TAUNET 49:1 - BUKUIT NE TILIIL Sireet ne Dutero Kanon

¹ Yeityo koguur `Jakobo weeriikyik ak koleenji, “Oyumgei tugul, si kobiit aboorwok tuguuk che tuun pwonjinok eng' peetuusyek che po let.

Bukuit Ne Tilil

¹ Yeityo koguur `Jakobo weeriikyik ak koleenji, “Oyumgei tugul, si kobiit aboorwok tuguuk che tuun pwonjinok eng' peetuusyek che po let.

BUKUIT NE TILIL

¹ Ak kiiguur Jakobo werikyik, kolenji, Oyumgei tugul, si kobiit aboruok tuguk che tun bwanjinok eng’ betusiek che bo let.

TAUNET 49:1 Referencias Cruzadas

TIENWOGIKAL 105:15

kole, “Amat otwaa chechuuk che iilaatin, amoyachi ne ya maotikyuk.”

TIENWOGIKAL 25:14

Miitei ung'ootyetap Kamuktaindet ne Toroor kobooto icheek che iywei ineendet; ak koboorchi icheek arorutyennyi.

ISAIAH 2:2

Kimitu eng' peetuusyek che po let, tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak tuun pwaanjin olooto pororyosyek tugul.

ISAIAH 22:14

Ki ng'aang'jigei Kamuktaindet ne Toroor ne po lugoosyek itiikyuk koleen: “Ma kitiliilok iman eng' yaityoni kot obegu,” mwaei Kiptaiyat, Kamuktaindet ne po lugoosyek.

ISAIAH 39:6

Keero, pwoonei peetuusyek che tuun ki ibei tuguuk tugul che mi koong'ung' koba Babilon, kobooto che ki konor kwanisyeguk agoi ra: ma mi kiy ne ng'etu, mwaei Kamuktaindet ne Toroor.

ISAIAH 48:14

Oyumgei, okweek tugul, si ogas; ng'oo eng' icheek ne ki komwaita tuguuchuuto? Kigocham Kamuktaindet ne Toroor ineendet: yaei eng' Babilon kiit ne chamei, ak kotebee eunnyi Kaldeik.

ISAIAH 53:1

Ng'oo ne ki iyan ng'aleekyok? Ak ki king'aang'ji ng'oo eutap Kamuktaindet ne Toroor?

JEREMIA 23:20

Ma weeksei nereegegap Kamuktaindet ne Toroor, agoi koyai kogees, agoi koyai magutigap muguleldanyi kosulda: oguitosi ng'olyoondoniito komyee eng' peetuusyek che po let.

AMOS 3:7

Iman ma yaei kiy Kiptaiyat Kamuktaindet ne Toroor kotom kong'aang'ji ung'ootyennyi otwogikyik maotik.

MIKAH 4:1

Ki kimiti eng' peetuusyek che po let tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak kotendenji pororyosyek.

KAITOSYEK 24:14

“Kawe nguno ole mi piikyuk, ago nyoo anyun amwaun kiit ne itoi `pichu piiguk eng' peetuusyek che po let.”

LUKA 2:26

Ak kiga kong'aang'ji ineendet Kabuuset ne Tiliil, kole, ma keerei meet, kotom kogeer Kristo ne po Kiptaiyat.

POISYONIGAP CHE KIYOKTOI 2:17

‘Tuun eng' peetuusyek che po let, mwaei Kamuktaindet, aroong'jini piik tugul Kabuusennyu ne Tiliil, ak komaoten weeriikwok ak tiibiikwok, ak kogeer murenikwok ng'ang'utik, ak korwotyi poisyekwok karwotitaosyek.

NG'ATUTIK 31:12

Iyum piik, murenik, kwonyiik, lagok ak toondeng'ung' ne mi kurgotiguk, si kobiit kogas ak koneetkei si koywei Kamuktaindet ne Toroor Kamuktaindeng'wong' ak koriip koyai ng'aleek tugul che po ng'atuutyoni.

NG'ATUTIK 4:30

Ak ye imiitei nyalilda, ak kobwonjin tuguuchu tugul, iweekyigei Kamuktaindet ne Toroor Kamuktaindeng'ung' anyun eng' peetuusyek che po let, ak igas kutinnyi.

1 TIMOTEO 4:1

Ago mwaei Kabuuset ne Tiliil kotook, kole tuun eng' peetuusyek che pwoonei koistoegei alak kayaneet, koepchin iit tamirmirik che ibeeti piich ak kaneetisyosyek che po oik,

2 TIMOTEO 3:1

Ago nai ni ile pwoonei eng' peetuusyek che po let egosyek che pichiien.

HEBRANIK 1:2

ko ne kagong'alaalwech eng' peetuusyechu po let eng' Weeriinnyi, ne kigonde koek ne namei tuguuk tugul, ak ki yai ineendet ng'wony agine eng' ineendet;

HEBRANIK 13:1

Ingotep ko uu nooto chamyetap che kitupche.

NG'ANG'UTYET 4:1

Kingo pata tuguuchu, ageer, ak ki yaatak kurgeet eng' kipsengwet. Ak kutit ne po tai ne ki agas ko ki uu ne po iryageet, ne ki ng'alaalwo kole, “Togosu oli, si aboorun tuguuk che tuun piitu eng' let matiny.”