DANIEL 10:19 - Bukuit Ne Tilil

¹⁹ Ak ki le, “Ee inyee, chiito ne ii chamat miising' ameiywei, ingotebenen kaalyeet. Kimitu ak inyiganitu!” Kingo ng'alaalwo, agimiitu anyun ak ki ale, “Ingong'alaal kiptaiyandennyu; amu kaigimiita.”

BUKUIT NE TILIL

¹⁹ Ak kile, Ee inye, chito ne i chamat mising’ ameiywei: ingotebenen kalyet, kimitu, ee kimitu. Ak kingong’alalwa, agimitu anyun, ak kiale, Ingong’alal kiptaiyandennyu; amu kaigimita.

DANIEL 10:19 Referencias Cruzadas

TIENWOGIKAL 138:3

Ki iwolwoo eng' peetuut ne ki aguurin, ki igimita eng' kimnateet eng' saboondanyu.

ISAIAH 35:4

Oleenji icheek che aragendos, “Ogimegitu, amoiyweisye! Keero nyoonei anyun Kamuktaindeng'wong' ak yaaktaetap mugetuut, kobooto kageeretap Kamuktaindet; nyoonei kosarwok.”

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

DANIEL 10:18

Yeityo kotwaa kogeny age ne uu chiito, ak kogimiita.

DANIEL 9:23

Ki mong' ng'olyoo eng' taunetap soomutiguk, ak kanyo amwaun, amu ii chamat miising'. Ibwaat anyun komyee ng'olyoondoni amu nooto, ak iguiye ng'ang'utyet.

HAGGAI 2:4

Nyiganitu, ee Zerubabel,’ mwaei Kamuktaindet ne Toroor. ‘Nyiganitu, ee Joshua weeriitap Jehosadak tisiindet ne oo. Onyiganitu okweek piik tugul che po emet,’ mwaei Kamuktaindet ne Toroor, ‘ak oboisye; amu ami kobootok,’ mwaei Kamuktaindet ne Toroor ne po lugoosyek.

SEKARIA 8:13

Ak ko uu ye ki oegu che chubootiin eng' pororyosyek, ee kootap Judah ak kootap Israel, asarwok anyun, si oegu kaberuret. Amoiywei, ago ingogimegitu eunekwok.”

SEKARIA 8:9

Mwaei Kamuktaindet ne Toroor ne po lugoosyek kole: “Ingogimegitu eunekwok, okweek che ogase ng'aleechu eng' peetuusyechu eng' maotik che ki mi eng' peetuut ne ki kiluumei lumeiywot ketau keteechei kogeny kootap Kamuktaindet ne Toroor ne po lugoosyek, nooto ko Hekaluut.

JOHANA 11:3

Ki iyookyi chepkametwogichooto ineendet ng'olyoot, koleenji, “Kiptaiyat, keero, myani ineendet ne ichame.”

JOHANA 11:36

Kole anyun Yahudik, “Ogeer anyuno ole ki chamdoi ineendet!”

JOHANA 11:5

Ak ki chamei Jeso Marta, ak chepkamet, ak Lazaro.

JOHANA 14:27

Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

JOHANA 19:26

Ye kingo keer Jeso anyun kamet, ak nooto agenge eng' kasubikyik ne ki chamei Jeso kotonondos eng' yooto, koleenji kamet, “Chebyosoni, keer weeriing'ung'!”

JOHANA 21:20

Kowelelgei Petero, kogeer kasubindet ne ki chamei Jeso kosubi; ne kitiegei tegetap Jeso eng' amisyetap lagat, ak koleenji, “Kiptaiyat, ng'oo ineendet ne ng'wektoin?”

1 KORINTOEK 16:13

Oriipse, olumdegei miising' eng' kayaneet, otebi ko uu murenik, ogimegitu.

2 KORINTOEK 12:9

Ak ki leenjo, Yamin myeeindonyu: amu kiyaei kamugennyu koek ne ititaat eng' nyalulet. Alasuge anyun eng' poiboiyet miising' kosiir amu nyalulnatosyekyuk, si kobiit kotebena kamugetap Kristo.

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

2 TIMOTEO 2:1

Kimitu anyun, lakweennyu, eng' myeeindo ne miitei eng' Kristo Jeso.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

NG'ANG'UTYET 1:17

Kinga keer ineendet, abutyi keelyekyik ko uu chiito ne kagome. Ago ki igonoora eunnyi ne po tai, ak kole, “Meiywei! Aneendet ko aa ne po tai ak ne po let.

KIRUOGIK 6:23

Ki leenji `Kamuktaindet ne Toroor ineendet, “Ingotep kaalyeet kobooten! Meiywei, memee.”