DANIEL 12:12 - Bukuit Ne Tilil

¹² Iberuurot ineendet ne igenisyei, ne itei peetuusyek eliphuut agenge ak pogol somok ak sosom ak muut.

BUKUIT NE TILIL

¹² Iberurot inendet ne igenisiei, ne itei betusiek elfut agenge ak bogol somok ak sosom ak mut.

DANIEL 12:12 Referencias Cruzadas

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

EZEKIEL 4:6

Ak kogeny, ye kaiyai chuuto kosulda, iru isyep komostap tai, ak iibe tengektap kootap Judah: peetuusyek artam, peetuut agenge ko po kenyiit agenge, kang'atiin anyun ko uu nooto.

DANIEL 8:14

Ak ki wolji kole, “Kitiliili ole-tiliil ko kagogeskei koskoleng'usyek ak karonusyek eliphuusyek aeng' ak pogol somok.”

ROMANIK 11:15

Amu ngo toortaennywa ko katuiyetap, ko tos nee anyun taagetap icheek, kobatee saboondo ne mang'une che ki pek?

NG'ANG'UTYET 11:2

Ago pagakte, amat ikwa seremut ne miitei Hekaluut saang'; amu ki kigoochi Pororyosyek: ak kotyechei eng' keelyekwak nganaseet ne tiliil eng' arawek artam ak aeng'.

NG'ANG'UTYET 12:6

Ak ki mwei kwonyooto kwo surkwen, ole kiting'e komosta ne kiga kochopchi Kamuktaindet, si kobiit kobai ineendet eng' olooto peetuusyek eliphuut agenge pogol aeng' ak tamanwogik lo.

NG'ANG'UTYET 13:5

Ak ki kigoochi ineendet kutit kong'alaal tuguuk che eecheen ak chubisyosyek; ak ki kigoochi ineendet kimnateet koboisyee arawek artam ak aeng'.

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.