DANIEL 4:9 - Bukuit Ne Tilil

⁹ “Ee Belteshazzar, pounindetap piik che ng'oomen che ng'oorsei, amu angen ale menyin tamirmiryetap kamuktaik che tiliileen, ama mi ung'ootyet ne iimin. Mwaiwo anyun ng'ang'utigap karwotitoennyu che ki ageer ak kaarorennyi.

BUKUIT NE TILIL

⁹ Ee Beltesasar, bounindetab bik che ng’omen che ng’orsei, amu angen ale menyin tamirmirietab cheptalalisiek che tililen, ama mi ung’otiet ne iimin, mwawa anyun ng’ang’utikab karuotitoennyu che kiageer, ak kaweeksennyi.

DANIEL 4:9 Referencias Cruzadas

TAUNET 41:38

Ki leenji Pharaoh otwogikyik, “Kimuktoi ano kenyooru chiito ne uu chiichi ne tinyei Kabuusetap Kamuktaindet?”

ISAIAH 33:18

Ibwaati muguleldang'ung' agobo kamuiset: “Mi ano ineendet ne iitisyei, mi ano ineendet ne kerei karagendoetap aisuruut? Mi ano ineendet ne iiti teeksosyek che kooen?”

ISAIAH 54:14

Ki kimiitin eng' imanda; ilooitu eng' nyalilda, amu meiyweisyei; ilooitu eng' kamuiset, amu mariikyinin.

EZEKIEL 17:23

Aminjini tulweet ne kooi ne po Israel: ak kowakta, ak kooi logoek, ak koek tarakwet ne myee: ak komeny kelunnyi toriitik alak tugul che tirirendos; menyei toriitichooto urwetap mooriikyik.

EZEKIEL 28:3

keero, ii ng'oom isiir Daniel; ma mi ung'ootyet ne imuuchi icheek koung'enen:

DANIEL 1:20

Eng' kiit age tugul ne po utaatyet ak naet ne ki kateepse `laitoryat pichooto, ko ki keer anyun ineendet kole siirei `pichooto konyil taman piik tugul che ng'oomen, che ng'oorsei, ak ng'amotigap kecheik che ki mi pounatennyi tugul.

DANIEL 2:47

Kowolji `laitoryat Daniel koleenji, “Iman, Kamuktaindeng'wong' ko Kamuktaindet ne pou kamuktaik, ak ko Kiptaiyatap laitorinik ak ng'ang'indetap ung'ootik, amu kaimuuch ing'aany ung'ootyoni.”

DANIEL 2:48

Ki eet anyun `laitoryat Daniel, ak kogoochi ineendet kagoochinoik che eecheen, ak kogoochi ineendet koboi emet komugul ne po Babilon, ak koek kirwoogindet ne oo ne pou piik tugul che ng'oomen che po Babilon.

DANIEL 4:18

Ki ageer anee Laitoryat Nebukadnezar tuguuchuuto eng' karwotitoet. Ee inyee Belteshazzar, mwaa kaaroret, amu ma imuuchi piik tugul che ng'oomen che po pounatennyu koboorwo kaaroret; ago imuuchi inyee, amu menyin tamirmiryetap kamuktaik che tiliileen.”

DANIEL 4:5

Ki arwotyi karwotitoet ne ki imua; ak ki ima kabwaatutik ak ng'ang'utik che ki pwanjo ami itogunnyu.

DANIEL 4:8

Ago eng' let, konyo Daniel tainnyu, ne ki kiguure Belteshazzar, ko uu kainetap kamuktaindennyu, ne menyei tamirmiryetap kamuktaik che tiliileen. Ki amwachi ineendet karwotitaonooto aleenji:

DANIEL 5:11

Miitei chiito eng' pounateng'ung' ne menyei tamirmiryetap kamuktaik che tiliileen. Ki kinyoorchi chiichooto eng' peetuusyegap kwandang'ung' lapkeiyet ak naet ak utaatyet, ne uu utaatyetap kamuktaik. Ki inde `kwandang'ung', Laitoryat Nebukadnezar ineendet koek kiptaiyatap piik che ng'oomen che ng'oorsei, ng'amotigap kecheik, Kaldeik ak chepsogeinik;

1 SAMUEL 4:8

Pwo acheek! Ng'oo ne sarwech eng' kamuktaichu kiimeen? Chu ko kamuktaik cho ki parei Misiriik koboree korotwo alak tugul eng' surkwen.