10

Ak ye kingo keskei kenyiit koyook Laitoryat Nebukadnezar piik komut ineendet konyo Babilon, kobooto tereenik che korooron che po kootap Kamuktaindet ne Toroor, ak ki ieet Zedekiah ng'eetap kamet koek laitoryat koboi Judah ak Jerusalem.

2 ATEPTAP PEETUUSYEK 36:18

Ak ki ip anyun tuguuk tugul che po kootap Kamuktaindet, che eecheen ak che mengeechen, ak konoraigap kootap Kamuktaindet ne Toroor, ak konoraigap laitoryat, ak che po pounikyik, ki ip tugul koba Babilon.

EZRAH 5:14

Ki inem Laitoryat Cyrus eng' hekaluutap Babilon, tereenigap thahabu ak che po fedha ak icheek che po kootap Kamuktaindet, che kiga ip Nebukadnezar eng' Hekaluut ne ki mi Jerusalem kobwa hekaluutap Babilon ak ki kigoochi chiito age ne kiguure Sesbasar ne kiga koeet ineendet koek pounindet,

JEREMIA 27:7

Ak koot pororyosyek tugul ineendet ak weeriitnnyi, agoi koit peetuusyegap emennyi: ak koyae anyun pororyosyek che chaang' ak laitorinik che eecheen ineendet koek otwogindennywa.

JEREMIA 50:35

Mi rotwetap chok paragutap Kaldeik, mwaei Kamuktaindet ne Toroor, ak eng' piik che menyei Babilon, ak eng' pounikyik, ak eng' piikyik che ng'oomen.

JEREMIA 52:19

Ak kigombok, ak tuguuk che ki ibe maat, ak taabook, ak tereenik, ak keelyegap taisyek, ak kechigosyek, ak taabook; ak ki ip kiptaiyatap riibiik tuguuk che ki kiyae thahabu, ko thahabu, ak tuguuk che ki kiyae fedha, ko fedha.

DANIEL 1:2

Ki igoochi `Kiptaiyat kimnateet Nebukadnezar koterteer Jehoiakim laitoryatap Judah. Ki kimut inee kobooto tuguuk alak che po kootap Kamuktaindet. Ki ip tuguuchooto koba emetap Sinar, ak konde kootap konoraik che po kamuktaikyik.

DANIEL 5:11

Miitei chiito eng' pounateng'ung' ne menyei tamirmiryetap kamuktaik che tiliileen. Ki kinyoorchi chiichooto eng' peetuusyegap kwandang'ung' lapkeiyet ak naet ak utaatyet, ne uu utaatyetap kamuktaik. Ki inde `kwandang'ung', Laitoryat Nebukadnezar ineendet koek kiptaiyatap piik che ng'oomen che ng'oorsei, ng'amotigap kecheik, Kaldeik ak chepsogeinik;

DANIEL 5:13

Ki kimut anyun Daniel konyo taitap laitoryat. Ki ng'alaal laitoryat koleenji Daniel, “Tos ii Daniel, ne ii po lagogap piik che ki kiluul che po Judah, che ki imutu laitoryat kwandanyu eng' Judah?

DANIEL 5:18

Ee laitoryat, ki igoochi Kamuktaindet Ne Toroor Miising' Nebukadnezar kwandang'ung' pounateet, ooindo, toroornatet ak etunateet.

DANIEL 5:23

Ago ki ietkei obelgei ak Kiptaiyat ne po kipsengwet; ak kogeip tereenigap koonnyi kobwa taing'ung', ak kooee divaik, inyee ak kiptainiguk, osotiguk ak chebaigeiniguk; ak koilasu kanamonigap fedha, ak che po thahabu, che po sugunwet, che po kariik, che po keetiik, ak che po koik, che ma keertoi, ama kastoi, amaingen kiy. Ama itoroor Kamuktaindet ne tinyei kabuseng'ung' eng' eunnyi, ak chechiik ortinweguk tugul.

DANIEL 5:3

Ki kiip anyun tereenigap thahabu ak fedha che ki kiibune hekaluut eng' Jerusalem, kootap Kamuktaindet; ak ki eisee laitoryat ak kiptainikyik, osotikyik ak chebaigeinikyik.

DANIEL 5:30

Ki kibar kemounooto Belshazzar, laitoryatap Kaldeik.

DANIEL 5:4

Ki ee divaik ak kolas kanamonigap thahabu ak che po fedha, che po sugunwet, che po kariik, che po keetiik ak che po koik.

KAITOSYEK 7:79

sanit agenge ne po fedha, ne yamei nyigiisindanyi shekelisyek pogol ak sosom, ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek;