DANIEL 11:11 - Bukuit Ne Tilil

¹¹ Ak konereech laitoryatap murot tai ak komong' kobargei ak laitoryatap murot kaataam, ak kochop tuiyet ne oo, ne nganda uu nooto, kindo tuiyonooto eunegap puunikyik.

BUKUIT NE TILIL

¹¹ Ak konerech laitoriatab murot ne bo tai, ak komong’ ak kobargei ak inendet: noto ko laitoriatab murot ne bo katam: ak kochob tuiyet ne o, ak kinde tuiyonoto eunekyik.

DANIEL 11:11 Referencias Cruzadas

1 LAITORINIK 20:13

Ne matyanit koginyo maotyot ole mi Ahab laitoryatap Israel, ak kole, “Kamwa ko uu ni Kamuktaindet ne Toroor kole: Tos kaigeer tuiyoni oo? Keero, andoi eung'ung' rani si inai ile aa Kamuktaindet ne Toroor.”

1 LAITORINIK 20:28

Ki nyo chiitap Kamuktaindet ne Toroor koriik ak kong'alaalji laitoryatap Israel, kole, “Kamwa Kamuktaindet ne Toroor ko uu ni, kole: ‘Amu komwa piigap Syria kole, Kamuktaindet ne Toroor ko kamuktaindetap tuloonook, ma kamuktaindetap atebwosyek, andoi anyun eung'ung' tuiyoni oo tugul, si onai ole aa Kamuktaindet ne Toroor.’ ”

TIENWOGIKAL 76:10

Iman ilasun nereegegap piik: Irategei nereegek che kang'et.

JEREMIA 27:6

Kaagoochi anyun emotinwechuuto tugul Nebukadnezar laitoryatap Babilon, otwogindennyu, kaagoochi ineendet tyong'igap timiin koot ineendet.

DANIEL 11:12

Ak ye kagimut tuiyet, koeetkei eng' muguleldanyi, ak kobar tamanusyegap eliphuusyek, ago ma koi iterteeris.

DANIEL 11:40

Eng' peetuusyek che po let kobookyin ineendet `laitoryatap murot tai. Ago ibookyin ineendet `laitoryat ne po murot kaataam ko uu kipchurchuryet, kobooto kariisyegap lugeet, ak piik che ketei paraisisyek, ak melisyek che chaang'. Ak kwo kochwalda koyom emotinwek ak kobun olooto.

DANIEL 11:44

Ago iimi ineendet ng'aleek che punu kong'asiis ak che punu murot kaataam; ak kwo eng' nereegek che ng'woneen che eecheen kwo kong'emis ak kobar che chaang'.

DANIEL 11:5

Tuun kimitu laitoryat ne po murot tai, ago age eng' pounikyik ko tuun kimitu kosiir ineendet ak konyoor pounateet; egu pounatennyi pounateet ne oo.

DANIEL 2:38

ak ki kogoonin `ineendet piik che menyei oldo tugul, tyong'igap timiin, toriitigap parak kobwa eung'ung' ak ki kogoonin ibou icheek tugul. Inyeendet metoto po thahabu.

DANIEL 8:7

Ki ageer ineendet koriikyi mengit, ak konereekyi miising', ak kokwer mengoto, ak koiri kuinoikyik tuwai. Ki mata kosich anyun mengoto kimnateet kotonon eng' tainnyi; ago ki wiirta kwo ng'wony ak kotyech; ama piit chii ne ki imuuch kosar mengit eng' eunnyi.