DANIEL 4:34 - Bukuit Ne Tilil

³⁴ Kingo keskei peetuusyechooto, anyal anee Nebukadnezar kipsengwet, ak koweekyagei naennyu, aweekyini kongoi Ne Toroor Miising', alasu ak agoonyit ineendet ne sabei koigeny. Amu pounatennyi ko pounateet ne po koigeny, ak ko po laitornatennyi ibinwek tugul.

BUKUIT NE TILIL

³⁴ Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 4:34 Referencias Cruzadas

2 SAMUEL 22:31

Ititaat ooreetap Kamuktaindet ne Toroor; ki konaak ng'olyootap Kamuktaindet ne Toroor, Ineendet long'eetap icheeget tugul che imang'u ineendet.

1 ATEPTAP PEETUUSYEK 29:10

Ki ilas anyun `Daudi Kamuktaindet ne Toroor eng' taitap tuiyet tugul, ak ki le, “Iberuurot inyee, Kamuktaindet ne Toroor, Kamuktaindetap Israel kwandanyo, koigeny ak koigeny.

1 ATEPTAP PEETUUSYEK 29:13

Ara anyun, Kamuktaindennyo, kimwaun kongoi, ak kilasu kaineng'ung' ne po toroornatet.

Kitabuutap JOB 1:21

Ak ki le, “Ki kisicho aach ngor, ak aweeksei aach ngor. Ki koonu Kamuktaindet ne Toroor, ak kagoweech Kamuktaindet ne Toroor. Iberuurot kainetap Kamuktaindet ne Toroor.”

TIENWOGIKAL 10:16

Kamuktaindet ne Toroor ko Laitoryat koigeny ak koigeny; ki ko petyo pororyosyek eng' emennyi.

TIENWOGIKAL 102:24

Ki ale, “Ee Kamuktaindennyu, amemuta eng' kwenutap peetuusyekyuk. Tebyei kenyisyeguk agoi ibinwek tugul.”

TIENWOGIKAL 107:15

Myee kolas `piik Kamuktaindet ne Toroor amu myeeindonyi, ak amu poisyonikyik che kikwong'ee, che yachin weeriigap piik!

TIENWOGIKAL 107:22

Ak ingogoito korosegap kongoi, ak komwaita poisyonikyik eng' tyendo.

TIENWOGIKAL 107:31

Myee kolas `piik Kamuktaindet ne Toroor amu myeeindonyi, ak amu poisyonikyik che kikwong'ee, che yachin weeriigap piik!

TIENWOGIKAL 107:8

Myee kolas `piik Kamuktaindet ne Toroor amu myeeindonyi, ak amu poisyonikyik che kikwong'ee, che yachin weeriigap piik!

TIENWOGIKAL 111:7

Poisyonigap eunekyik ko imanda ak kirwooget; isuldootiin kaneetisyosyekyik tugul.

TIENWOGIKAL 121:1

Anyali tuloonook; punu ano toreteennyu?

TIENWOGIKAL 123:1

Anyalin, ee inyee ne tebee kipsengwet.

TIENWOGIKAL 145:13

Laitornateng'ung' ko laitornatet ne po koigeny; ak tebyei laitornateng'ung' eng' ibinwek tugul.

TIENWOGIKAL 146:10

Laitorani Kamuktaindet ne Toroor koigeny, laitorani Kamuktaindeng'ung' eng' ibinwek tugul, ee Zion. Olasu Kamuktaindet ne Toroor!

TIENWOGIKAL 50:14

Igoochi Kamuktaindet korosyotap kongoi; ak yaakyi Ineendet Ne Toroor Miising' arorutiguk.

TIENWOGIKAL 66:7

Laitorani koigeny eng' kamuktaennyi; Keerei konyekyik pororyosyek: Amat koeetkei ngelelik.

TIENWOGIKAL 7:17

Aweekyini Kamuktaindet ne Toroor kongoi ko uu imandanyi; ak atyenjini kalasunet kainetap Kamuktaindet ne Toroor, Ineendet Ne Toroor Miising'.

TIENWOGIKAL 9:2

Abaibaitu ak agasigei eng' inyee; atyenjini kalasunet kaineng'ung', ee, inyee Ne Toroor Miising'.

TIENWOGIKAL 92:1

Kiit ne myee ko keeweekyi kongoi Kamuktaindet ne Toroor, Ak ketyenji kaineng'ung' eng' kalasunoik, ee inyee Ne Toroor Miising':

ISAIAH 13:11

Ak abir ng'wony amu yaityennyi, ak abir kiptengeginik amu tengektonywa; ak awong'u menoteetap che mendos, ak anyeroti menoteetap che imuisei.

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 24:15

Otoroor anyun Kamuktaindet ne Toroor eng' kong'asiis, otoroor kainetap Kamuktaindet ne Toroor, Kamuktaindetap Israel, eng' ngeguusyegap nyanjet.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

RIREKAB JEREMIA 3:38

Tos ma mang'une kutitap Ineendet Ne Toroor Miising' yaityet ak myeeindo?

DANIEL 12:7

Agas chiito ne ki ilaachi ngoroigap katanit ne ki mi paragutap peegap ainonooto, ye kinamjin parak eunnyi ne po tai ak eunnyi ne po kaataam kotokyi kipsengwet. Ak ki agas koyasyo eng' ineendet ne sabei koigeny kole punjin kenyiit, kenyiisyek ak kebebertap kenyiit, ak ye tuun kagogees icheek tonet ne tonatoni kimnateetap piik che tiliileen, kogeskei anyun tuguuchuuto tugul.

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 4:2

Ki ageer ale myee abor kaboorunoik ak kwang'utik che ki yaiywo Kamuktaindet Ne Toroor Miising'.

DANIEL 4:26

Ak ko uu ye ki ng'at icheek kebagaakta musukyet ak tigitik eng' ng'wony; inyooru kogeny pounateng'ung' ye kainai ile pounisyei kipsengwet.

DANIEL 4:3

Eechen ne tya kaboorunoikyik! Kiimeen ne tya kwang'utikyik! Laitornatennyi ko laitornatet ne po koigeny, ak ko po pounatennyi ibinwek tugul.

DANIEL 4:32

Ki onin eng' ole mi piik, ak imeny kobooto tyong'igap timiin. Ki koonin iagete ko uu tuuga, agoi kogeskei peetuusyek che ki king'at, konyil tisap; agoi inai ile pou Ne Toroor Miising' pounatetap piik ak kogoochin age tugul ne makyin.”

DANIEL 4:36

Ki weekyagei eng' yooto naennyu; amu ki weekyagei etunatennyu ak karaaranindanyu amu toroornatetap pounatennyu. Ki pwa ole ami kirwoogikyuk ak kiptainikyuk; ak ki kigimiita eng' pounatennyu, ak ki kiteswa etunateet ne karaaran miising'.

DANIEL 5:18

Ee laitoryat, ki igoochi Kamuktaindet Ne Toroor Miising' Nebukadnezar kwandang'ung' pounateet, ooindo, toroornatet ak etunateet.

DANIEL 5:21

Ki kioon kwo eng' ole mi piik, ak ki kiyai naennyi koigei ne po tyong'ik. Ki meny kobooto sigirogap timiin, ak ki kibae susweek ko uu tuuga. Ki ibutyi rewoot poortanyi agoi konai kole pou Ne Toroor Miising' pounatetap piik, ak kogoochin age tugul ne makyin koboi.

DANIEL 6:26

Ang'ate ng'atuutyet ale ingobotanso piik che mi pounatetap laitornatennyu ak koiyweis eng' taitap Kamuktaindetap Daniel: Amu ineendet ko Kamuktaindet ne sabei, ak kotebyei koigeny. Laitornatennyi koma king'emei, ak pounatennyi koma mi ole igeesunegei.

DANIEL 7:14

Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

DANIEL 7:27

Laitornatet ak pounateet, ak ooindap laitornatosyek che mi kurereetap kipsengwet komugul ko tuun kigoochin piigap piik che tiliileen che po Ineendet Ne Toroor Miising'. Laitornatennyi ko laitornatet ne po koigeny, ak tuun otei ineendet pounatosyek tugul ak kogase iit.”

DANIEL 9:14

Ki riip anyun Kamuktaindet ne Toroor yaityet agoi peetuut ne ki ibwech. Ee po iman Kamuktaindet ne Toroor, Kamuktaindennyo eng' poisyonikyik tugul che yaei, amu ma ki kas iit kutinnyi.

JONAH 1:14

Ki riirchi anyun Kamuktaindet ne Toroor koleenji, “Kisoomin miising', ee Kamuktaindet ne Toroor, kisoomin miising' keele, amengebegu agobo saboondap chiichi. Ameiityech korotiik che ma tinyei tengek; ee Kamuktaindet ne Toroor, amu kaiyai inyee ko uu ye kecham.”

MIKAH 4:7

ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

LUKA 1:33

ak tuun laitorane kootap Jakobo koigeny; punjin laitornatennyi koigeny.”

LUKA 18:13

Ago ki tonon taagindetap aisuruut eng' ye loo, ak ma cham agot konyal kipsengwet, ago kiluch tegeennyi, kole, ‘Kamuktaindet, rireena, aa kiptengekyo.’

JOHANA 5:26

Amu ko uu ye tinyei Kwanda saboondo ineegei, uu nooto Ki kogoochi Weeriit kotepto saboondo:

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

1 TIMOTEO 6:16

ne tinyei ineegei saboondap koigeny, ne menyei eng' lapkeiyet ne ma kimuuchi keriikyi; ne tomo kogeer chii, amaimuuchi kogeer: ingobunji ineendet teegisto ak kamuktaet koigeny. Amen.

NG'ANG'UTYET 10:6

ak ki iyasyo eng' ineendet ne sabei koigeny ak koigeny, ne ki tau koyaei kipsengwet ak tuguuk che miitei olooto, ak ng'wony ak tuguuk che mi olooto, ak nyanjet ak tuguuk che mi oriit, kole ma komi kagaetapkei:

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 4:10

kobutyi anyun poisyechooto tiptemu ak ang'wan taitap ineendet ne tebee ng'echeranooto po laitornatet, ak kogutung'ji ineendet ne sabei koigeny ak koigeny, ak kowiirchi ng'wony kutonokwak che po thahabu eng' taitap ng'echereet, koleen,

NG'ANG'UTYET 4:9

Ak ye igoochi tuguuchooto saptos toroornatet ak teegisto ak kongoi ineendet ne tebee ng'echeranooto po laitornatet, ineendet ne sabei koigeny ak koigeny,