DANIEL 3:4 - Bukuit Ne Tilil

⁴ komwa anyun ng'alaalindet ne mwaitoi ng'aleek eng' kutit ne oo kole kaging'atak, okweek piik, pororyosyek ak che oo po kutusweek che teer, keele,

BUKUIT NE TILIL

⁴ Kimwa anyun ng’alindet ne mwaitoi ng’alek, eng’ kutit ne o, kole, Kaging’atak, ee bichu, bororiosiechu, ak che o bo kutuswek che ter, kele,

DANIEL 3:4 Referencias Cruzadas

ESTA 8:9

Ki kiguur anyun siriigap laitoryat peetuunooto, eng' peetuutap tiptem ak somok eng' arawetap somok, nooto ko arawetap Siban. Ki kisir ko uu tuguuk tugul che kiga ng'atyi Mordekai Yahudik, kandoik pounik ak kiptainigap emotinwek che ki mi kong'etee India agoi Kush, emotinwek pogol ak tiptem ak tisap. Ki kisirchi emet age tugul eng' siruutikyik ak pororyet age tugul eng' kutinnywa ak ki kisirchi Yahudik ko uu siruutikwak ak eng' kutinnywa.

ISAIAH 40:9

Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 58:1

Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

DANIEL 3:10

Ee laitoryat, koing'at inyee ile chii age tugul ne kasei cheetap igoondit, ndurerut, ketubet, chepkesemit, kibugandet, ak ndurerut ne oo kobooto tyenwogik alak tugul, kobutyi ng'wony ak kolas kanamwetap thahabu,

DANIEL 3:3

Koyumgei anyun pounik, kandoik, kirwoogik, tiligap ng'aleek, riibiigap tuguuk, piigap kapkirwook, ng'amotigap ng'atuutik ak tononjinik tugul che po emotinwek, koyumjigei katabaanetap kanamwet ne kiga lumda Laitoryat Nebukadnezar. Ye ki tonondos eng' taitap kanamwet ne kiga lumda Nebukadnezar,

DANIEL 3:7

Kingo kas anyun piik tugul cheetap igoondit, ndurerut, ketubet, chepkesemit, kibugandet ak tyenwogik alak tugul, kobutyi ng'wony piik tugul, pororyosyek, ak che po kutusweek che teer ak kolas kanamwetap thahabu ne kiga kolumda Laitoryat Nebukadnezar.

DANIEL 4:1

Kamwachi `Laitoryat Nebukadnezar piik tugul, pororyosyek tugul, ak che po kutusweek tugul che menyei ng'wony tugul koleenji: Ingotesak kaalyeet eng' okweek!

DANIEL 4:14

Ki mwa eng' kutit ne oo kole oep keetoto ak oep mooriikyik, otumdum korara sogekyik ak oseer logoekyik. Ingoba tyong'ik eng' kelunnyi, ak koba toriitik eng' mooriikyik.

DANIEL 6:25

Ki sirchi anyun `Laitoryat Darius piik ak pororyosyek tugul ak che po kutusweek tugul che menyei ng'wony komugul; koleenji, “Ingotesak kaalyeet eng' okweek!

HOSEA 5:11

Kisastoe Ephraim, kityekyin ng'wony eng' kirwooget; amu ki chamei koosup ng'atuutyet.

MIKAH 6:16

Amu ki oriip ng'atuutigap Omri, ak poisyonik tugul che po kootap Ahab, ak obendate kirwoogutikwak: si kobiit ayain iegu panan, ak ayai piik che menyei olooto koek che kireenyei; ak oip chotisyetap piikyuk.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.