DANIEL 3:10 - Bukuit Ne Tilil

¹⁰ Ee laitoryat, koing'at inyee ile chii age tugul ne kasei cheetap igoondit, ndurerut, ketubet, chepkesemit, kibugandet, ak ndurerut ne oo kobooto tyenwogik alak tugul, kobutyi ng'wony ak kolas kanamwetap thahabu,

BUKUIT NE TILIL

¹⁰ Ee inye laitoriat, koing’at ng’atutiet ile chi age tugul ne kasei cheetab igondit, ndurerut, ketubet, chepkesemit, kibugandet, ak ndurerut ne o, koboto tienwogik alak tugul, kobutyi ng’ony ak kolos kanamwetab tahabu:

DANIEL 3:10 Referencias Cruzadas

1 ATEPTAP PEETUUSYEK 15:16

Ki mwachi Daudi che eecheen che po Lawiik kolewen tupchosyekwak tyeniik, ak tuguuk che kibutei, che chooto ko kibugandinik, ketubosyek sanisyek che po sugunonik che kibirei kebut kocheiyo miising', ak kotyenso eng' kagasetapkei.

1 ATEPTAP PEETUUSYEK 15:28

Koip anyun `Israel tugul moingetap arorutyetap Kamuktaindet ne Toroor kotogos kogasanugei eng' tuugeet ne oo, ak koguutonu iryagook, ak kobironu sanisyek che po sugunonik, ak kobutonu kibugandinik ak ketubosyek.

2 ATEPTAP PEETUUSYEK 29:25

Ki inde Lawiik kootap Kamuktaindet ne Toroor, kotinyei sanisyegap sugunonik che kibirei, kibugandinik ak ketubosyek, ko uu ng'atuutyetap Daudi, ak ne po Gad keerindetap laitoryat, ak maotyot Nathan; amu ki punu ng'atuutyonooto Kamuktaindet ne Toroor eng' maotikyik.

TIENWOGIKAL 94:20

Tinyei yamdaet nee ng'echereetap pounatetap tengekwogik ak inyee, Ne chobei yaitwogik eng' ng'atuutik?

KOMONG'U 1:16

koleenji; “Ye osigisyechi kwonyiik che po Yahudik ak ngo keer eng' ng'echereetap sigisyo lakweet ne kagisich ole weeriit, obar, ago ngo chepto, omete kosap.”

KOMONG'U 1:22

Ki ng'at `Pharaoh piikyik kogeny koleenji; “Owiirchi weeriit age tugul ne kisichei aino ak omete chepto age tugul kosap.”

AMDOINDET 3:16

Ki ageer anyun kogeny eng' kurereetap asiista ale mi yaityet kapkirwooget, ak komi yaityet ye mi imanda.

ISAIAH 10:1

Pwo eng' icheek che ng'atei ng'atuutik che ma po iman, ak eng' icheek che sirei kamaaset,

DANIEL 3:11

ak age tugul ne ma ibutyin ng'wony ak kolas, kewiirchin maat ne oo ne lalei miising'.

DANIEL 3:15

Ngot ochoboge anyun eng' sait ne kogas cheetap igoondit, ndurerut, ketubet, chepkesemit, kibugandet ak ndurerut ne oo, kobooto tyenwogik alak tugul, obutyi ng'wony ak olasu kanamwet ne koayai, komyeeitu. Ago ngot ko molasu, kewiirchinok maat ne oo ne lalei miising' eng' sainooto. Ng'oo kamuktain ne tos sarwok eng' eunnyu?”

DANIEL 6:12

Ki riik anyun pichooto, ak kong'alaal eng' taitap laitoryat agobo ng'atuutyetap laitoryat koleenji, “Ee Laitoryat! Tos ki ma isir ng'atuutyet ak inde kaineng'ung' ing'at ile eng' peetuusyek sosom, age tugul ne saaei kiy, ngo kamuktain age anan ko chii, kobatenen inyee, ee laitoryat, kewiirchin keriingetap ng'etuunyik?” Kowol laitoryat kole, “Po iman kiito, ko uu ng'atuutyetap Medik ak Persik, ne ma walaksei.”

AMOS 6:5

icheek che tyeni tyenwogik che po puch eng' cheetap kibugandet; che chopchingei tuguuk che po tyenwogik, ko uu Daudi;

JOHANA 11:57

Kiga ng'at tisiik che eecheen ak Pharisaik, kole, ngo nai chii age tugul ole miitei, koboor, si kobiit konam icheek ineendet.