DANIEL 11:7 - Bukuit Ne Tilil

⁷ Ago mong'u age ne punu temetap tigitikyik ne igeeri ineendet, ne nyoonei ole mi lugeet, ak kochut irimeetap laitoryat ne po murot kaataam, ak kobargei ak pichooto ak koterteer;

BUKUIT NE TILIL

⁷ Ago mong’u age ne bunu temetab tigitikyik ne igeeri inendet, ne nyonei ole mi luget, ak kochut irimetab laitoriat ne bo murot ne bo katam, ak kobargei ak bichoto, ak koterter:

DANIEL 11:7 Referencias Cruzadas

Kitabuutap JOB 14:7

Amu mi kamang'unet agobo keetit; ngot kiluul, kobiitei kogeny, ak ma siisei temennyi ne ng'arng'ar.

TIENWOGIKAL 109:8

Ingong'ering'itu peetuusyekyik; ak ingonam age poisyennyi.

TIENWOGIKAL 55:23

Ago inyee, ee Kamuktaindet, irorogu icheeget koba keriingetap ng'emisyet, rumiik ak ng'aalik ma tarei icheek kebebertap peetuusyekwak. Ago anee amang'un inyee.

ISAIAH 11:1

Mang'une `mornet ooreetap Jesse, ak kooi logoek `mornanooto pitunee tigitikyik.

ISAIAH 9:14

Tilei anyun Kamuktaindet ne Toroor metit ak katutyet eng' Israel, ebei temetap sosyoot ak mutwot peetuunak.

JEREMIA 12:2

Ki imin icheek, ak ki konam ng'wony tigitik; eegitu, ee, iytos logoek. Ii neegitee kutusweekwak, ago ii loo eng' mugulelwekwak.

EZEKIEL 17:18

Amu Ki kogas kayasyoet kobut arorutyet, ak ogeero, kigonde eunnyi ago ki koyai tuguuchooto tugul; ma chilili.

DANIEL 11:40

Eng' peetuusyek che po let kobookyin ineendet `laitoryatap murot tai. Ago ibookyin ineendet `laitoryat ne po murot kaataam ko uu kipchurchuryet, kobooto kariisyegap lugeet, ak piik che ketei paraisisyek, ak melisyek che chaang'. Ak kwo kochwalda koyom emotinwek ak kobun olooto.

DANIEL 11:6

Ye igeskei kenyiisyo, konamgei; ak konyo cheptap laitoryatap murot tai ole mi laitoryatap murot kaataam kochamyogei. Ago mang'etyin chebooto kimnateetap eunnyi; ama tononi laitoryandanooto anan eunnyi. Kigoitoi chebooto, piik che ki imutu ineendet ak lakweennyi, ak chiito ne ki kimiti ineendet eng' peetuusyechooto.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

LUKA 12:20

Ago ki leenji Kamuktaindet, ii perber inyee, kimachei saboondang'ung' kemouni po ra; ara, si kobunji ng'oo anyun, tuguuchooto koichop?”