TITO 2:2 - BUKUIT NE TILIIL Sireet ne Dutero Kanon

² si koriipkei poisyek che kagoeegitu, koek che po teegisto, che pou kabwaatutikwak, che po iman eng' kayaneet, eng' chamyet, eng' muitaet:

Bukuit Ne Tilil

² si koriipkei poisyek che kagoeegitu, koek che po teegisto, che pou kabwaatutikwak, che po iman eng' kayaneet, eng' chamyet, eng' muitaet:

BUKUIT NE TILIL

² si koripgei boisiek che kagoeegitu, koek che bo teegisto, che bou kabwatutikwak, che bo iman eng’ kayanet, eng’ chamnyet, eng’ muitaet:

TITO 2:2 Referencias Cruzadas

Kitabuutap JOB 12:12

Tos ma mi utaatyet kobooto poisyek che oosen? Ak tos ma piitu kaguiyet eng' chaang'indap peetuusyek?

TIENWOGIKAL 92:14

Ta koiitos agot ko kagoosegitu; Tuonitu amu peek che eei, ak kotunendos:

KALEWANAIK 16:31

Chepkuletap toroornatet kalwalek; pitune ooreetap imanda.

ISAIAH 65:20

Ma piitu eng' olooto kogeny lakweet ne po peetuusyek che ng'ering' anan poiyot ne ma ilil: amu meei lakweet ko po kenyiisyek pogol, ak kechubei kiptengekyot ne po kenyiisyek pogol.

ATEPTAP LAWIK 19:32

“Tononji ne tinyei kalwalek ak igonyit poiyo, ak iywei Kamuktaindeng'ung'. Aa Kamuktaindet ne Toroor.

MARIKO 5:15

Ki pwa ole ki mi Jeso ak kogeer ineendet ne kiga konam oik, kotebyei ko kagolaach ngoroik, ak ko kagong'omit ineendet ne ki tinyei chaang'indap oik; ak ki aragenso pichooto.

LUKA 8:35

Ak ki pa kogeer kiit ne kagoyaak; ak ki pwa ole mi Jeso, konyoor chiichooto ne kamandae oik, kotebyei eng' keelyegap Jeso, kolaagat, ak kotinyei ng'omnatennyi: ak ki iywei.

POISYONIGAP CHE KIYOKTOI 24:25

Ak ye kita kong'alaali agobo imanda, ak riibetapkei, ak kirwooget ne nyoonei, koiyweis Felix, ak kowol kole, “Ui korook; ak ye tuun anyooru poroindo ne myee, aguurin.”

ROMANIK 12:3

Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet.

1 KORINTOEK 15:34

Ogosu eng' imanda, amat oyai tengek; amu ma ingen alak Kamuktaindet: amwae ni si agoonok olilan.

1 KORINTOEK 9:25

Ak chii age tugul ne igiilegei eng' ureryosyek, koriibegei eng' tuguuk tugul. Yaei anyun icheek nooto si konyoor kuutweet ne ng'emaksei; ago acheek ko ne ma ng'emaksei.

2 KORINTOEK 5:13

Agot ngo kogobetech met, ko eng' Kamuktaindet; anan ngo litit ng'omnatennyo, ko amu okweek.

GALATYEK 5:23

kaming'inetapkei, riibetapkei: ma mi ng'atuutyet ne eesyoi chuuto.

PILIPIK 4:8

Ne po let anyun, che kitupche, tuguuk alak tugul che po imanda, alak tugul che po teegisto, alak tugul che po imanda, alak tugul che tiliileen, alak tugul che chamaatiin, alak tugul che kimwaitoe ne myee; ngo mi myeein age tugul, ak ngo mi kalasunet age tugul, obwaat tuguuchuuto.

1 THESSALONIKEK 5:6

nooto anyun among' keruiye ko uu piik alak, ago ongeriipse ak keegu che riibegei.

1 THESSALONIKEK 5:8

Ago ongeegu che kiriibegei, acheek che ke po peet, kilaachi karnetap tegeet ne po kayaneet ak chamyet; ak kuutweet, nooto ko kamang'unet ne po yetunet.

1 TIMOTEO 1:10

agobo che soksei, ak murenik che ibegei ak murenik, ak che chorei piik, ak kiplembechonik, ak che iyastos lembech, ak ngo mi kiit age tugul ne ketei kaneetisyet ne po imanit;

1 TIMOTEO 1:14

ak kitesak myeeindap Kiptaiyandennyo kobarait kobooto kayaneet ak chamyet ne mi eng' Kristo Jeso.

1 TIMOTEO 1:2

asirchini Timoteo lakweennyu, ne po iman eng' kayaneet: Ingotep kobooten myeeindo, ak rireenetapkei, ak kaalyeet, che punu Kamuktaindet Kwanda ak Kristo Jeso Kiptaiyandennyo.

1 TIMOTEO 1:5

Ago kasuldaetap ng'atuutyoni ko chamyet ne punu muguleldo ne tiliil ak kabwaatet ne myee ak kayaneet ne ma tinyei keniisyet:

1 TIMOTEO 3:11

Ko uu nooto kobogorisyek, kanyool kotebi eng' teegisto, ma kataamik, che riibegei, che kiyani eng' tuguuk tugul.

1 TIMOTEO 3:2

Kanyolji anyun riibindet koek ne ma kigeerchin ng'olyoo ne ma litit, manong'otyotap osotyot agenge, ne riibegei, ne litit ng'omnateet, ne tebyei komyee, ne taachei toek, ne chepchep koneetis;

1 TIMOTEO 3:4

ne pou koonnyi komyee, ne igoochin eng' teegisto tugul lagokyik kogas iit;

1 TIMOTEO 3:8

Ko uu nooto kiboitinigap kaniset kanyool kotebi eng' teegisto, ma che po ng'elyebwek aeng', ama che pogitos, ama che kasei myat agobo silingisyek;

1 TIMOTEO 5:1

Amerasyi poiyo, ago ng'alaalji ko uu kwanda; murenik ko uu che otupche,

TITO 1:13

Po iman paornataniito. Kergong' anyun eng' kimnateet amu nooto, si kobiit koek che po iman eng' kayaneet,

TITO 1:8

ago ne taachei toek, ne chamei che myachen, ne pou kabwaatutikyik, ne po imanda, ne tiliil, ne riibegei;

TITO 2:7

ibartegei inyeendet eng' tuguuk tugul iegu kaboorunet ne po poisyonik che myachen; eng' kaneetisyeng'ung' ibarte atebeet ne ma ng'emaksei,

PILEMON 1:9

ago, amu chamyet asoomin miising', anee Paulo ne koaositu, ak nguno kogeny ko aa kimonjororyot ne po Kristo Jeso.

1 PETERO 1:13

Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

1 PETERO 4:7

Ago kagoriik kagesunetap tuguuk tugul; nooto anyun oegu che oriibegei, ak oriipse eng' saaet:

1 PETERO 5:8

Oriipkei, oriipse: amu wendoti punyondeng'wong' chesawilyet, ko uu ng'etundo ne pooriseni, kocheeng'ei ne amei:

2 PETERO 1:6

ak otesyi `riibetapkei naet; ak otesyi `muitaet riibetapkei; ak otesyi `kayweetap Kamuktaindet muitaet;