TIENWOGIKAL 99:3 - BUKUIT NE TILIIL Sireet ne Dutero Kanon

³ Ingolas icheek kaineng'ung' ne oo ne imuisei. Tiliil ineendet.

Bukuit Ne Tilil

³ Ingolas icheek kaineng'ung' ne oo ne imuisei. Tiliil ineendet.

BUKUIT NE TILIL

³ Ingolos ichek kaineng’ung’ ne o ne imuisei. Tilil inendet.

TIENWOGIKAL 99:3 Referencias Cruzadas

NEEMIA 1:5

Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

NEEMIA 4:14

Ak ye ki ageer ole uu, ang'eet ak aleenji piik che taagunotiin, pounik ak piik tugul, “Amoiywei icheek. Obwaat Kamuktaindet ne Toroor ne oo ak ko po kamuiset ak oyai lugeet agobo tupchosyekwok, weeriikwok, tiibiikwok, osotikwok ak kooriikwok.”

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

NEEMIA 9:5

Yeityo komwa Lawiik: Jeshua, Kadmiel, Bani, Hasabeneia, Serebia, Hodia, Sebania ak Petaia kole, “Otononie ak olasu Kamuktaindet ne Toroor, Kamuktaindeng'wong' kobooch koigeny agoi koigeny.” Ingoberuurok kaineng'ung' ne po toroornatet, ne itoroorot kosiir kaberuret tugul ak kalasunet.

TIENWOGIKAL 100:4

Oba kurgotikyik kobooto mwaetap kongoi, ak obe seremusyekyik olasunoti. Oweekyi kongoi ineendet, ak oberuur kainennyi.

TIENWOGIKAL 103:1

Ilasu Kamuktaindet ne Toroor, ee saboondanyu, ak ingolas kainennyi ne tiliil tugul che mi oriitinnyu.

TIENWOGIKAL 111:9

Ki koyokyi piikyik katyaget; kigong'at kayomisennyi kobunji koigeny. Tiliil ak kiywei kainennyi.

TIENWOGIKAL 145:17

Po iman Kamuktaindet ne Toroor eng' ortinwekyik tugul, ak tala eng' poisyonikyik tugul.

TIENWOGIKAL 66:3

Oleenji Kamuktaindet, Po kamuiset ne tya poisyoniguk! Iming'injiningei puuniguk amu etunatetap kimnateng'ung'.

TIENWOGIKAL 76:1

Naat Kamuktaindet eng' Judah: Oo kainennyi eng' Israel.

TIENWOGIKAL 76:12

Tilei ineendet saboonwegap pounik: Imui ineendet laitorinigap ng'wony.

ISAIAH 6:3

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

JEREMIA 20:11

Ago mi Kamuktaindet ne Toroor kobooto ko uu ineendet ne kiim ak komuisei: kinachi anyun usiikyuk, ama iterteerisyei: ililandos kot, amu ma yai eng' ng'omnateet, ak ma koi kiutye teweernatennywa ne po koigeny.

JOHANA 17:11

Ak ma amite ng'wony, ago mi ng'wony chu, ak anyoone ole imi. Abba ne Tiliil, riip eng' kaineng'ung' icheek che ki igoono, si kobiit koek agenge, ko uu acheek.

NG'ATUTIK 28:58

“Ngo meriip iyai ng'aleek tugul che po ng'atuutyoni che ki kisirchi kitabuuni, si kobiit igonyit kainani po teegisto, kainet ne kiywei Kamuktaindet ne Toroor Kamuktaindeng'ung';

NG'ATUTIK 7:21

Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

JOSHUA 24:19

Koleenji `Joshua piik, “Momuuchi oboisyechi Kamuktaindet ne Toroor, amu ineendet ko Kamuktaindet ne Toroor ne tiliil. Ineendet ko Kamuktaindet ne Toroor ne amei ng'etkong'; ma nyoiywok kaat eng' pistoeng'wong' anan ko eng' tengekwogikwok.

NG'ANG'UTYET 4:8

Ak nyiitootiin tyong'ichooto ang'wan saptos koonyek, komoswek tugul ak oriit, kotinyei age tugul kebebaik lo. Ama imuunyi icheek peet ak kemoi, komwaei koleen, “Tiliil, tiliil, tiliil, Kiptaiyat Kamuktaindet, Ne po Kamuktaet, ne ki mi ak komi ak ko tuun nyoonei.”

1 SAMUEL 2:2

Ma mi ne tiliil ko uu Kamuktaindet ne Toroor, ma mi age kobatenen; ama mi rwandet ne uu Kamuktaindennyo.