TAUNET 32:13 - BUKUIT NE TILIIL Sireet ne Dutero Kanon

¹³ Ki ru yooto anyun lagatunooto, ak kochop kagoochinet eng' tuguukyik che ki tinyei si kogoochi ng'eetap kamet Esau.

Bukuit Ne Tilil

¹³ Ki ru yooto anyun lagatunooto, ak kochop kagoochinet eng' tuguukyik che ki tinyei si kogoochi ng'eetap kamet Esau.

BUKUIT NE TILIL

¹³ Ak kiru yoto lagatunato; ak kichob kagochinet eng’ tugukyik che kitinyei si kogochi ng’etab kamet Esau;

TAUNET 32:13 Referencias Cruzadas

TAUNET 13:16

Ayae lagoguk kochang'a ko uu temburyek che po ng'wony, si ngot komugaksei koiit chii temburyek, ko kaagaa iitoksei lagoguk ak icheek.

TAUNET 15:5

Ki imaanda ineendet kwo saang' ak koleenji, “Kaigai keero, inyal parak kipsengwet, ak iit kecheik ngot imuuchi.” Ak ki testai koleenji, “Tuun ko tenitu chooto lagoguk.”

TAUNET 18:2

Kingo tabendo, kogeer piik somok kotonondos ko kaitoorchigei ineendet. Ye kingo keer, komanda ak kolabat kotorookta kong'etee kurgeetap emainnyi ak ipkogutung'ji icheek.

TAUNET 22:17

Eng' kaberuret aberuurin, ak eng' kayabet ayabi iyoteng'ung' kobarait kotenit kecheik che po kipsengwet, ak kotenit ng'aniek che po ngeguutap nyanjet. Tuun nyabani lagoguk kurgeetap puunikwak;

TAUNET 32:14

Ki chop iyuogik pogol aeng' che po ng'oroorek kobooto kwesik tiptem, iyuogik pogol aeng' che po keechiirek ak mengichik tiptem,

TAUNET 33:10

Koleenji Jakobo, “Achicha, asaain ale, ngo kaanyooru chameet eng' taing'ung', ko myee itaach chu kagoonin eng' eunnyu; amu kaageer togeng'ung', ko uu ye kigeere togeetap Kamuktaindet, ak ageere anyun ale ibaibai eng' anee.

TAUNET 33:8

ki teebee Esau koleenji, “Po nee akwotisyechu tugul kaatuiye?” Koleenji, “Si kobiit anyoor chameet eng' taitap kiptaiyandennyu.”

TAUNET 42:6

Ki pounindet Joseph ne po emet, ak ki ineendet ne ki aldochin peek piik tugul che po emet. Ki pwa anyun tupchosyegap Joseph, ak kong'uruuk eng' tainnyi kotokyi metowekwak ng'wony.

TAUNET 43:11

Yeityo koleenji `kwandanywa Israel icheek, “Ngo uu nooto anyun, oyai ko uu ni: oip tuguuk che myachen miising' che po emet eng' lolotinwekwok, oipchi chiichooto kagoochinoik ko uu mwanik tutigin che kinyaise, kobooto kumyat kitigin, tuguuk che ng'uu ne anyiny, tuguuk che uu igomoik, kobooto tuguuk che uu njuguk ak logoek che kiguure almond.

TAUNET 43:26

Ye kingo it Joseph kaa, koipchi `pichooto ineendet kagoochinoik che ki ibu, kobwa ko, ak ki ing'uruuk eng' tainnyi agoi ng'wony.

NEEMIA 4:13

Ki ande anyun piik komoswek che rektoot eng' irimeet patai eng' ole ma mi kiy, ande kobee ortinwekwak kotinyei rotonikwak po chok, ng'otwekwak ak kwangokwak.

KALEWANAIK 17:8

Uu koita ne po kamanuutyet ne oo kitap asoya eng' taitap ineendet ne tinyei; poorei eng' ui tugul ole tokyingei.

KALEWANAIK 18:16

Cheeng'jin konunet chiito poroindo, ak komutyi ineendet taitap piik che eecheen.

KALEWANAIK 19:6

Riirchin piik che chaang' myeeindap chiito ne tagunoot; ak chii age tugul ko chorweetap ineendet ne igoitoi konunoik.

KALEWANAIK 21:14

Imisi nereegek konunotyot ne ki koonu eng' ung'oot, ak imisi nereegek che ng'woneen asoya.

1 SAMUEL 25:27

Ingigoochi kagoochinoni kaipchin otwogindeng'ung' kiptaiyandennyu, ingigoochi murenik che isuboti kiptaiyandennyu.

1 SAMUEL 25:8

Teebe murenjotoguget si komwaun. Ingonyoor anyun chameet murechuchuk eng' taing'ung', amu kagibwa eng' peetuut ne myee. Asoomin anyun ale, igoochi otwogiguk ak weeriing'ung' Daudi kiy age tugul ne itinye.’ ”