DANIEL 12:6 - Bukuit Ne Tilil

⁶ Ki teebe age ne ki ilaachi ngoroigap katanit, ne ki mi paragutap peegap ainonooto koleenji, “Tyanitu si koek kagesunetap kwang'utichu?”

BUKUIT NE TILIL

⁶ Ak kiteebe age ne kiilaachi ngoroikab katanit, ne kimi baragutab beekab ainonoto, kolenji, Tianitu si koek kagesunetab kwong’utichu?

DANIEL 12:6 Referencias Cruzadas

TIENWOGIKAL 74:9

Ma kigeere kaboorunoikyok; Ma komi maotyondo; Ama mi kwenunnyo age tugul ne ingen kole tyanitu.

EZEKIEL 9:2

Ak ogeero, ki pwa piik lo kobunu ooreetap ormariichet ne po meto, ne tokyingei murot kaataam, kotinyei chii age tugul karnennyi ne parisye; ak ki ilaachi chiito agenge eng' icheek ngoryeetap katanit, kotinyei age tugul laletap wino eng' suennyi. Ak ki pa oriit, ak kotononie ole neegitee kaptisisyetap sugunwet.

DANIEL 12:5

Ki ageer anyun anee Daniel, ak ogeero, ki tononso alak aeng'u, ki tonone age ngeguutap aineet pitoni, kotonone age ngeguutap aineet pitoniin.

DANIEL 12:8

Ki agas ago ma aguiye; yeityo amwa ale, “Ee kiptaiyandennyu, egu nee kagesunetap tuguuchuuto?”

DANIEL 8:13

Ki agas anyun ineendet ne tiliil kong'alaali; ak ki teebe age ne tiliil nooto kang'alaali koleenji tebyei kot kotyanit ng'ang'utyet agobo kagoochinet ne kibeelei, ak pistoet ne ng'emisyei, si kigoito ole-tiliil kobooto lugeet ketyechatyech?

DANIEL 8:16

Ki agas kutitap chiito eng' kwenutap aineet ne ki kuuree Ulai, ne ki kuurso kole, “Gabriel, iboorchi chiichi koguiyo ng'ang'utyet.”

MATAYO 24:3

Ye kitebyei ng'wony eng' tulweetap Mseituni, kobwonji ineendet kasubik komi ineegei, ak kole, “Mwaiwech, egu au tuguuchu? Ak tuun uu nee kaboorunetap nyonuneng'ung' ak kagesunetap ng'wony?”

MARIKO 13:4

“Mwaiwech, yaaksei tuguuchuuto auiyo? Ak nee kaboorunet ne tuun ibooru kole kariik kosulda tuguuchuuto tugul?”

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

NG'ANG'UTYET 15:6

ak ki mang'une hekalunooto malaikaisyek tisabu che tinyei korotwechooto tisap, kolaachi ngoroik che tiliileen, ak kolile piich, ak koratatagei pirenoigap thahabu eng' tegetikwak.

NG'ANG'UTYET 19:14

Ak ki isubi ineendet lugoosyek che mi kipsengwet che ketei paraisisyek che leelach, kolaachi katanisyek che korooron che leelach kot ak ko tiliileen.

NG'ANG'UTYET 6:10

Ki mwa eng' kutit ne oo kole, “Tyanitu, ee Kiptaiyat, ne tiliil ak ko po iman, si irwookyi ak iyaaktoiywech mugetuut agobo korotiikyok eng' icheek che menyei ng'wony?”