TITO 1:2 - BUKUIT NE TILIIL Sireet ne Dutero Kanon

² eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

Bukuit Ne Tilil

² eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

BUKUIT NE TILIL

² eng’ kamang’unet ne bo sobondab koigeny, ne kiiyomis Jehovah, ne maimuchi kolembechan, koboch kenyisiek che bo koigeny;

TITO 1:2 Referencias Cruzadas

ISAIAH 1:20

Ago ngot oeesye ak ongelelse, kebarenok rotwetap chok.” Amu kagomwa niito kutitap Kamuktaindet ne Toroor.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

MATAYO 25:46

Ak pendi chu ole mi nyalilda ne po koigeny; ago pendi che po imanda ole mi saboondap koigeny.”

MARIKO 10:17

Ak ye kiwendi eng' ooreet, kolabatyi chiito age ineendet ak kogutung'ji, ak koteebe kole, “Kaneetindoni myee, ayai nee si anyoor saboondo ne po koigeny?”

MARIKO 10:30

ne ma nyooru konyil pogol nguno eng' peetuusyechu, kooriik, ak ng'eetap kametwagik, ak chepkametwagik, ak kametwagik, ak lagok, ak mbareenik, kobooto usiisyosyek; ak eng' peetuusyek che tuun pwoonei, saboondap koigeny.

JOHANA 10:28

Agoochini icheek saboondap koigeny; ak ma koi lusyo, ama rebena chii icheek eng' eunnyu.

JOHANA 17:2

ko uu ye ki igoochi ineendet kimnateet koboi piik tugul, si kobiit kogoochi saboondap koigeny tugul che ki igoochi ineendet.

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

JOHANA 5:39

Cham osyachi eng' siruutik, amu oleen otinye saboondap koigeny eng' chooto; ago chooto che paoryanjino;

JOHANA 6:54

Ineendet ne amei poortanyu ak koeei korotiikyuk kotinyei saboondap koigeny; ak ang'eeti ineendet eng' peetuutap let.

JOHANA 6:68

Kowolji anyun Simion Petero, koleenji, “Kiptaiyat, kibendi ole mi ng'oo? Itinye ng'aleek che po saboondap koigeny.

POISYONIGAP CHE KIYOKTOI 15:18

Mwaei Kiptaiyat, ne yaei tuguuchu si konaak kobooch taunetap ng'wony.’

ROMANIK 1:2

che kisip koaror eng' maotikyik eng' siruutik che tiliileen,

ROMANIK 16:25

Nguno eng' ineendet ne imuuchi kogimitok ko uu logoiywekyuk che myach ak amdaetap Jeso Kristo, ko uu ng'ang'utyet ne po ung'oot ne ki kagiuny kosiis kobooch peetuusyek che po koigeny,

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

ROMANIK 5:2

ak ki kenyooru eng' ineendet agine kemong'ji eng' kayaneet myeinooto kitonone; ak ongeboiboitu eng' kamang'unetap toroornatetap Kamuktaindet.

ROMANIK 5:21

si, ko uu ye kiboi tengekto eng' meet, ko uu nooto pou myeeindo eng' imanda agoi saboondap koigeny eng' Jeso Kristo Kiptaiyandennyo.

ROMANIK 5:4

ak ibu muitaet tyemisyet; ak ibu tyemisyet kamang'unet:

ROMANIK 6:23

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

1 THESSALONIKEK 2:15

che ki par Kiptaiyat Jeso ak maotik, ak ki oonech, ama ibaibai Kamuktaindet, ama namegei ak piik tugul;

1 THESSALONIKEK 5:8

Ago ongeegu che kiriibegei, acheek che ke po peet, kilaachi karnetap tegeet ne po kayaneet ak chamyet; ak kuutweet, nooto ko kamang'unet ne po yetunet.

1 TIMOTEO 6:12

Yai lugeet ne myee ne po kayaneet, nam saboondo ne po koigeny, nooto ne ki kiguurchin, ak ki ing'aany ng'ang'et ne myee eng' taitap paorinik che chaang'.

1 TIMOTEO 6:19

kogonorchigei lumdaet ne myee, agobo peetuusyek che pwoonei, si kobiit konam saboondo nooto ne po iman.

2 TIMOTEO 1:1

Paulo, kayooktoindet ne po Kristo Jeso eng' mageetap Kamuktaindet, ko uu arorutyet ne po saboondo ne miitei eng' Kristo Jeso,

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

2 TIMOTEO 2:10

Nooto anyun amuitoi eng' tuguuk tugul amu che ki kilewen, si kobiit konyoor ak icheek yetunet ne miitei eng' Kristo Jeso kobooto toroornatetap koigeny.

2 TIMOTEO 2:13

ngo ma ki po iman, kotebyei ineendet eng' iman; amu ma imuuchi koeesyogei.

2 TIMOTEO 2:15

Igiilgei ibartegei ile ki koyanun Kamuktaindet iegu kiboityot ne manyol kolilaan, ne poisyee komyee ng'olyootap imanit.

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

TITO 2:7

ibartegei inyeendet eng' tuguuk tugul iegu kaboorunet ne po poisyonik che myachen; eng' kaneetisyeng'ung' ibarte atebeet ne ma ng'emaksei,

TITO 3:7

si, ye kagiityech imanda eng' myeeindonyi, keyaech keegu che namei tuguuk ko uu kamang'unetap saboondap koigeny.

1 JOHANA 2:25

Ak ni arorutyet ne ki iarorwech ineendet, nooto ko saboondap koigeny.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

JUDA 1:21

Oriipkei eng' chamyetap Kamuktaindet, ogeni rireenetapkei ne po Kiptaiyandennyo Jeso Kristo kot koit saboondap koigeny.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 17:8

Tyonyi kegeere komi, ama komi; ak ko neegit komong' eng' keriinget ne ma igoksei, ak kwo luseet. Ak kwong'dos icheek che menyei ng'wony, che ki ma kisirchi kainaikwak bukuitap saboondo kobooch ngap kelumda ng'wony, ye keer tyondo, amu ki mi, ama komi, ak kota konyonei.

1 SAMUEL 15:29

Ma mwaei lembech Kimnateetap Israel ama sigu; amu ineendet koma chiito si kowalak.”