DANIEL 10:16 - Bukuit Ne Tilil

¹⁶ Ak ogeero, ki twa kutinnyu age ne kergei ak weeriigap piik, ayaat kutinnyu anyun ang'alaal, ak aleenji ineendet ne ki tonon eng' tainnyu, “Ee kiptaiyandennyu, kagobwanjo aragenosyekyuk amu ng'ang'utyet, ak ma atinyei kimnon.

BUKUIT NE TILIL

¹⁶ Ak ogeero, kitwa kutinnyu age ne kergei ak werikab bik: ayat kutinnyu anyun, ang’alal, alenji inendet ne kitonon eng’ tainnyu, Ee kiptaiyandennyu, kagobwanja arogenosiekyuk amu ng’ang’utiet, ama ng’etwa kimnatet.

DANIEL 10:16 Referencias Cruzadas

KOMONG'U 4:10

Ago ki leenji `Musa Kamuktaindet ne Toroor, “Ee, Kiptaiyannyu, mangen ang'alaal kobooch keny agoi raini ing'alaalwo, amu nyigiis ng'eleptanyu ak ko ua kuut.”

KOMONG'U 4:13

Ago ki le Musa, “Ee, Kamuktaindet, asaain ale, iyookte chii age ne imache iyookte.”

AMDOINDET 1:18

Amu mi arageneet ne oo utaatyet ne oo: ak tesei arageneet ineendet ne tesei ng'omnateet.

ISAIAH 6:7

Ak kitwae kutinnyu, ak kole, “Keero, kagotwa kuting'ung' niito; kageisto tengektong'ung', ak kagiundo ng'oogistong'ung'.”

JEREMIA 1:9

Kochuul anyun Kamuktaindet ne Toroor eunnyi ak kotiiny kutinnyu, ak koleenjo, “Kande nguno ng'aleekyuk kuting'ung'.

EZEKIEL 1:26

Ak kimi paragutap sengwetyet, ne ki mi paragutap metowekwak, kergeindo ne po ng'echereetap laitornatet, ne uu itoondanyi koita ne kiguure sapphire: ak kimi paragutap kergeindo ne po ng'echeranooto po laitornatet, kergeindo ne po itoondap chiito eng' paragunnyi.

EZEKIEL 3:27

Ak ye ang'alaalun ayaate kuting'ung', ak ileenji icheek, Mwaei Kiptaiyat Kamuktaindet ne Toroor kole, ingogas ineendet ne kasei; ak ingoesyo ineendet ne eesyoi: amu icheeget ko koot ne ngelelyot.

EZEKIEL 33:22

Ki mi anyun eutap Kamuktaindet ne Toroor paragunnyu koskoleny, kotomo koit ineendet ne kichilili; ak kiga kogoono Kamuktaindet ne Toroor ang'alaal, ye kingo itu chiichooto karon ole ki ami, ak ki ang'alaal, ki mata konamaga kuut.

DANIEL 12:8

Ki agas ago ma aguiye; yeityo amwa ale, “Ee kiptaiyandennyu, egu nee kagesunetap tuguuchuuto?”

DANIEL 4:19

Ki toptoben anyun ne matya Daniel, ne ki kiguure Belteshazzar, ak kiim ineendet kabwaatutikyik. Ki mwachi `laitoryat ineendet koleenji, “Beltesasar, amat ingoiimin karwotitoet, anan ko kaarorennyi.” Kowol Belteshazzar kole, ingobunji karwotitoet icheek che wechin, ak ingobunji kaarorennyi puuniguk!

DANIEL 7:15

Ago ki aragen anee Daniel eng' saboondanyu, ak ki ima ng'ang'utik che ki pwa metinnyu.

DANIEL 7:28

Igesunegei yuto ng'olyoondonooto. Ki iima miising' kabwaatutikyuk, anee Daniel, ak ki walak togeennyu; ago ki agonoree muguleldanyu ng'olyoondonooto.

DANIEL 8:15

Kingo kaageer anee Daniel ng'ang'utyonooto, acheeng' anyun ale aguiyo; ak ogeero, ki tonon eng' tainnyu itonda ne uu ne po chii.

DANIEL 8:17

Ki riik anyun ye ki atonone; ak kingo it ole ami, aiyweisye, ak abut kot kotiiny togeet ng'wony. Ago ki leenjo, “Ee, weeriitap chii, iguiye anyun; amu po ng'ang'utyoniito peetuusyek che po let.”

DANIEL 8:18

Kingo ta kong'alaalwo, anuuch miising', asyep moo, ago ki twaa ak kong'eeta.

DANIEL 8:27

Ara ki atanui anee Daniel, amyan peetuusyo; ye ibata, ang'eet ak ayai poisyetap laitoryat. Ago ki akwong'ee ng'ang'utyonooto ak ma piit chii ne ki iguiyo.

DANIEL 9:21

ye kita ang'alaali eng' saaet, kotwaa chiichooto Gabriel, ne kitirirenu kochogu, ne kiga ageer eng' tai eng' ng'ang'utyet, konyo kotwaa eng' olo po sait ne kigoitoe kagoochinetap koskoleny.

LUKA 1:64

Koyaatak anyun kutinnyi sainooto, ak kotyagak ng'elyeptanyi, ak kitwek kolas Kamuktaindet.

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

JOHANA 20:28

Kowolji Thomas koleenji, “Kiptaiyandennyu ak ko Kamuktaindet nenyu!”

JOSHUA 5:14

Kowol chiichooto kole, “Achicha, kaanyo nguno aegu kiptaiyatap lugeet ne po Kamuktaindet ne Toroor.” Ki ing'uruuk Joshua kot koit ng'wony togeennyi kolas ak koleenji, “Imwachini nee otwogindeng'ung', ee kiptaiyandennyu?”

NG'ANG'UTYET 1:13

ak eng' kwenutap kelyechooto po taisyek ageer chiito ne kergei ak weeriitap chii, kolaachi ngoryeet ne itei keelyek ak koratategei pireneetap thahabu eng' tegeet.

KIRUOGIK 13:8

Ki sa anyun `Manoa Kamuktaindet ne Toroor kole, “Asaain, ee Kamuktaindet, ingonyo kogeny chiichooto po Kamuktaindet ne kogeyogu konyo ole ki mi koneetech kiit ne kiyachin lakwanooto kisichei.”

KIRUOGIK 6:13

Ak ki leenji `Gideon ineendet, “Ee, Kiptaiyandennyu, ngot komi Kamuktaindet ne Toroor kobootech, ko amu nee si kobwanjech tuguuchu tugul? Mi ano poisyonikyik tugul che po kwong'eet che kimwaiwech kwanisyekyok, koleenjech, ‘Tos ki ma imutwech Kamuktaindet ne Toroor ketogosu eng' Misiri?’ Ago ki kobagaktech Kamuktaindet ne Toroor ak kondaech eunegap Midianik.”

KIRUOGIK 6:15

Koleenji Gideon, “Ee, Kiptaiyat, asaruunee nee Israel? Keero, ooreennyo ko ponoon kosiir tugul che po Manasseh ak ko aa ne ming'in eng' tugul eng' kootap kwandanyu.”