DANIEL 4:18 - Bukuit Ne Tilil

¹⁸ Ki ageer anee Laitoryat Nebukadnezar tuguuchuuto eng' karwotitoet. Ee inyee Belteshazzar, mwaa kaaroret, amu ma imuuchi piik tugul che ng'oomen che po pounatennyu koboorwo kaaroret; ago imuuchi inyee, amu menyin tamirmiryetap kamuktaik che tiliileen.”

BUKUIT NE TILIL

¹⁸ Kiageer ane laitoriat Nebukadnesar tuguchuto eng’ karuotitoet: ee inye Beltesasar, mwa kaweekset, amu maimuchi bik tugul che ng’omen che bo bounatennyu koborua kaweekset; ago imuchi inye, amu menyin tamirmirietab cheptalelisiek che tililen.

DANIEL 4:18 Referencias Cruzadas

TAUNET 40:12

Koleenji `Joseph ineendet, “Ye kiweech ko uu ni: temenichooto somok ko peetuusyek somok;

TAUNET 41:15

Ki leenji `Pharaoh Joseph, “Koarwotyi karwotitoet, ma piit chii ne koimuuch koweech. Koagas agobo inyee keele, ngigas karwotitoet imuuchi iweech.”

TAUNET 41:8

Kingo eech karon, koiimgei eng' muguleldanyi, ak ki iyookto keguur Siriik tugul che ng'oomen che po Misiri, che ng'oorsei, ak piik tugul che ng'oomen che ki miitei. Ki tetyi `Pharaoh icheek karwotitoennyi, ago ki ma piit chii ne ki imuuch koguiyechi Pharaoh karwotitaosyekyik.

ISAIAH 19:3

Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

DANIEL 1:20

Eng' kiit age tugul ne po utaatyet ak naet ne ki kateepse `laitoryat pichooto, ko ki keer anyun ineendet kole siirei `pichooto konyil taman piik tugul che ng'oomen, che ng'oorsei, ak ng'amotigap kecheik che ki mi pounatennyi tugul.

DANIEL 2:38

ak ki kogoonin `ineendet piik che menyei oldo tugul, tyong'igap timiin, toriitigap parak kobwa eung'ung' ak ki kogoonin ibou icheek tugul. Inyeendet metoto po thahabu.

DANIEL 2:7

Kowolji ne po aeng' koleenji, “Ingomwaiwech `laitoryat acheek otwogikyik karwotitaonooto, si kibooru kaaroret.”

DANIEL 5:15

Ak kagimut piik che ng'oomen, ng'amotigap kecheik, kobwa tainnyu, si kobiit kosoman siruutichuuto, ak koboorwo kaarorennywa, ago ma imuuch koboor kaaroretap kioto.

DANIEL 5:8

Ki pwa anyun piik tugul che ng'oomen che po laitoryat, ago ma imuuch kosoman siruutichooto, anan koboorchi laitoryat kaaroret.

AMOS 3:7

Iman ma yaei kiy Kiptaiyat Kamuktaindet ne Toroor kotom kong'aang'ji ung'ootyennyi otwogikyik maotik.