DANIEL 1:17 - Bukuit Ne Tilil

¹⁷ Ago ki igoochi Kamuktaindet naet ak utaatyet neranichuuto ang'wan eng' kaneetetapkei tugul ak ng'omnateet. Ki tinyei Daniel kaguiyet ne po ng'ang'utik tugul ak karwotitaosyek.

BUKUIT NE TILIL

¹⁷ Ago eng’ atebetab neranichuto ang’wan, ko kiigochi Kamuktaindet naet ak utatiet eng’ kanetetab ge tugul ak ng’omnatet: ak kitinyei Daniel kaguiyet ne bo ng’ang’utik tugul ak karuotitaosiek.

DANIEL 1:17 Referencias Cruzadas

1 LAITORINIK 3:12

nguno anyun ko kaayai ko uu ng'olyoondeng'ung'. Kaagoonin muguleldo ne utaat ak kotinyei kaguiyet; ne ki tomo kobiitu age ne ogerge, ama kobiitu age ne ogerge eng' let.

1 LAITORINIK 3:28

Ki kas Israel tugul kirwooget ne ki irwooch laitoryat; ak ki iywei laitoryat, amu ki keer kole mi utaatyetap Kamuktaindet eng' ineendet, si kobiit korwooch.

2 ATEPTAP PEETUUSYEK 1:10

Koono anyun utaatyet ak naet, si amuuch amanda ak anyo eng' taitap pichu, amu ng'oo ne imuuchi korwookyi pichuguk chaang' ko uu ni?”

2 ATEPTAP PEETUUSYEK 1:12

kagegoonin anyun utaatyet ak naet. Ak agoonin mogornatosyek, chaang'indap tuguuk ak teegisto, che tomo konyoor laitorinik che ki kondounenen, amaa kobiitu age ne nyooru ko uu nooto.”

2 ATEPTAP PEETUUSYEK 26:5

Ki igiil muguleldanyi kocheeng' Kamuktaindet eng' peetuusyegap Zekariah, ne ki tinyei kaguiyet agobo ng'ang'utyetap Kamuktaindet; ak eng' peetuusyek tugul che ki cheeng' Kamuktaindet ne Toroor, ko ki iberuur `Kamuktaindet ineendet.

Kitabuutap JOB 32:8

Ago mi `kabuuset chiito, igoochin kabuusetap `Ineendet Ne po Kamuktaet icheek kaguiyet.

KALEWANAIK 2:6

Amu igoitoi `Kamuktaindet ne Toroor utaatyet, mang'une kutinnyi naet ak kaguiyet.

AMDOINDET 2:26

Amu igoochin Ineendet utaatyet ak naet, ak poiboiyet chiito ne iboiboi ineendet. Ago igoochin kiptengekyot poisyetap nyalilda asi kobiit koyum ak kotes, ak kogoochi ineendet ne iboiboi Kamuktaindet. Puch niito agine ak ko kaimetapkei ne po puch.

ISAIAH 28:26

Amu itigoni ineendet komyee, ak koneet Kamuktaindennyi.

EZEKIEL 28:3

keero, ii ng'oom isiir Daniel; ma mi ung'ootyet ne imuuchi icheek koung'enen:

DANIEL 1:18

Kingo keskei peetuusyek che ki kang'at laitoryat kole si kimut icheek kobwa ko, komut `pounindetap kiptainik icheek kobwa taitap Nebukadnezar.

DANIEL 1:20

Eng' kiit age tugul ne po utaatyet ak naet ne ki kateepse `laitoryat pichooto, ko ki keer anyun ineendet kole siirei `pichooto konyil taman piik tugul che ng'oomen, che ng'oorsei, ak ng'amotigap kecheik che ki mi pounatennyi tugul.

DANIEL 1:4

Ki imut neranik che ki ma kotinyei peruut, ak ko korooron, che utaatiin eng' ng'omnateet tugul, che ingen tugun ak koguitos tugun, ak che tinyei kamuget kobois eng' kootap laitoryat. Ki magaat kineet icheek ng'omnateet ak kutitap Kaldeik.

DANIEL 10:1

Ki king'aang'ji Daniel ne ki kiguure Belteshazzar kiy eng' kenyiit ne po somok ko laitorani Cyrus laitoryatap Persia. Ki po iman kioto, ak ki uui miising' kot kesich kaguiyet. Ki iguiyo ng'olyoondonooto, ak konyoor kaguiyetap ng'ang'utyet.

DANIEL 2:19

Ki king'ong'ji anyun Daniel ung'ootyonooto eng' ng'ang'utyet ne po kemoi. Ki ilas anyun Daniel Kamuktaindetap kipsengwet,

DANIEL 2:21

Wolei peetuusyek ak kenyiisyek, istoi laitorinik, ak koeeti laitorinik; igoochin utaatyet che utaatiin, ak kogoochin naet icheek che ingen kaguiyet.

DANIEL 2:23

Aweegun kongoi ak alasun, ee inyee, Kamuktaindetap kwanisyekyuk, ne ki igoono utaatyet ak kamuget, ak kaiboorwon nguno kiit ne kogimagenen, amu kaiboorwech ng'olyootap laitoryat.”

DANIEL 2:30

Ago eng' anee, koma king'ang'wa ung'ootyoniito amu utaatyet age tugul ne atinye kosiir chii age tugul ne sabei, ago si kobiit kiboorchi laitoryat kaaroret, ak si kobiit inai kabwaatutigap muguleldang'ung'.

DANIEL 4:6

Ki ang'at anyun ng'atuutyet ale kimut piik tugul che ng'oomen che po Babilon kobwa tainnyu si kobiit koboorwo kaaroretap karwotitoet.

DANIEL 5:14

Koagas agobo inyee keele menyin tamirmiryetap kamuktaik, ak keele itinye lapkeiyet ak naet ak utaatyet ne siirtoot.

DANIEL 7:1

Ki irwotyi Daniel karwotitoet, ak kobwonji metinnyi ng'ang'utik eng' itogunnyi eng' kenyiit ne po tai ne po Belshazzar laitoryatap Babilon. Ki sir anyun ng'aleegap karwotitaonooto, ak komwaita ng'aleek che eecheen che po karwotitaonooto.

DANIEL 8:1

Ki nyoonjo anee Daniel, ng'ang'utyet ne uu ne kiga ageer eng' tai eng' kenyiit ne po somok ne po laitoryat Belshazzar.

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

POISYONIGAP CHE KIYOKTOI 6:10

Ago ki ma imuuch icheek kogirinda utaatyet ak Kabuuset ne Tiliil ne ki ng'alaale ineendet.

POISYONIGAP CHE KIYOKTOI 7:10

ak ki sar ineendet eng' nyalilwogikyik tugul, ak kogoochi chameet ak utaatyet eng' taitap Pharaoh laitoryatap Misiri; ne ki inde ineendet koek pounindet eng' Misiri ak koonnyi tugul.

POISYONIGAP CHE KIYOKTOI 7:22

Ak ki kineet Musa utaatyet tugul ne po Misiriik ak ki kiim eng' ng'aleekyik ak poisyonikyik.

KOLOSAIK 1:9

Amu niito anyun, koma kimete kesaa ak kesoom agobo okweek kobooch peetuut ne ki ngegas, keele konyiiak naetap magennyi eng' utaatyet tugul ak kaguiyet ne punu Kabuuset ne Tiliil,

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

JAKOBO 1:5

Ago ngot kobetyi chii age tugul eng' okweek utaatyet, ko ingosoom Kamuktaindet, ne igoochin tugul eng' aiyebindo ama kere kong'; ak kigoochin ineendet.