AMOS 2:10 - Bukuit Ne Tilil

¹⁰ Ki amutwak kogeny otogosu eng' emetap Misiri, ak andoiywok kenyiisyek artam eng' surkwen, si kobiit onam emetap Amorik kobunjook.

BUKUIT NE TILIIL Sireet ne Dutero Kanon

¹⁰ Ki amutwak kogeny otogosu eng' emetap Misiri, ak andoiywok kenyiisyek artam eng' surkwen, si kobiit onam emetap Amorik kobunjook.

BUKUIT NE TILIL

¹⁰ Ak kiamutwak kogeny otogosu eng’ emetab Misri, ak andoiywok kenyisiek artam eng’ ong’atet, si kobiit onam emetab Amorik kobunjok.

AMOS 2:10 Referencias Cruzadas

NEEMIA 9:21

Ee, ki ibai icheek eng' surkwen kenyiisyek artam, ki ma rarchi kiy icheek; ma osegitu ngoroikwak, ama ibwanso keelyekwak.

TIENWOGIKAL 95:10

Ki aaragen kenyiisyek artam eng' ibinooto, Ak ki ale, Icheeget ko piik che mastoi eng' mugulelwekwak, Ak tomo konai ortinwekyuk:

KOMONG'U 12:51

Ak ki imaanda Kamuktaindet ne Toroor peetuunooto piigap Israel eng' emetap Misiri eng' lugosyekwak.

KOMONG'U 20:2

“Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

JEREMIA 2:6

Ama teebegei icheek kole, ‘Mi ano Kamuktaindet ne Toroor ne ki imutwech kemong'u eng' emetap Misiri, ne ki indoiywech kebun surkwen, kebun emet ne surkwen ak ne po keriingonik, kebun emetap kemeut ak imenindo ne oo, kebun emet ne ma punei chii, ole ma menyei chii?’

EZEKIEL 20:10

Amutu anyun icheek komong' eng' emetap Misiri, amutu kobwa surkwen.

AMOS 3:1

Ogas ng'olyoondoni kagomwa Kamuktaindet ne Toroor agobo okweek, ee piigap Israel, agobo koot komugul ne po Israel ne ki amutu kotogos eng' emetap Misiri:

AMOS 9:7

Tos mou lagogap Ethiopik eng' anee, ee piigap Israel? Mwaei Kamuktaindet ne Toroor. Tos ma amutu Israel kotogos eng' emetap Misiri, ak amutu Philistiik eng' Kaptor, ak amutu piigap Syria eng' Kir?

MIKAH 6:4

Amu ki amutun itogosu imong'u eng' emetap Misiri, ak ki atyachin imang'une kootap otwoknateet; ak ki ayookte Musa, Aron, ak Miriam kondoun.

KAITOSYEK 13:32

Ak ki ipchi piigap Israel ng'aleek che yaacheen agobo emonooto kiga segei. Ki le icheek, “Amei piikyik emonooto ki kibun kesegei. Ak ko kooen miising' piik tugul che ki kigeer eng' olooto.

KAITOSYEK 21:25

Kiluul piigap Israel nganasochooto tugul, ak ki meny Yahudik nganasook tugul che po Amorik, eng' Hesbon, ak eng' nganasookyik tugul.

KAITOSYEK 32:13

Ki nereech kot Kamuktaindet ne Toroor agobo Israel, ak ki igoochi icheek koombeniot eng' surkwen eng' kenyiisyek artam agoi kowong'kei ibinda tugul ne ki yai yaityet eng' taitap Kamuktaindet ne Toroor.

POISYONIGAP CHE KIYOKTOI 13:18

Ak kimuitoochi icheek eng' atebosyekwak eng' olo po kenyiisyek artam eng' surkwen.

POISYONIGAP CHE KIYOKTOI 7:42

Ago ki ituktoochi patai Kamuktaindet icheek, ak kogoito icheek koot lugeetap kipsengwet; ko uu ye siraat eng' bukuitap maotik, keele: ‘Tos ki ogoono che kiyagi che kageeny ak tiseiywek eng' kenyiisyek artam eng' surkwen, Ee kootap Israel?

NG'ATUTIK 1:39

Ak itei olooto lagokwok che mengech che ki omwa ole egu luulenik ak lagokwok che nguno koma ingen ne myee anan ne ya. Eng' iman ko chooto che itei olooto ak agoochini icheek emet kobunji.

NG'ATUTIK 2:7

“Amu ki koberuurin Kamuktaindet ne Toroor Kamuktaindeng'ung' eng' poisyet tugul ne po euneguk. Ki konai pandang'ung' eng' ong'atani oo. Ki imi kobooten Kamuktaindet ne Toroor Kamuktaindeng'ung' eng' kenyisyechu artam ak ma rarun kiy.

JOSHUA 13:4

eng' murot tai, emet tugul ne po Kanaanik, Meara ne po Sidonik, kot koit Apek, agoi kiwotetap Amorik,

JOSHUA 24:8

Yeityo amutwak oitu emetap Amorik che ki menyei Jordan pitoniin. Ki yai lugeet ak okweek ak ki ande icheeget eunekwok ak ki onam emennywa kobunjook, ak ki abar icheek eng' taing'wong'.