DANIEL 4:1 - Bukuit Ne Tilil

¹ Kamwachi `Laitoryat Nebukadnezar piik tugul, pororyosyek tugul, ak che po kutusweek tugul che menyei ng'wony tugul koleenji: Ingotesak kaalyeet eng' okweek!

BUKUIT NE TILIL

¹ Kamwachi ane laitoriat Nebukadnesar bik tugul, bororiosiek tugul, ak che bo kutuswek tugul, che menyei ng’ony tugul; alenji, Ingotesak kalyet eng’ okwek.

DANIEL 4:1 Referencias Cruzadas

1 ATEPTAP PEETUUSYEK 12:18

Konyonji anyun `Kabuuset ne Tiliil Amashai, ne ki ne oo eng' pichooto sosom, ak kole: “Ki cheguuk, Daudi! Ki mi komostang'ung', inyee weeriitap Jesse! Mi kaalyeet, ingotep kaalyeet kobooten, ak ingotep kaalyeet kobooto toretiguk, amu toretin Kamuktaindeng'ung'.” Kotaach anyun `Daudi icheek, ak koyai koek kiptainigap kweanet.

EZRAH 4:17

Ki iyookyi anyun laitoryat waluunet Reum pounindetap kirwooget ak Simsai siriindet ak choronokwak tugul che ki menyei Samaria, ak emet tugul ne mi aineet pitoniin kole ingotep kaalyeet ko uu nooto.

EZRAH 5:7

Ki iyookyi ineendet parweet, ne ki kisir ko uu ni: Kisirchini Laitoryat Darius, taach chametapkei.

ESTA 3:12

Ki kiguur anyun siriigap laitoryat kobwa eng' arawet ne po tai eng' peetuutap taman ak somok, ak ki kisir ko uu tugul che ki ng'at Haman kong'atyi kiptainigap che mi kaplaitoryat, pounik che ki pou emet age tugul ak kiptainigap pororyet age tugul. Ki kisirchi emet age tugul ko uu sirennyi ak pororyet age tugul ko uu kutinnywa. Ki kisir eng' kainetap Laitoryat Aasuerus ak ki king'ooch eng' peteitap laitoryat.

ESTA 8:9

Ki kiguur anyun siriigap laitoryat peetuunooto, eng' peetuutap tiptem ak somok eng' arawetap somok, nooto ko arawetap Siban. Ki kisir ko uu tuguuk tugul che kiga ng'atyi Mordekai Yahudik, kandoik pounik ak kiptainigap emotinwek che ki mi kong'etee India agoi Kush, emotinwek pogol ak tiptem ak tisap. Ki kisirchi emet age tugul eng' siruutikyik ak pororyet age tugul eng' kutinnywa ak ki kisirchi Yahudik ko uu siruutikwak ak eng' kutinnywa.

DANIEL 3:29

Kang'at ng'atuutyet anyun ale kitonatoni piik alak tugul, pororyet age tugul, ak piigap kutit age tugul, che mwaei kiy age tugul ne ya agobo Kamuktaindetap Shadrak, Meshak ak Abed-nego, ak keyai kooriikwak koek kapng'atat; amu ma mi kamuktain ne imuuchi kosar chii ko uu ni.

DANIEL 3:4

komwa anyun ng'alaalindet ne mwaitoi ng'aleek eng' kutit ne oo kole kaging'atak, okweek piik, pororyosyek ak che oo po kutusweek che teer, keele,

DANIEL 6:25

Ki sirchi anyun `Laitoryat Darius piik ak pororyosyek tugul ak che po kutusweek tugul che menyei ng'wony komugul; koleenji, “Ingotesak kaalyeet eng' okweek!

DANIEL 6:27

Ityachi ak kosaru, yaei kaboorunoik ak kwang'utik eng' kipsengwet ak ng'wony; ineendet ne kogosar Daniel eng' kimnateetap ng'etuunyik.”

DANIEL 7:14

Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

SEKARIA 8:23

Mwaei Kamuktaindet ne Toroor ne po lugoosyek kole: Tuun namei piik tamanu eng' peetuusyechooto, che punu kutusweek tugul che po pororyosyek, ngoryeetap Yahudyot ak koleenji, ‘Kibendi tugul kobooten, amu kigegas keele mi Kamuktaindet kobootok.’ ”

POISYONIGAP CHE KIYOKTOI 2:6

Kingo kas cheonooto, koyumgei tuiyet ak kokwong'yo, amu ki kas chii tugul pichooto kong'alaali eng' kutinnyi.

ROMANIK 1:7

eng' okweek tugul che omite Rome, chamanigap Kamuktaindet, che ki kiguur koek che tiliileen: Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.

EPESOEK 1:2

Ingotep myeeindo kobootok ak kaalyeet che punu Kamuktaindet Kwandanyo ak Kiptaiyat Jeso Kristo.

1 TIMOTEO 1:2

asirchini Timoteo lakweennyu, ne po iman eng' kayaneet: Ingotep kobooten myeeindo, ak rireenetapkei, ak kaalyeet, che punu Kamuktaindet Kwanda ak Kristo Jeso Kiptaiyandennyo.

1 PETERO 1:2

ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.