1 PETERO 4:3 - Bukuit Ne Tilil

³ Amu ki koyam peetuusyek che ki kosiirto kosulda mageetap Pororyosyek, ye ki obendoti eng' maguutik che yaacheen, ak kasetap myat, pogitatet, ak waseetapkei, eiseet ak saaetap kanamonik che etei ng'atuutik:

BUKUIT NE TILIIL Sireet ne Dutero Kanon

³ Amu ki koyam peetuusyek che ki kosiirto kosulda mageetap Pororyosyek, ye ki obendoti eng' maguutik che yaacheen, ak kasetap myat, pogitatet, ak waseetapkei, eiseet ak saaetap kanamonik che etei ng'atuutik:

BUKUIT NE TILIL

³ Amu kigoyam betusiek che kigosiirto kosulda magetab Bororiosiek, ye kiobendoti eng’ magutik che yaachen, ak kasetab miat, eetab maiyek, ak wasang’natet, ak saetab kanamonik che etei ng’atutik:

1 PETERO 4:3 Referencias Cruzadas

2 SAMUEL 13:28

Ki ng'at `Absalom otwogik koleenji, “Ye kagobaibait muguleldap Amnon eng' maiyek, ko ye aleenjok, ‘Okwer Amnon,’ obar anyun ineendet matoiywei. Ma anee ne kang'atak? Ogimegitu ak onyiganitu.”

1 LAITORINIK 21:26

Ki yai tuguuk che kiwechei miising' eng' kasubetap kanamonik, ko uu tuguuk tugul che kiyaei Amorik, che ki oon Kamuktaindet ne Toroor eng' taitap piigap Israel.)

2 ATEPTAP PEETUUSYEK 15:8

Kingo kas Asa ng'aleechuuto, ak maonateetap maotyot Obed, konyiganit, ak koisto tuguuk che kiwechei eng' emet tugul ne po Judah ak Benjamin, ak eng' nganasook che kiga korep eng' emetap tuloonoogap Ephraim. Ak ki teech kogeny kaptisisyetap Kamuktaindet ne Toroor, ne ki mi taitap keterutap Kamuktaindet ne Toroor.

ISAIAH 28:7

Ago ki kochiliil chuuto ak icheek amu divaik, ak ki komaasta amu maiyek; ki kochiliil tisiindet ak maotyot amu maiyek, ki komaaluuch divaik icheek, ki komaasta amu maiyek; ichiliili eng' ng'ang'utyet, ibutos eng' kirwooget.

ISAIAH 5:11

Pwo eng' icheek che ng'eetos karon miising', kocheeng'at maiyek; che eeisei agoi kemoi kween, kot kobogityo miising'!

ISAIAH 65:4

che teebote kereeriisyek, ak komenyei komoswek che po ung'oot; che amei panyeegap toorook, ak mi tereenikwak suutegap tuguuk che kiwechei.

JEREMIA 16:11

Ileenji anyun icheek, Amu ki kometa kwanisyekwok, mwaei Kamuktaindet ne Toroor, ak kosubot kanamonik che teer, ak koot ak kolas, ak kometaa, ama riip ng'atuutikyuk;

JEREMIA 16:18

Ak ayaaktochini korook yaityennywa ak tengektonywa konyil aeng'; amu ki kong'wanit icheek emennyu eng' muuswegap tuguukwak che samis, ak kigonyiit porotennyu tuguukwak che kiwechei.

EZEKIEL 44:6

Ak imwachi ngelelyot, kootap Israel, ileenji, mwaei Kiptaiyat Kamuktaindet ne Toroor kole: Ee, okweek kootap Israel, tuguukwok tugul che kiwechei, ko ingoyamak,

EZEKIEL 45:9

Mwaei Kiptaiyat Kamuktaindet ne Toroor kole: Ingoyamak nooto, ee pounigap Israel: oiste koroomnateet ak ng'emisyet, ak oyai kirwooget ak imanda; oiste yaakset ne oyaache piikyuk eng' kimnateet, mwaei Kiptaiyat Kamuktaindet ne Toroor.

MARIKO 7:22

kasetap myat, yaityet, ng'aalseet, mageet ne ya, kong' ne ya, ng'aleek che yaach, menoteet, ak perberyo.

POISYONIGAP CHE KIYOKTOI 17:30

Ki ma mage kiy anyun Kamuktaindet peetuusyek che ki ma komi naet; ago kang'at anyun nguno kole kosik piik tugul eng' komosta age tugul.

ROMANIK 13:13

Ongebendoti ko uu ye nyolu, ko uu peet; ma eng' waseetapkei anan pogitet, ma eng' sokseet anan mageet ne ya, ma eng' polateet ak ng'etkong'.

1 KORINTOEK 12:2

Ongen ole kingo ta ko oo Pororyosyek, ko ki kiretook obe ye mi kanamonichooto che ma twegu, ko uu ye ki kindoiywok.

1 KORINTOEK 6:11

Ak ki uu chooto alak eng' okweek; ago ki kiuunok, ago ki kitabaanak, ago ki kiityok imanda eng' kainetap Kiptaiyat Jeso Kristo, ak eng' Kabuusetap Kamuktaindet nenyo.

2 KORINTOEK 12:21

si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

GALATYEK 5:19

Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

GALATYEK 5:21

kong' ne ya, pogitatosyek, keiyandisyek, ak alak che uu chooto: kasip ateiywok agobo chu, ko uu ye kisip ateiywok, ale icheeget che yaei tuguuk che uu chuuto koma nyooru laitornatetap Kamuktaindet.

EPESOEK 5:18

Amat obogitye eng' maiyek, che ibu mageet ne ya, ago ingonyiiak Kabuuset ne Tiliil;

1 THESSALONIKEK 4:5

ma eng' mageet ne po kasetap myat, agot ko uu Pororyosyek che ma ingen Kamuktaindet;

TITO 3:3

Amu ki kiberberen agacheek keny, ki ma kegase iit, ki kiberberech, keote maguutik che teerchiin ak ureryosyek, ketebye eng' yaityet ak ng'etkong', ki kiche kiwechei ak kewechegei.

1 PETERO 1:14

ko uu lagok che kase iit, amoyaniegei maguutikwok che po tai eng' peetuusyek che ki po perberindang'wong':

JUDA 1:4

Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.