TAUNET 42:21 - BUKUIT NE TILIIL Sireet ne Dutero Kanon

²¹ Ki ng'alaaljigei icheegei kole, “Kagonamech kirwooget iman agobo tupchennyo, amu ki kigeer nyalildap muguleldanyi, ye ki igaigaech, ak ki ma kicham kegasyi; kanyonjech anyun nyalili amu nooto.”

Bukuit Ne Tilil

²¹ Ki ng'alaaljigei icheegei kole, “Kagonamech kirwooget iman agobo tupchennyo, amu ki kigeer nyalildap muguleldanyi, ye ki igaigaech, ak ki ma kicham kegasyi; kanyonjech anyun nyalili amu nooto.”

BUKUIT NE TILIL

²¹ Ak king’alaljigei ichegei kole, Kagonamech kiruoget iman agobo tupchennyo, amu kigigeer nyalildab muguleldanyi, ye kiigaigaech, ak kima kicham kegasyi; kanyonjech anyun nyalili amu noto.

TAUNET 42:21 Referencias Cruzadas

TAUNET 41:9

Yeityo komwachi anyun ne oo eng' riibiigap tuguuk che kieei, `Pharaoh, koleenji, “Kabwaat rani lelutikyuk.

TAUNET 44:16

Ak ki le Judah, “Tos kimwaun nee anyun, kiptaiyandennyu? Ki ng'alaali keleen nee? Anan tos ki ityindoitech ano imanda? Kagonai Kamuktaindet tengektap otwogiguk, ara kimi yu anyun acheeget, ki otwogigap kiptaiyandennyo, ak ineendet ne kaginyoorchi kigombet agine.”

TAUNET 45:3

Ak ki leenji `Joseph tupchosyekyik, “Aa Joseph! Tos ta kosabei abba?” Ago ki ma imuuch kowolji tupchosyekyik, amu ki iyweis eng' tainnyi.

TAUNET 50:15

Ye kingo keer weeriik che tupcho ak Joseph kole kagome kwandanywa, kole, “Abeere, imuuchi kowechech Joseph ak kogeerwech yaityet tugul ne kiga kiyachi ineendet.”

2 SAMUEL 12:13

Koleenji `Daudi Nathan, “Koayachi Kamuktaindet ne Toroor tengekto.” Kowolji `Nathan Daudi koleenji, “Kagoisto Kamuktaindet ne Toroor agine tengektong'ung'; memee.

1 LAITORINIK 17:18

Ki leenji `ineendet Elijah, “Kiting'egei nee ak inyee, chiitap Kamuktaindet? Koinyo oli ami si kong'ang'ak tengektonyu, ak ibar weeriinnyu?”

KALEWANAIK 21:13

Ineendet ne timei itiikyik ye riirei kibananiat, koriirei agine ago ma kasyin chii.

KALEWANAIK 28:17

Mwechin keriinget chiito ne mi paragunnyi korotiigap chii age; amat koraany chii ineendet.

JEREMIA 2:17

Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 34:17

Mwaei anyun Kamuktaindet ne Toroor kole: Ma oepcha iit, si omwaite katyaget, eng' chii age tugul eng' tupchennyi, ak eng' chii age tugul eng' chiitap kokwennyi: ogeero, amwaiwok katyaget, mwaei Kamuktaindet ne Toroor, ne po rotwetap chok, ne po koroito, ak ne po rubeet; ak agoitook kewiirchok komosi ak komosi eng' pounatosyek tugul che po ng'wony.

JEREMIA 4:18

Kagoibun oreng'ung' ak poisyoniguk tuguuchuuto, niito ko yaityeng'ung', amu ng'waan, amu itei muguleldang'ung'.

HOSEA 5:15

Aweekyinigei anyun oldanyu, agoi kong'aany chalwoktanywa ak kocheeng'a. Eng' nyalildanywa ko cheeng'a icheek eng' kagiiletapkei.

KAITOSYEK 32:23

Ago ngot ko moyai ko uu nooto, ko kaoyai tengekto eng' taitap Kamuktaindet ne Toroor, ak onai anyun ole ng'ang'dook tengektong'wong'.

MATAYO 7:2

Amu kirwooget ne orwoochi ko tuun kirwoogunenok nooto, ak eng' kerutyet ne ogere, ko tuun kigerunenok nooto.

MARIKO 9:48

ole ma pegu kutikwak, ama misoksei maat.

LUKA 16:28

amu atinye che kitupche muut; kwo koteechi icheek, si ma pwa ole mi nyalilda ne oo.”

POISYONIGAP CHE KIYOKTOI 19:18

Ki pwa ak icheek che chaang' che ki iyan, kong'aanyei ak koboortoi poisyonikwak.

JAKOBO 2:13

Amu ma tinyei kirwooget rireenetapkei eng' ineendet ne ma iboor rireenetapkei: itorooregei rireenetapkei kogirindoi kirwooget.

1 JOHANA 1:9

Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

KIRUOGIK 1:7

Ki mwa Adoni-besek kole, “Ki iyum amitwogik eng' kurereetap mesennyu laitorinik tamanwogik tisabu che kiga kitil morikwak che eecheen che po eunek ak che po keelyek; ko uu ye ki ayai, ko kayaiywo Kamuktaindet ko uu nooto.” Ki imut `icheek ineendet kwo Jerusalem, ak ki mechi olooto.