DANIEL 4:5 - Bukuit Ne Tilil

⁵ Ki arwotyi karwotitoet ne ki imua; ak ki ima kabwaatutik ak ng'ang'utik che ki pwanjo ami itogunnyu.

BUKUIT NE TILIL

⁵ Kiaruotyi karuotitoet ne kiimua; ak kiima kabwatutik ak ng’ang’utik che kibwanja ami itogunnyu.

DANIEL 4:5 Referencias Cruzadas

TAUNET 41:1

Ye kingo keskei kenyiisyek aeng'u, korwotyi Pharaoh kotononi eng' ye neegitee aineet.

DANIEL 1:7

Ki toochi `pounindetap kiptainik icheek kainaik: Daniel ko ki kuuree Belteshazzar, Hananiah koguure Shadrak, Mishael koguure Meshak, ak Azariah ko ki kuure Abed-nego.

DANIEL 2:1

Eng' kenyiitap aeng' ne po laitornatetap Nebukadnezar, korwotyi Nebukadnezar karwotitaosyek che ki yai koimak muguleldonyi ak kobeetyi rwondo.

DANIEL 2:3

Ki leenji `laitoryat icheek, “Koarwotyi karwotitoet ak iimaat saboondanyu komachei konai agobo karwotitaonooto.”

DANIEL 4:10

Ye ki ami itogunnyu; ko ki ageer keetit komi kwenutap ng'wony, ak ki oo kooindap tononennyi.

DANIEL 4:13

Ki atestai ageer, eng' ng'ang'utik che ki pwanjo ami itogunnyu, ak ogeero, ki choorgei riibindet ne tiliil kobunu kipsengwet.

DANIEL 4:15

Ago omete musukyennyi ak tigitik eng' ng'wony, ko miroot eng' karnet ak sugunwet, eng' ole mi susweek che ng'orng'or. Ingobutyi ineendet rewootap kipsengwet, ak kotebi kobooto tyong'ik che agetoos, eng' susweegap ng'wony.

DANIEL 4:19

Ki toptoben anyun ne matya Daniel, ne ki kiguure Belteshazzar, ak kiim ineendet kabwaatutikyik. Ki mwachi `laitoryat ineendet koleenji, “Beltesasar, amat ingoiimin karwotitoet, anan ko kaarorennyi.” Kowol Belteshazzar kole, ingobunji karwotitoet icheek che wechin, ak ingobunji kaarorennyi puuniguk!

DANIEL 5:10

Ki nyo anyun chebyosetap kaplaitoryat kootap igoorto amu ng'aleegap laitoryat ak kiptainikyik. Ki ng'alaal chebyosanooto kole, ee laitoryat, iwe keny! Amat ingoiimin kabwaatutiguk anan kowalak togeng'ung'.

DANIEL 5:11

Miitei chiito eng' pounateng'ung' ne menyei tamirmiryetap kamuktaik che tiliileen. Ki kinyoorchi chiichooto eng' peetuusyegap kwandang'ung' lapkeiyet ak naet ak utaatyet, ne uu utaatyetap kamuktaik. Ki inde `kwandang'ung', Laitoryat Nebukadnezar ineendet koek kiptaiyatap piik che ng'oomen che ng'oorsei, ng'amotigap kecheik, Kaldeik ak chepsogeinik;

DANIEL 7:1

Ki irwotyi Daniel karwotitoet, ak kobwonji metinnyi ng'ang'utik eng' itogunnyi eng' kenyiit ne po tai ne po Belshazzar laitoryatap Babilon. Ki sir anyun ng'aleegap karwotitaonooto, ak komwaita ng'aleek che eecheen che po karwotitaonooto.

DANIEL 7:28

Igesunegei yuto ng'olyoondonooto. Ki iima miising' kabwaatutikyuk, anee Daniel, ak ki walak togeennyu; ago ki agonoree muguleldanyu ng'olyoondonooto.