DANIEL 3:19 - Bukuit Ne Tilil

¹⁹ Konyi anyun nereegek che ng'woneen Nebukadnezar, ak kowalak togeennyi konereekyin Shadrak, Meshak ak Abed-nego. Kong'alaal anyun ak kong'at kole kilaal maat ne oo kotesak konyil tisap kosiir ye cham kilaali,

BUKUIT NE TILIL

¹⁹ Konyi anyun neregek che ng’wonen Nebukadnesar, ak kowalak togennyi konerekyin Sadrak, Mesak, ak Abed-nego: kong’alal anyun ak kong’at kole kilaal mat ne o kotesak konyil tisab kosiir ye cham kilaali.

DANIEL 3:19 Referencias Cruzadas

TAUNET 31:2

Ak ki keer `Jakobo togeetap Laban kole ma ko uu atkinye tai.

ESTA 3:5

Ye kingo keer Haman kole ma ing'uruuk Mordekai anan kogonyit ineendet, konereech miising'.

ESTA 7:7

Ki ng'eet laitoryat eng' nereegek, ak kwo eng' igoorato po divaik, kwo mbareetap kootap laitoryat. Ki tonon Haman koleen kosoom Esta osotyotap laitoryat kesar saboondanyi; amu ki keer kole kagobegechi laitoryat koyachi ineendet yaityet.

TIENWOGIKAL 76:10

Iman ilasun nereegegap piik: Irategei nereegek che kang'et.

KALEWANAIK 16:14

Uu nereegegap laitoryat piik che kiyooktoi che po meet, ago tisei chiito ne utaat.

KALEWANAIK 21:24

Kiguure chotindet chiito ne meenei ak kochaugei, poisyei ineendet eng' kaeetetapkei ne po menoteet.

ISAIAH 51:23

Ak ande eutap icheeget che inyaliilin; che ki leenji saboondang'ung', “Ng'uruuge, si kobiit kesiirte: ak iite pateng'ung' koigei ng'wonyut, ak koigei ooreet, eng' icheek che siirtoi.”

DANIEL 2:12

Ki nereech anyun miising' laitoryat eng' nereegek che ng'woneen ak kong'at kebar ng'amotigap Babilon tugul.

DANIEL 3:13

Ki ng'at anyun Nebukadnezar eng' koroomnatennyi ak nereegek che ng'woneen kole kimut Shadrak, Meshak, ak Abed-nego. Ki kimut anyun pichuuto kobwa taitap laitoryat.

DANIEL 3:20

ak kong'at piik alak che nyigoonen che ki po lugeennyi korat Shadrak, Meshak ak Abed-nego si kowiirchi maato oo lalei miising'.

DANIEL 5:6

Kowalak anyun togeetap laitoryat, ak koim ineendet kabwaatutikyik. Ki irigisiis ole tuiyechin kawegap suennyi ak kobirgei kutung'oikyik.

DANIEL 6:24

Ki ng'at laitoryat ng'atuutyet, ak ki kimut pichooto ki itaami Daniel, ak kewiirchi icheek keriingetap ng'etuunyik, icheeget kobooto lagokwak ak osotikwak. Ak kotom koit keriinget oriit ko kital ng'etuunyik icheek ak kotonaton kawekwak.

ATEPTAP LAWIK 26:18

Ago ngo mogasa iit eng' tuguuchuuto, abirok anyun konyil tisap kosiir amu tengekwogikwok.

ATEPTAP LAWIK 26:21

“Ngo testai oeesya, amogasa iit, aibwok korotwek konyil tisap kosiir, ko uu tengekwogikwok.

ATEPTAP LAWIK 26:24

aeesyok anyun ak okweek ak abirok anyun aneendet konyil tisap amu tengekwogikwok.

ATEPTAP LAWIK 26:28

atilok let anyun eng' pandanyu eng' nereegek che pichiien, ak abirok agane konyil tisap amu tengekwogikwok.

POISYONIGAP CHE KIYOKTOI 5:33

Kingo kas icheek niito, kong'wanit miising' eng' mugulelwekwak, kot komach kobar icheek.

POISYONIGAP CHE KIYOKTOI 7:54

Ye kingo kas ng'aleechuuto kong'woneegitu miising' eng' mugulelwekwak, ak konyei kelek agobo ineendet.