TAUNET 42:6 - BUKUIT NE TILIIL Sireet ne Dutero Kanon

⁶ Ki pounindet Joseph ne po emet, ak ki ineendet ne ki aldochin peek piik tugul che po emet. Ki pwa anyun tupchosyegap Joseph, ak kong'uruuk eng' tainnyi kotokyi metowekwak ng'wony.

Bukuit Ne Tilil

⁶ Ki pounindet Joseph ne po emet, ak ki ineendet ne ki aldochin peek piik tugul che po emet. Ki pwa anyun tupchosyegap Joseph, ak kong'uruuk eng' tainnyi kotokyi metowekwak ng'wony.

BUKUIT NE TILIL

⁶ Ak ki bounindet Josep ne bo emet: inendet ne kialdochin bek bik tugul che bo emet: ak kibwa anyun tupchosiekab Josep, ak kong’uruk eng’ tainnyi kotokyi metowekwak ng’ony.

TAUNET 42:6 Referencias Cruzadas

TAUNET 18:2

Kingo tabendo, kogeer piik somok kotonondos ko kaitoorchigei ineendet. Ye kingo keer, komanda ak kolabat kotorookta kong'etee kurgeetap emainnyi ak ipkogutung'ji icheek.

TAUNET 19:1

Ki it anyun malaikaisyechooto aeng'u Sodom eng' koskoleny, ak kitebyei ng'wony Lot eng' ormariichetap nganasanooto. Ye kingo keer Lot icheek, kong'eet kotorookta ak ipkogutung'ji.

TAUNET 33:3

Ki indoe `ineendet icheek, yeityo kong'uruuk agoi ng'wony konyil tisap, agoi koriikyi ng'eetap kamet.

TAUNET 41:43

Ak ki igoochi `Pharaoh Joseph kolaany chepkichutinnyi ne po aeng' ne ki tinyei, ak kiboldos piik eng' tainnyi koleen, “Ogutuny!” Ak ki inde ineendet koboi emet komugul ne po Misiri.

TAUNET 41:54

Yeityo kotoi anyun kobwa kenyiisyek tisabu che po rubeet ko uu ye ki kamwa Joseph. Ki piit anyun rubeet eng' emotinwek tugul, ago ki mi amitwogik emet komugul ne po Misiri.

TAUNET 41:57

Ki pwa anyun emotinwek tugul kap Joseph eng' Misiri kobwa koal peek; amu kieet rubonooto eng' ng'wony komugul.

TAUNET 44:14

Ki it anyun Judah ak tupchosyekyik kootap Joseph amu kitom kwo ui, ak ki ibutyi icheek ng'wony eng' tainnyi.

TAUNET 45:26

Ak ki mwachi koleenji, “Ta kosabei Joseph! Ak ineendet ko pounindetap emet komugul ne po Misiri.” Ak ki tanui muguleldap Jakobo, amu ma iyan icheeget.

TAUNET 45:8

Ara anyun, ki ma ko okweek che ki omutwaa anyo oli, ago Kamuktaindet ne ki koyaa aek kwanda eng' Pharaoh, ak aegu kiptaiyatap koonnyi tugul, ak pounindetap emet komugul ne po Misiri.

TAUNET 48:12

Yeityo koisto `Joseph lagochooto eng' kutung'oigap Jakobo ak kong'uruuk ineendet agoi ng'wony.

KALEWANAIK 11:26

Chubei `piik che etei peek, ago kiberuuri ne aldoi.

ISAIAH 60:14

Ak kobwonjin weeriigap icheeget che ki inyaliilin kong'uruugonu; ak kogutung'so eng' keldebesaigap keelyeguk icheek tugul che kisasin; ak koguurenen, Nganaseetap Kamuktaindet ne Toroor, Zion ne po Ineendet ne Tiliil ne po Israel.

POISYONIGAP CHE KIYOKTOI 7:10

ak ki sar ineendet eng' nyalilwogikyik tugul, ak kogoochi chameet ak utaatyet eng' taitap Pharaoh laitoryatap Misiri; ne ki inde ineendet koek pounindet eng' Misiri ak koonnyi tugul.

NG'ANG'UTYET 3:9

Agoochini che po sinagogitap Setani, icheeget che mwaei kole ki Yahudik, ago ma icheek, kenu, keero, agoochini icheek kobwa kogutuny eng' keelyeguk, ak konai kole ki achamin.

1 SAMUEL 20:41

Kingwo weerooto, kong'eet Daudi eng' ole tokyingei murot tai ak kong'uruuk kotiing'e togeennyi ng'wony. Ki ing'uruuk konyil somok, yeityo kotorochkei icheek ak koriiryo, ak kitesak miising' riiregap Daudi.