DANIEL 1:19 - Bukuit Ne Tilil

¹⁹ Ak kingo ng'alaalji `laitoryat icheek, koma piit agot agenge eng' icheek tugul ne uu Daniel, Hananiah, Mishael, ak Azariah; ko uu nooto ko ki tebi anyun icheek koyai poisyet eng' kaplaitoryat.

BUKUIT NE TILIL

¹⁹ Ak king’alal laitoriat ak ichek; ama biit agot agenge eng’ ichek tugul ne u Daniel, Hanania, Misael, ak Asaria: kitononso anyun ichek eng’ taitab laitoriat kotugul.

DANIEL 1:19 Referencias Cruzadas

TAUNET 41:46

Ki po Joseph kenyiisyek sosom ye ki tononi eng' taitap Pharaoh, laitoryatap Misiri. Ak ki wo Joseph eng' ole mi Pharaoh, ak ki punoot emet komugul ne po Misiri.

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

KALEWANAIK 22:29

Tos igeere chiito ne igiiljingei poisyennyi? Tononi ineendet eng' taitap laitorinik; ma tononi eng' taitap piik che ma taagunotiin.

JEREMIA 15:19

Ara mwaei anyun Kamuktaindet ne Toroor kole, ngot iweekyogei, amutun kogeny, si kobiit itonon eng' tainnyu, ak ngot inemu kiit ne myee komong' eng' kiit ne ya, iigeitu kutinnyu. Iweekyiningei icheek, ago meweekyinigei icheek.

DANIEL 1:18

Kingo keskei peetuusyek che ki kang'at laitoryat kole si kimut icheek kobwa ko, komut `pounindetap kiptainik icheek kobwa taitap Nebukadnezar.

DANIEL 1:4

Ki imut neranik che ki ma kotinyei peruut, ak ko korooron, che utaatiin eng' ng'omnateet tugul, che ingen tugun ak koguitos tugun, ak che tinyei kamuget kobois eng' kootap laitoryat. Ki magaat kineet icheek ng'omnateet ak kutitap Kaldeik.

DANIEL 1:5

Ki ng'at laitoryat kigoochi icheek amitwogigap laitoryat che yamei peetuut age tugul kobooto che po divaik che ki eei ineendet. Ki ng'at kole kineet icheek kenyiisyek somok, si ye ibata kenyisyechooto kigoochi koyai poisyet eng' taitap laitoryat.

DANIEL 1:6

Eng' neranichooto ko ki mi Daniel, Hananiah, Mishael, ak Azariah, kobun ooreetap Judah.

DANIEL 1:7

Ki toochi `pounindetap kiptainik icheek kainaik: Daniel ko ki kuuree Belteshazzar, Hananiah koguure Shadrak, Mishael koguure Meshak, ak Azariah ko ki kuure Abed-nego.

DANIEL 2:13

Ki wo anyun ng'atuutyet keele kebar piik che utaatiin, ak ki kicheeng' Daniel ak choronokyik keele kebar.

DANIEL 3:29

Kang'at ng'atuutyet anyun ale kitonatoni piik alak tugul, pororyet age tugul, ak piigap kutit age tugul, che mwaei kiy age tugul ne ya agobo Kamuktaindetap Shadrak, Meshak ak Abed-nego, ak keyai kooriikwak koek kapng'atat; amu ma mi kamuktain ne imuuchi kosar chii ko uu ni.