TIENWOGIKAL 102:12 - BUKUIT NE TILIIL Sireet ne Dutero Kanon

¹² Ago inyee, ee Kamuktaindet ne Toroor, ilaitorani koigeny; tebyei kabwaatetap kaineng'ung' agoi ibinwek tugul.

Bukuit Ne Tilil

¹² Ago inyee, ee Kamuktaindet ne Toroor, ilaitorani koigeny; tebyei kabwaatetap kaineng'ung' agoi ibinwek tugul.

BUKUIT NE TILIL

¹² Ago inye, ee Jehovah, itebye koigeny; Tebyei kabwateng’ung’ ne kibwatenen agoi ibinwek tugul.

TIENWOGIKAL 102:12 Referencias Cruzadas

Kitabuutap JOB 14:2

Piitei ko uu taapteet ak kores; labati ko uu urwet ama tononi.

Kitabuutap JOB 8:9

Amu ki po acheek amut ak ma kingen kiy, amu peetuusyekyok eng' ng'wony ko urwo.

TIENWOGIKAL 109:23

Ki abetite ko uu urwet ne petei: ki onota ko uu chereng'endet.

TIENWOGIKAL 135:13

Tebyei kaineng'ung' koigeny, ee Kamuktaindet ne Toroor; tebyei kabwaateng'ung' eng' ibinwek tugul, ee Kamuktaindet ne Toroor.

TIENWOGIKAL 9:7

Ago laitorani Kamuktaindet ne Toroor koigeny; Ki kochopchi ng'echerennyi po laitornatet kirwooget.

TIENWOGIKAL 90:6

Ing'atos karon, ak koeegitu; Kitemei koskoleny, ak koresyo.

KOMONG'U 3:15

Ak ki leenji `Kamuktaindet Musa kogeny, “Imwachini piigap Israel ng'olyoondoni ileenjini, Kagoyokwo Anyoonjok Kamuktaindet ne po Toroornatet ne po kwanisyekwok, Kamuktaindetap Abraham, Kamuktaindetap Isak, Kamuktaindetap Jakobo; kainennyu niito agoi koigeny, ak kabwaatennyu niito agoi ibinwek tugul.

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

ISAIAH 60:15

Ak ko uu ye kiga kebagaakten, ak kewechin, kot ko ki ma kota komi chii ne kibunei kwenung'ung', ayain anyun iegu telunateet ne po koigeny, poiboiyetap ibinwek che chaang'.

RIREKAB JEREMIA 5:19

Ago inyee, ee Kamuktaindet ne Toroor, ii laitorani koigeny; laitornateng'ung' kotononi ko po ibinda agoi ibinda age.

NG'ATUTIK 33:27

Meng'ateng'ung' Kamuktaindet ne po koigeny, ak kanabin eunek che po koigeny. Toortoi puunik eng' taing'ung'. Ineendet ne leen, ‘Ng'em icheeget.’

HEBRANIK 13:8

Kergei Jeso Kristo eng' amut ak ra, ak agoi koigeny.