TAUNET 46:3 - BUKUIT NE TILIIL Sireet ne Dutero Kanon

³ Koleenji Kamuktaindet, “Aa Kamuktaindet, Kamuktaindet ne po kwandang'ung'. Meiywei, ichoortegei iwe Misiri; amu ayain iegu pororyet ne oo eng' olooto.

Bukuit Ne Tilil

³ Koleenji Kamuktaindet, “Aa Kamuktaindet, Kamuktaindet ne po kwandang'ung'. Meiywei, ichoortegei iwe Misiri; amu ayain iegu pororyet ne oo eng' olooto.

BUKUIT NE TILIL

³ Ak kile, A Kamuktaindet, Kamuktaindet ne bo kwandang’ung’: ameiywei, ichortege iwe Misri; amu ayain iegu bororiet ne o eng’ oloto:

TAUNET 46:3 Referencias Cruzadas

TAUNET 12:2

Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

TAUNET 15:13

Ak ki leenji `Kamuktaindet ne Toroor Abram, “Iman tuun inae ile, egu lagoguk kiprutoin eng' emet ne ma nenywa, ak tuun ko otei pichooto, ak konyalilso icheek eng' kenyiisyek pogol ang'wan.

TAUNET 17:1

Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

TAUNET 18:18

ago tuun egu Abraham ne matiny pororyet ne oo ne tinyei kimnateet, ne kiberuure pororyosyek tugul che po ng'wony?

TAUNET 22:17

Eng' kaberuret aberuurin, ak eng' kayabet ayabi iyoteng'ung' kobarait kotenit kecheik che po kipsengwet, ak kotenit ng'aniek che po ngeguutap nyanjet. Tuun nyabani lagoguk kurgeetap puunikwak;

TAUNET 35:11

Ak koleenji Kamuktaindet, “Aa Kamuktaindet Ne po Kamuktaet. Ii ak itesage, tuun mong'unenen inyee pororyet ak chaang'indap pororyosyek, ak mang'unen laitorinik.

TAUNET 47:27

Ki meny anyun `Israel Goshen, eng' emetap Misiri, Ak ki ek mogore eng' olooto, ak ki sigiis ak kotesagis miising'.

TAUNET 48:16

malaikaiyat ne ki ityaacha eng' yaitwogik tugul, ingoberuur lagochu; ak keguurtoe icheek kainennyu, ak kainaigap kwanisyekyuk ak icheek, Abraham ak Isak; ak ingotesagis kochang'a eng' kwenutap ng'wony.”

TAUNET 48:19

Ago ki eesyo kwandanyi, ak kole, “Angen ale uu nooto, weeriinnyu, angen. Egu agine ineendet pororyet, ak tuun eetu. Ago eetu ng'eetap kamet ne ming'in kosiir ineendet ak chaang'aitu lagokyik koegu pororyosyek che chaang'.”

KOMONG'U 1:12

Ago ye kingo tesak kanyaliilet ne ki kinyalil piigap Israel, ko kitesagis ak icheek kosiir, ak konyi emet. Ki iimgei kot Misiriik agobo icheek.

KOMONG'U 14:13

Ago ki wolji `Musa piik koleenji, “Amoiywei, ogany kityo si ogeer yetunetap Kamuktaindet ne Toroor ne yaiywok rani. Amu ma ogeere kogeny misirichu ogeere rani.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

JEREMIA 40:9

Ak ki iyasyechi Gedalia weeriitap Aikam weeriitap Sapan pichooto ak murenikwak, koleenji, amoiywei oot Kaldeik: omeng'iisye eng' emet, ak oot laitoryatap Babilon, si komyeeit eng' okweek.

POISYONIGAP CHE KIYOKTOI 27:24

kole, ‘Ameiyweisye, Paulo; kanyool itonon eng' taitap Caesarea: ak keero, kagogoonin Kamuktaindet tugul che obendi tugul eng' moinget.’

POISYONIGAP CHE KIYOKTOI 7:17

“Ye kingo riik peetuut ne po arorutyet, ne ki iyasyechi `Kamuktaindet Abraham, koyabak piik ak kotesagis eng' Misiri,

NG'ATUTIK 1:10

Ki kotesaak `Kamuktaindet ne Toroor Kamuktaindeng'wong', ak oo sere rani ko uu kecheigap kipsengwet.

NG'ATUTIK 10:22

Ki piik tamanwogik tisap kwanisyeguk ye kichoortogei kobendi Misiri, ago kagoyain Kamuktaindet ne Toroor Kamuktaindeng'ung' itenitu kecheigap parak soet eng' chaang'indo.”

NG'ATUTIK 26:5

Ak iwolu eng' taitap Kamuktaindet ne Toroor Kamuktaindeng'ung' ile, ‘Ki Syrianindet abba ne kiuoti ne kichoortagei kwo Misiri ak komeny olooto ak ye kimatyanit koek ineendet pororyet ne oo eng' olooto, kochang'a ak kogimegiitu miising'.