TAUNET 47:6 - BUKUIT NE TILIIL Sireet ne Dutero Kanon

⁶ mi taing'ung' emoniito po Misiri. Igoochi kwandang'ung' ak weeriik che otupche komeny emet ole karaaran miising' kosiir tugul, ingomeny anyun emetap Goshen. Ak ngot ingen piik eng' icheek che ng'oomen, igoochi koriip tuukyuk.”

Bukuit Ne Tilil

⁶ mi taing'ung' emoniito po Misiri. Igoochi kwandang'ung' ak weeriik che otupche komeny emet ole karaaran miising' kosiir tugul, ingomeny anyun emetap Goshen. Ak ngot ingen piik eng' icheek che ng'oomen, igoochi koriip tuukyuk.”

BUKUIT NE TILIL

⁶ mi taing’ung’ emonito bo Misri; igochi kwandang’ung’ ak werik che otupche komeny emet ole kararan mising’ kosiir tugul; ingomeny anyun emetab Gosen: ak ngot ingen bik alak eng’ ichek che ng’omen, igochi korib tukyuk.

TAUNET 47:6 Referencias Cruzadas

TAUNET 13:10

Ak kiguskong' Lot kotabendo, ak ki keer atebweetap Jordan komugul kole emet ne tinyei peek eng' olda age tugul ko uu mbareetap Kamuktaindet ne Toroor, ko uu emetap Misiri ne tokyingei komostap Zoar, ye ki tomo kong'em `Kamuktaindet ne Toroor Sodom ak Gomorah.

TAUNET 13:9

Tos ma paraa emet eng' taing'ung'? Kaigai istegei eng' ole ami. Ngot iwe komostap kaataam, awe komostap tai; anan ngot iwe komostap tai, awe komostap kaataam.”

TAUNET 20:15

Ak ki leenji Abimelek, “Keero, mi taing'ung' emoninyu, meny ole ichame.”

TAUNET 34:10

Ongemeng'jine, ak mi emoni taing'wong'. Omeng'iisyei ak oyae mung'aaret, ak onyoorchi mogornateet.”

TAUNET 45:10

Ak inyoo imeny emetap Goshen, si ineegitena, inyee ak lagoguk kobooto mochogoroniguk, kechireguk, tuuga cheguuk ak tuguuk tugul che itinye.

TAUNET 46:34

Oleenji, ‘Acheek otwogiguk ko ki piigap tuuga kong'etee ko kimengech agoi kora, acheek, ak kwanisyekyok agicheek’ si kobiit omeny emet ne kiguure Goshen, amu chii age tugul ne iyagisyei ko ng'waan eng' Misiri.”

TAUNET 47:11

Ki yai anyun Joseph komeng'iis kwandanyi ak weeriik che tupcho, ki igoochi icheek ole punjin eng' emetap Misiri, ole karaaran kosiir tugul eng' emonooto, eng' emetap Rameses, ko uu ye kiga ng'at Pharaoh.

TAUNET 47:16

Ak ki leenji Joseph, “Ogoonu tuukwok, si agoonok amitwogik che ogeere tuukwok, ngot ko kogogeskei robiinik.”

TAUNET 47:4

Ki leenji `icheek Pharaoh, “Kageuchi emoni ko ki toek, amu ma mi ole kiyage akwotisyegap otwogiguk; amu ng'waan rubeet eng' emetap Kanaan. Ara anyun, kaigai chamwech acheek otwogiguk kemeny emetap Goshen.”

TAUNET 47:5

Ak ki ng'alaalji `Pharaoh Joseph, koleenji, “Kagoit oldang'ung' kwandang'ung' ak weeriik che otupche,

1 LAITORINIK 11:28

Jeroboam ko ki chiito ne kiim ak ko nyigan. Ki keer Solomon murenonooto kole, igiilegei eng' poisyet, kogoochi ineendet koboi poisyet tugul che po kootap Joseph.

2 ATEPTAP PEETUUSYEK 26:10

Ak ki teech teeksosyek che kooen eng' surkwen, ak ki pal keriingonik che chaang' che po peek, amu ki tinyei tuuga che chaang'; eng' emet ne soi agine, ak eng' warenget. Ki tinyei kabotik ak che riibei logoegap sabibuk eng' tuloonook ak eng' mbareenik che rurtos miising'; amu ki chamei kabatisyet.

KOMONG'U 18:21

Nyolu kogeny ilewenote eng' piik tugul piik che kiimeen, che iywei Kamuktaindet, piigap imanit che wechei tuguugap asoya. Inde icheek koboi piik koek pounigap eliphuusyek, che po pogolwogik, che po konomusyek ak che po tamanusyek.

KOMONG'U 18:25

Ki lewenot piik che kiimeen eng' Israel tugul ak konde koboi piik koek pounik che po eliphuusyek, che po pogolwogik, che po konomusyek ak che po tamanusyek.

KOMONG'U 9:10

Ki ip anyun icheek oreegap maat ne oo, ak koba kotononso eng' taitap Pharaoh, yeityo koseerchi Musa parak ak ki ek ondirik che mong'u kobwandos eng' piik ak eng' tyong'ik.

KOMONG'U 9:21

Ago ineendet ne ki ma iit ng'olyootap Kamuktaindet ne Toroor kole kiy, ko kemetoi otwogikyik ak akwotisyekyik eng' timiin.

KALEWANAIK 21:1

Uu ainoosyek muguleldap laitoryat eng' eutap Kamuktaindet ne Toroor; imuti kotokyigei oldo tugul ole machei.

KALEWANAIK 22:29

Tos igeere chiito ne igiiljingei poisyennyi? Tononi ineendet eng' taitap laitorinik; ma tononi eng' taitap piik che ma taagunotiin.

JEREMIA 40:4

Keer anyuno, katyachin rani eng' nyororosyek che mi eung'ung'. Ngot igeer ile myee keebe tuwai Babilon, inyoo keebe, ak ariibin komyee; ago ngot igeere ile ya keebe tuwai Babilon, itebi: keero, mi emoni tugul taing'ung'; ole igeere ile myee ak konyaaljinin iwe, iwe yooto.

JOHANA 17:2

ko uu ye ki igoochi ineendet kimnateet koboi piik tugul, si kobiit kogoochi saboondap koigeny tugul che ki igoochi ineendet.

1 SAMUEL 21:7

Ki mi yooto chiito age ne po otwogigap Saulo eng' peetuunooto ne ki kiraany kotebi eng' taitap Kamuktaindet ne Toroor. Kainennyi ko ki Doeg, Edomindet. Ineendet ko ki ne oo eng' mestowegap Saulo.