DANIEL 12:1 - Bukuit Ne Tilil

¹ Ak kotonon eng' peetuunooto Mikael, pounindet ne oo ne toreti lagogap piiguk. Tuun piitu peetuusyek che po nyalilda, che ki tomo kobiitu kobooch ngap kobiit pororyet agoi peetuunooto. Ago kisaru piiguk eng' peetuusyechooto, age tugul ne ki kisirchi kainennyi bukuit.

BUKUIT NE TILIL

¹ Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

DANIEL 12:1 Referencias Cruzadas

TIENWOGIKAL 56:8

Iiti ombenennyu; inde peekyuk po kong' soteng'ung'. Tos ma mi chooto bukuing'ung'?

TIENWOGIKAL 69:28

Ingibukto icheek eng' bukuitap saboon, Amat kesir kobooto che po imanda.

ISAIAH 4:3

Ak tuun kiguure ne itabaanat ineendet ne ki ng'et eng' Zion, ak Jerusalem, chiito age tugul ne ki kisir eng' che saptos eng' Jerusalem.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

JEREMIA 30:7

Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

EZEKIEL 13:9

Ak koborye eunnyu maotik che keerei tangoita, ak che ng'orei lembechek: matebee kapkirwoogetap piikyuk, ama kisirchin bukuit ole kisirchin kootap Israel, ama pendi emetap Israel; si onai ole aa Kiptaiyat Kamuktaindet ne Toroor.

EZEKIEL 34:24

Ak aegu anee Kamuktaindet ne Toroor Kamuktaindennywa, ak koek Daudi otwogindennyu, pounindet eng' kwenunnywa; kamwae anee Kamuktaindet ne Toroor ng'olyoondoniito.

EZEKIEL 5:9

Ak ayai eng' inyee kiit ne tomo ayae, ak kiit ne ma tuun ayae ne uu nooto kogeny, amu tuguuguk tugul che kiwechei.

DANIEL 10:13

Ago ki raanya pounindet ne po pounatetap Persia eng' peetuusyek tiptem ak agenge. Ago keero, ki nyo Mikael, age eng' pounik che eecheen kotoreta, ak ki abagaach eng' olooto kobooto laitorinigap Persia.

DANIEL 10:21

Ago amwaun kiit ne siraat eng' siruutik che po iman. Ama mi age ne toreto agirinda chuuto kobatee Mikael, pounindeng'wong'.

DANIEL 11:45

Ak koteech emaisyegap koonnyi ne po laitornatet eng' kwenutap nyanjet ak tulweet ne tiliil ne karaaran; ago tuun meei, ama toreti chii ineendet.

DANIEL 7:10

Ki piit aineet ne uu maat ne ki mang'une tainnyi. Ki poisyechin ineendet eliphuusyek konyil eliphuut, ak ki tonondos eng' tainnyi eliphuusyek tamanu konyil eliphuusyek taman. Ki kichop kirwooget, ak ki king'aany bukuisyek.

DANIEL 9:12

Ki kogimiit ng'aleekyik, che ki mwa agobo acheek ak agobo kirwoogikyok, ye ki irwokwech koibwech yaityet ne oo kiit ne ki kiyachi Jerusalem ne tomo keyai eng' kurereet komugul ne po kipsengwet.

JOEL 2:2

peetuutap mesundeito ak tuindo, peetuutap poolik ak mesundeito ne nyigiis. Ko uu ye machei koorir emet eng' tuloonook; kabwa lugeet ne oo ak ko kiim, ne ki tomo kobiitu ne uu nooto, ama kobiitu ne uu icheek kogeny, eng' kenyiisyegap ibinwek che chaang'.

MALAKI 3:16

Ki ng'alaaljigei anyun che iywei Kamuktaindet ne Toroor. Ki ep iit Kamuktaindet ne Toroor kogas ak ki kisir eng' tainnyi bukuitap kabwaatet agobo icheek che iywei Kamuktaindet ne Toroor ak kobwaati kainennyi.

MATAYO 24:21

Amu tuun piitu nyalilda ne oo, ne kitom kobiitu kobooch taunetap ng'wony agoi nguno, ama koegu kogeny.

MARIKO 13:19

Amu egu nyalilda eng' peetuusyechooto, ne kitom koegu ko uu nooto kobooch taunetap yaetap ng'wony ne ki yai Kamuktaindet, agoi nguno, ama kobiitu ko uu nooto kogeny agoi.

LUKA 10:20

Ago amoboiboitu amu ng'olyoondoni, amu kasok iit oik; ago oboiboitu amu siraatiin kainaikwok eng' kipsengwet.”

ROMANIK 11:15

Amu ngo toortaennywa ko katuiyetap, ko tos nee anyun taagetap icheek, kobatee saboondo ne mang'une che ki pek?

ROMANIK 11:26

ak uu nooto tuun kisaru Israel tugul: ko uu ye siraat kole, Tuun mang'une Zion Katyagindet; Ak koistoe Jakobo pistoet:

EPESOEK 1:21

ne toroor kosiir laitornatet tugul, ak pounateet, ak kamuktaet, ak kiptainateet, ak kainet age tugul ne mwaat, ma kityo eng' kenyisyechu, ago eng' chooto pwoonei:

PILIPIK 4:3

Ee, asoomin aginye, kiboityot ne po iman kobooto, ale toret kobogoryosyechu, amu ki kiboisyei tugul eng' logoiywek che myach, kobooto Klement agine, ak chuun alak che ki kiboitiinik tugul, che mi kainaikwak bukuitap saboondo.

JUDA 1:9

Ago ye kingo paregei Mikael, malaikaiyat ne oo, ak chesawilyet, kotiitos agobo muustap Musa, koma kany koipchi ineendet kirwoogetap chubeet, ago ki le, Ingogerin kong' Kiptaiyat.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 12:7

Ak ki piit lugeet eng' kipsengwet: ki wo Mikael kobooto malaikaisyekyik kobargei ak maswetit; ak ki yai lugeet maswetinooto ak malaikaisyekyik;

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 20:12

Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

NG'ANG'UTYET 3:5

“Ineendet ne iterteeri kotun kilaakyin ko uu nooto ngoroik che leelach; ak ma koi abuch kainennyi eng' bukuitap saboondo, ago ang'aanye kainennyi eng' taitap Abba ak eng' taitap malaikaisyekyik.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.