TAUNET 3:22 - BUKUIT NE TILIIL Sireet ne Dutero Kanon

²² Ak ki mwa `Kamuktaindet ne po Toroornatet kole, “Ogeero! Kagogergeit chiichi ak agenge eng' acheek, ne ingen ne myee ak ne ya.” Ko si mata koyogooito eunnyi kobut che po keetitap saboondo koam ak kosap koigeny,

Bukuit Ne Tilil

²² Ak ki mwa `Kamuktaindet ne po Toroornatet kole, “Ogeero! Kagogergeit chiichi ak agenge eng' acheek, ne ingen ne myee ak ne ya.” Ko si mata koyogooito eunnyi kobut che po keetitap saboondo koam ak kosap koigeny,

BUKUIT NE TILIL

²² Ak kimwa Jehovah Kamuktaindet kole, Ogeero; kagogergeit chichi ak age eng’ achek, ne ingen ne mie ak ne ya; ak nguno anyun, ko si mata koyogoito eunnyi, ak kobut agine che bo ketitab sobondo, ak koam ak kosob koigeny:

TAUNET 3:22 Referencias Cruzadas

TAUNET 1:26

Yeityo komwa Kamuktaindet kole, “Ongeyai chiito eng' itoondanyo, ko uu kergeindanyo. Ingoboi icheek njireenik che mi nyanjosyek, toriitik che mi soet parak, kiyagiik, ng'wony komugul ak tyong'ik tugul che ichuutegei ng'wony.”

TAUNET 2:9

Ak ki igoochi Kamuktaindet ne po Toroornatet kobiit keet age tugul eng' ng'wony ne karaaran eng' keeret ak ne myee eng' ameet. Ki mi eng' kwenutap mbareet keetit ne po saboondo ak keetit ne po naet ne kinae ne myee ak ne ya.

TAUNET 3:21

Ak kinapchi `Kamuktaindet ne po Toroornatet Adam ak kwondonyi ngoroik, ak kolaakyi.

TAUNET 3:23

ko ki imaanda `Kamuktaindet ne po Toroornatet ineendet eng' mbareetap Eden, si kobiit kobat ng'wony ole ki kinemune.

TAUNET 3:5

Amu ingen Kamuktaindet kole eng' peetuut ne koam che po keetoto, koyatagisyei konyekwok, ak ogergeitu ak Kamuktaindet, onai ne myee ak ne ya.”

TIENWOGIKAL 22:26

Amisyei che talaen ak kobiyong'so; ilasu Kamuktaindet ne Toroor che cheeng'ei ineendet. Ingosapcho mugulelwekwok koigeny!

KALEWANAIK 3:18

Ineendet ko keetitap saboondo eng' icheek che namei, ak paibai age tugul ne namegei ak ineendet.

JEREMIA 22:23

Ee inyee ne imenye Lebanon, ne iteeche kesweng'ung' eng' taragonik, iegu chii ne kiriirchin miising' ye kabwonjin ng'waninwek, ng'wanindo ne uu ne po kwondo ne machei kosigiis!

NG'ANG'UTYET 2:7

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

NG'ANG'UTYET 22:14

Poiboen icheek che mwetei ngoroikwak, si kobiit komuuch kosich chamjinet koit ole mi keetitap saboondo ak kobun kurgotik kobendi nganaseet oriit.

NG'ANG'UTYET 22:2

eng' kwenutap oriitinnyi. Ak ki mi keetitap saboon ainonooto, komosi ak komosi, ne yiei logoek taman ak aeng' che teerchiin, ak koyiei logoekyik eng' arawet age tugul: ak kisoobi pororyosyek eng' sogegap keetoto.