DANIEL 11:21 - Bukuit Ne Tilil

²¹ Ak kogeer ineendet `chiito age ne kasasei, ne ki ma igoochi icheek teegistap pounateet, ago tuun nyoonei eng' peetuusyegap kaalyeet ak konam pounateet eng' mwaigutnateet.

BUKUIT NE TILIL

²¹ Ak kogeer inendet chito age ne kasasei, ne kima igochi ichek teegistab bounatet: ago tun nyonei eng’ betusiekab kalyet, ak konam bounatet eng’ mwaikutnatet.

DANIEL 11:21 Referencias Cruzadas

TIENWOGIKAL 12:8

Pendi kiptengeginik komoswek tugul, ye eetu yaityet eng' kwenutap piik.

TIENWOGIKAL 15:4

ne sasei ineendet ne eesyoot, ago konyiti icheek che iywei Kamuktaindet ne Toroor, ne ma walei kayosyennyi matiny kanyoor nyalil;

TIENWOGIKAL 55:21

Ng'aleekyik ko korooron kosiir mwaitap cheego, ago muguleldanyi ko tetaat lugeet. Tangusen ng'aleekyik kosiir mwaita, ago ki rotoogap chok che kaging'us.

ISAIAH 32:5

Ma keguure kogeny chiito ne perber ne tagunoot, anan keguure rebindet ne aiyeep.

DANIEL 11:20

Ye ibata niito, kobiit ne igeeri ineendet ne igoochin taagindetap aisuruut kobun kwenutap toroornatet ne po pounateet; ago king'emei ineendet eng' peetuusyek che ng'ering', ma eng' nereegek anan eng' lugeet.

DANIEL 11:32

Imaas ineendet eng' mwaigutnateet che yaei yaityo kowechei kayomiset; ago piik che ingen Kamuktaindennywa ko kimegitu ak koyai poisyonik che kiimeen che kikwong'ee.

DANIEL 11:34

Ye kagobutyo anyun, ketoreti eng' toreteet ne matya, ago namegei che chaang' ak icheek eng' mwaigutnateet.

DANIEL 11:7

Ago mong'u age ne punu temetap tigitikyik ne igeeri ineendet, ne nyoonei ole mi lugeet, ak kochut irimeetap laitoryat ne po murot kaataam, ak kobargei ak pichooto ak koterteer;

DANIEL 4:17

Punu kirwoogoni ng'atuutyetap riibiik, ak punu ma ko nooto ng'olyootap icheeget che tiliileen, si kobiit konai che saptos kole pou Ne Toroor Miising' pounatetap piik, ak kogoochin age tugul ne makyin, ak koeeti piik che nyerootiin miising' koboi.

DANIEL 7:8

Ki abwaat miising' agobo kuinoichooto, ye ki mang'une kuinet age ne ming'in, ne ki kitutune tainnyi kuinoichooto po tai somok. Ki mi kuinonooto koonyek che uu che po chii, ak kutit ne mwaei tuguuk che eecheen.

DANIEL 8:23

Ak eng' peetuusyek che po let che po pounatennywa, ye kagoyam pistoetap pistoik, kobiit laitoryat ne tong'oony togoch, ne iguitos ng'aleek che ung'ootiin.

DANIEL 8:25

Eng' ng'aalsennyi, kogoochi `ineendet kaberberisyet konyoor poroteet, ak koeetkei eng' muguleldanyi. Ak kong'em che chaang' komi kalyennywa, ak koborye pounindetap pounik, ak ilei ineegei ama twa chii.

DANIEL 8:9

Ak eng' age eng' kuinoichooto ko ki mang'une kuinet ne ming'in age, ne ki eet miising' kotokyigei murot tai, ak kong'asiis, ak emet ne karaaran miising'.

NAHUM 1:14

Kagong'at Kamuktaindet ne Toroor agobo inyee kole, ma kibwaati kaineng'ung' kogeny amu ma kolalin ma. Aistoi komong' eng' kootap kamuktaiguk, kanamonik che ki kiwai ak che ki kitany. Abale kerering'ung'; amu ii sogoran.

1 SAMUEL 3:13

Ki amwachi aleenji arwookyini koonnyi koigeny amu tengekto ne ki ingen amu ki ipchigei `weeriikyik chubisyet ama kergong'.