TAUNET 6:6 - BUKUIT NE TILIIL Sireet ne Dutero Kanon

⁶ Ki riir let Kamuktaindet ne Toroor agobo chii ne ki yai eng' ng'wony, ak ki kas ng'wanindo eng' muguleldanyi.

Bukuit Ne Tilil

⁶ Ki riir let Kamuktaindet ne Toroor agobo chii ne ki yai eng' ng'wony, ak ki kas ng'wanindo eng' muguleldanyi.

BUKUIT NE TILIL

⁶ Kiibwat Jehovah kole, kima ko ta mie, koyai chi eng’ ng’ony, ak kigas ng’wanindo eng’ muguleldanyi.

TAUNET 6:6 Referencias Cruzadas

TAUNET 6:7

Ak ki mwa Kamuktaindet ne Toroor kole, “Abare awong'u piik che ki ayai eng' ng'wony komugul; kong'etee chii, kiyagiik, che ichuutegei ng'wony agoi toriit alak tugul che po parak; ki mata myee ayai icheek.”

2 SAMUEL 24:16

Ye kingo tokyi malaikaiyat eunnyi Jerusalem kole kobar, kowal Kamuktaindet ne Toroor kabwaatutikyik agobo yaityonooto ak koleenji malaikaiyandonooto kibarei piik, “Kagoyam, ingosiis eung'ung'.” Ki mi malaikaiyatap Kamuktaindet ne Toroor ole neegitee rwanyut ne kiboorsee ne po Arauna Jebusindet.

1 ATEPTAP PEETUUSYEK 21:15

Ak ki iyookto Kamuktaindet malaikaiyat kwo kobar Jerusalem. Ago ye ki neegit kobar, kogeer Kamuktaindet ne Toroor ak kowal kabwaatennyi agobo yaityonooto, ak koleenji malaikaiyat ne ki parisyei, “Kagoyam! Pagakte!” Ak kitonone malaikaiyatap Kamuktaindet ne Toroor ole neegit rwanyut ne kiboorsee ne po Ornan Jebusindet.

TIENWOGIKAL 106:45

Ak ki ibwaat kayomisennyi ne kigayomisyi icheek, ak ki riiree icheek ko uu chaang'indap rireenosyekyik.

TIENWOGIKAL 110:4

Ki koyosyo Kamuktaindet ne Toroor, ama walei, kole, “Ii tisiindet koigeny ko uu kiit ne ki uu Melkisedek.”

TIENWOGIKAL 119:158

Ki ageer che ng'aalsei, ak ki aaragen; amu ma isubi icheek ng'olyoondeng'ung'.

TIENWOGIKAL 78:40

Ak kingelelji ineendet konyil ata eng' surkwen, Ak ki igoochi arageneet eng' surkwen!

TIENWOGIKAL 81:13

Pwo! Nda kiga epcha iit piikyuk, Ee, nda kiga cham Israel kobendatee ortinwekyuk!

TIENWOGIKAL 95:10

Ki aaragen kenyiisyek artam eng' ibinooto, Ak ki ale, Icheeget ko piik che mastoi eng' mugulelwekwak, Ak tomo konai ortinwekyuk:

KOMONG'U 32:14

Ki wol anyun `Kamuktaindet ne Toroor kabwaatutikyik agobo yaityonooto ki kamwa kole yachin piikyik.

ISAIAH 48:18

Kita myee nda kigegas ng'atuutikyuk! Kita igeitu kalyeng'ung' aineet, ak koigei imandang'ung' peegap nyanjet che mildogei:

ISAIAH 63:10

Ago ki ingelelso ak kogoochi arageneet Kabuusennyi ne Tiliil: ki kiwal anyun koek punyonnywa, ak kobargei ak icheek.

JEREMIA 18:7

Eng' peetuut ne amwae agobo poror age tugul, ak agobo pounateet age tugul, ale atut, ak abut ak ang'em;

JEREMIA 26:19

Tos kita kobar Hezekiah laitoryatap Judah ak Judah tugul ineendet? Tos ki ma iywei Kamuktaindet ne Toroor ak kogaigai Kamuktaindet ne Toroor, kot kowal Kamuktaindet ne Toroor kabwaatutikyik eng' yaityet ne kiga komwa agobo icheek? Ngot keyai ko uu nooto, ko kagiipchi saboonwekyok yaityet ne oo.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

HOSEA 11:8

Amuktoi ano ameteen, inyee Ephraim? Amuktoi ano asaruun, inyee Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira moo.

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

JONAH 3:10

Kingo keer Kamuktaindet poisyonikwak, kole kaweek icheek kometo ooreenywa ne ya; kowal Kamuktaindet kabwaatutikyik agobo yaityet ne ki kamwa kole yachin icheek; ak mata koyai.

MALAKI 3:6

Aa Kamuktaindet ne Toroor, ma walaksei, ko uu nooto okweek, ee weeriigap Jakobo, koma kigeswok.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

ROMANIK 11:29

Amu ma tinyei ndara konunoigap Kamuktaindet ak kuursennyi.

EPESOEK 4:30

Ak amogoochi arageneet Kabuuset ne Tiliil ne po Kamuktaindet ne ki kindaenak ng'ookset agoi peetuutap katyaget.

NG'ATUTIK 32:29

Nda ka utaatiin, ta konaei niito, Ak kobwaat kagesunennywa!

NG'ATUTIK 32:36

Eng' iman ko irwookyinechin `Kamuktaindet ne Toroor piikyik, ak koriir moo agobo otwogikyik, ye keer kole kagowandagei kimnateennywa, Ama mi ne kong'et ne rataat anan ne ma rataat.

NG'ATUTIK 5:29

Kata myee anyun nda tinyei kotugul muguleldo ne uu nooto si koiywea ak koriip ng'atuutikyuk tugul si komyeeit eng' icheek ak eng' lagokwak agoi.

HEBRANIK 3:10

Eng' nooto anyun ki anereekyi ibini, Ak ki ale, ichiliili kotugul eng' mugulelwekwak: Ago ki ma kongen ortinwekyuk;

HEBRANIK 3:17

Ak ng'oo che ki nereekyi ineendet kenyiisyek artam? Tos ma icheeget che kichalwogenso, che ki ibutyi muuswekwak surkwen?

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

1 SAMUEL 15:11

“Ki ma ta myee aeet Saulo koek laitoryat. Amu kagoweektagei let mata kosuba, ama yai ng'atuutikyuk.” Ki nereech anyun Samuel ak koriirchi Kamuktaindet ne Toroor kemout komugul.

1 SAMUEL 15:29

Ma mwaei lembech Kimnateetap Israel ama sigu; amu ineendet koma chiito si kowalak.”

1 SAMUEL 15:35

Ak ki mata konyo kogeny Samuel kogeer Saulo agoi peetuutap meennyi. Nga no ko ki riirchi `Samuel Saulo; amu ki riir let Kamuktaindet ne Toroor kole kiga koyai Saulo koek laitoryat koboi Israel.