DANIEL 3:7 - Bukuit Ne Tilil

⁷ Kingo kas anyun piik tugul cheetap igoondit, ndurerut, ketubet, chepkesemit, kibugandet ak tyenwogik alak tugul, kobutyi ng'wony piik tugul, pororyosyek, ak che po kutusweek che teer ak kolas kanamwetap thahabu ne kiga kolumda Laitoryat Nebukadnezar.

BUKUIT NE TILIL

⁷ Kingogas anyun bik tugul cheetab igondit, ndurerut, ketubet, chepkesemit, kibugandet, koboto tienwogik alak tugul, kobutyi ng’ony bik tugul, bororiosiek, ak che bo kutuswek che ter, ak kolos kanamwetab tahabu ne kiga kolumda laitoriat Nebukadnesar.

DANIEL 3:7 Referencias Cruzadas

JEREMIA 51:7

Ki kigombetap thahabu Babilon eng' eutap Kamuktaindet ne Toroor, ne ki igoochi ng'wony komugul kobogit: ki koee pororyosyek divaikyik; amei anyun iywek pororyosyek amu nooto.

DANIEL 2:46

Kobutyi ng'wony anyun Laitoryat Nebukadnezar ak kolas Daniel, ak kong'at kole kigoochi kagoochinet kobooto nyamdutik che anyiny.

DANIEL 3:10

Ee laitoryat, koing'at inyee ile chii age tugul ne kasei cheetap igoondit, ndurerut, ketubet, chepkesemit, kibugandet, ak ndurerut ne oo kobooto tyenwogik alak tugul, kobutyi ng'wony ak kolas kanamwetap thahabu,

DANIEL 3:4

komwa anyun ng'alaalindet ne mwaitoi ng'aleek eng' kutit ne oo kole kaging'atak, okweek piik, pororyosyek ak che oo po kutusweek che teer, keele,

DANIEL 3:5

eng' sait age tugul ne kogas cheetap igoondit, ndurerut, ketubet, chepkesemit, kibugandet, ndurerut ne oo ak tyenwogik alak tugul, obutyi ng'wony ak olasu kanamwetap thahabu ne ki lumda laitoryat Nebukadnezar.

DANIEL 3:6

Ak age tugul ne ma ibutyin ng'wony ak kolas, kewiirchin eng' sainooto maat ne oo ne lalei miising'.

DANIEL 3:8

Ki riik anyun eng' sainooto Kaldeik alage koip kataamset ne kitaame Yahudik.

POISYONIGAP CHE KIYOKTOI 14:16

Ki pagaakyi `ineendet pororyosyek tugul eng' ibinwek che ki kosiirto kobendat eng' ortinwekwak.

1 JOHANA 5:19

Kingen keele ki po Kamuktaindet acheek, ak miitei ng'wony komugul eng' pounatetap ineendet ne ya.

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 13:14

Ak ki iberber icheek che menyei ng'wony eng' kaboorunoik che ki kigoochi ineendet koyai eng' taitap tyondo; koleenjin icheek che menyei ng'wony koyachi kanamwet tyondo, ne tinyei perutyetap rotwetap chok, ak kisop tyonyooto.

NG'ANG'UTYET 13:3

Ak ki ageer age eng' metowekyik ko uu ne kagikwer kebar; ak ki kisoop moet ole kiga kikwer, ak ki kwong' ng'wony komugul agobo tyonyooto.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 17:8

Tyonyi kegeere komi, ama komi; ak ko neegit komong' eng' keriinget ne ma igoksei, ak kwo luseet. Ak kwong'dos icheek che menyei ng'wony, che ki ma kisirchi kainaikwak bukuitap saboondo kobooch ngap kelumda ng'wony, ye keer tyondo, amu ki mi, ama komi, ak kota konyonei.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.