DANIEL 3:24 - Bukuit Ne Tilil

²⁴ Ki kwong' anyun Laitoryat Nebukadnezar ak kong'eet kochokyi. Ki ng'alaalji piikyik che po kapkirwook koleenji, “Tos, kama ki wiirchi ma piik somok ko ratotiin?” Kowolji anyun `pichooto laitoryat koleenji, “Iman, ee laitoryat.”

BUKUIT NE TILIL

²⁴ Kikwong’ anyun laitoriat Nebukadnesar ak kong’eet kochokyi: ak kong’alal kolenji bikyik che bo kapkiruok, Tos, kama kiwirji ma bik somok ko ratotin? Kowolji anyun bichoto laitoriat kolenji, Iman, ee laitoriat.

DANIEL 3:24 Referencias Cruzadas

2 ATEPTAP PEETUUSYEK 22:4

Ki yai ne ya eng' taitap Kamuktaindet ne Toroor, ko uu ye ki yai kootap Ahab; amu ki kaneetikyik che ki ineeti ineendet, kingo kagome kwandanyi, agoi ng'emisyennyi.

DANIEL 3:17

Ngot ko uu nooto, komuuchi Kamuktaindennyo ne keote kosarwech eng' maat ne oo ne lalei miising'; ak kosarwech ineendet eng' eung'ung', ee laitoryat.

DANIEL 3:23

Ak pichuuto somogu, Shadrak, Meshak ak Abed-nego, ko ratotiin, ko ki ibutyi anyun maata oo lalei miising'.

DANIEL 3:25

Kowolji `ineendet icheek koleenji, “Ogeero, ageere piik ang'wan che ityagotiin, kobendoti eng' ma, ama am kiy; ak kergei itondap ne po ang'wan ak weeriitap kamuktaik.”

DANIEL 4:22

Inyee nooto, ee laitoryat, ne koieetu ak igimiitu. Kogotesak etunateng'ung' ak koitei kipsengwet, ak koitei ole poochin ng'wony pounateng'ung'.

DANIEL 4:27

Nooto anyun, ee laitoryat, ingochamak kirwoogennyu eng' inyee, ak itabaanegei tengekwogiguk ye iyae imanda, ak itabaanegei yaitwogiguk ye iriiree kibananook; si kotesak kalyeng'ung'.

DANIEL 5:18

Ee laitoryat, ki igoochi Kamuktaindet Ne Toroor Miising' Nebukadnezar kwandang'ung' pounateet, ooindo, toroornatet ak etunateet.

DANIEL 5:6

Kowalak anyun togeetap laitoryat, ak koim ineendet kabwaatutikyik. Ki irigisiis ole tuiyechin kawegap suennyi ak kobirgei kutung'oikyik.

DANIEL 6:22

Koiyok Kamuktaindennyu malaikaiyandennyi koger kutusweegap ng'etuunyik, ama ita kiy, amu ma kinyoorcha kiy ne ya eng' tainnyi; ak kogeny, ee laitoryat, tomo ayai kiy ne ya eng' taing'ung'.”

DANIEL 6:7

Kogo ng'alaaljigei poisyek tugul che po pounateet, kiptainik, pounik, piigap kapkirwook ak kirwoogik, kole kogimiit ng'atuutyet ne po kaplaitoryat, ak kong'at ng'atuutyet ne kiim, kole, age tugul ne soomei kiy kamuktain age tugul anan ko chii eng' peetuusyek sosom, kobatenen inyee, ee laitoryat, kewiirchin keriingetap ng'etuunyik.

POISYONIGAP CHE KIYOKTOI 12:13

Ak ye kingo kongony kurgeetap ormariichet, konyo chepto ne ki kiguure Roda kogas.

POISYONIGAP CHE KIYOKTOI 26:13

ageer lapkeiyet ne ki punu kipsengwet, ne siirei kaluunetap asiista, koluucha komoswek tugul kobooto che ki kibendi tugul, eng' ooreet peet kween, ee, laitoryandani.

POISYONIGAP CHE KIYOKTOI 26:27

Laitoryat Agripa, tos iyani inyee maotik? Angen ale iyani.”

POISYONIGAP CHE KIYOKTOI 9:6

Ago ng'eet, ui nganaseet, si kemwaun kiit ne kanyool iyai.”

1 SAMUEL 17:55

Kingo keer `Saulo Daudi kowendi kobaregei ak Philistindet, koteebe Abner ne ki kiptaiyatap lugeet koleenji, “Abner, po kap ng'oo weeri?” Kole Abner, “Ko uu ye sabei saboondang'ung' ee laitoryat, ko mangen.”