TAUNET 3:16 - BUKUIT NE TILIIL Sireet ne Dutero Kanon

¹⁶ Koleenji anyun `Kamuktaindet kwondo, “Atesun miising' nyaliildang'ung' eng' sigisyeng'ung', isiche lagok eng' ng'wanindo. Inyali manong'otyong'ung' eng' mageng'ung' ak koboun.”

Bukuit Ne Tilil

¹⁶ Koleenji anyun `Kamuktaindet kwondo, “Atesun miising' nyaliildang'ung' eng' sigisyeng'ung', isiche lagok eng' ng'wanindo. Inyali manong'otyong'ung' eng' mageng'ung' ak koboun.”

BUKUIT NE TILIL

¹⁶ Kolenji kwondo anyun, Atesun mising’ nyalildang’ung’ eng’ manageng’ung’; isiche lagok eng’ ng’wanindo; ak inyali manong’otiondeng’ung’ eng’ mageng’ung’, ak koboun.

TAUNET 3:16 Referencias Cruzadas

TAUNET 4:7

Ngot iyai ne myee, ko tos ma kitaachin? Ago ngo meyai ne myee, ko ruei tengekto eng' kurgat, tokyiningei magennyi, ago magaat anyun ibou.”

1 ATEPTAP PEETUUSYEK 4:9

Kigonyitot Jabes kosiir tupchosyekyik. Kiguure kamennyi ineendet Jabes, kole, “Amu ki asich ineendet eng' arageneet.”

TIENWOGIKAL 48:6

Ki potanso eng' olooto; ki nyoor ng'wanindo ko uu kwondo ne machei kosigiis.

ISAIAH 13:8

ak kotoptobenso. Namei icheek ng'waninwek ak aragenosyek; nyooru ng'wanindo ko uu kwondo ne amei moet. Ak kokwong'ee `age age; ak koigei togoochikwak togoochigap liplibenetap maat.

ISAIAH 21:3

Kanyi anyun arageneet suennyu; kanama ng'waninwek, ko uu ng'waninwegap kwondo ne machei kosigiis. Ama kot koma muuchi agasta, Aarageni kot koma muuchi ageerto.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

JEREMIA 13:21

Tos mwaei nee ye tuun inde ineendet choronoguk koboun, ak ko inyee ne ki ineeti icheek? Tos manamin ng'waninwek, ko uu kwondo ne machei kosigiis?

JEREMIA 22:23

Ee inyee ne imenye Lebanon, ne iteeche kesweng'ung' eng' taragonik, iegu chii ne kiriirchin miising' ye kabwonjin ng'waninwek, ng'wanindo ne uu ne po kwondo ne machei kosigiis!

JEREMIA 4:31

Amu ki agas waagaat ne uu ne po kwondo ne machei kosich taaitanyi, kutitap cheptap Zion ne isyenyi, ne iitoi eunekyik ak komwaei koleen, pwo eng' anee! Amu tanui saboondanyu eng' taitap rumiik.

JEREMIA 49:24

Kogonyalul Damasko, kawelelgei komwei, kanam ineendet potanet: kanam ineendet pichiindo ak aragenosyek, ko uu kwondo ye machei kosigiis.

JEREMIA 6:24

Kigegas kalasunennywa, ak kanyalulso eunekyok. Kanamech pichiindo ak ng'waninwek, che uu che po kwondo ne machei kosigiis.

KAITOSYEK 30:13

Imuuchi kogimit manong'otyot anan koyai koek puch kaarortaet age tugul anan kayasyoet age tugul ne ratisyei ne inyalili saboondo.

JOHANA 16:21

Arageni tamonet ye machei kosigiis, amu kait sainnyi; ago ye kagosich lakweet, koma kobwaati ng'wanindo kogeny, eng' poiboiyet amu kagesikyi chii ng'wony.

1 KORINTOEK 11:3

Ago amache onai, ole metitap muren age tugul ko Kristo; ak metitap kobogoryot ko muren; ak metitap Kristo ko Kamuktaindet.

1 KORINTOEK 14:34

ingosiisyo kobogorisyek eng' kanisosyek: amu ma ki chamjin icheeget kong'alaal; ago ingogas iit, ko uu ye mwaei ng'atuutik.

1 KORINTOEK 7:4

Ma tinyei osotyot ineegei kamugo eng' poortanyi, ago manong'otyot: ak ko uu nooto agine manong'otyot, ma tinyei kamugo eng' poortanyi, ago osotyot.

KOLOSAIK 3:18

Osotichu, ogas iit manong'otaikwok, ko uu ye nyolu eng' Kiptaiyat.

1 THESSALONIKEK 5:3

Ye mwaei icheek koleen, Kaalyeet ak chametapkei, koche anyun icheek ng'emisyet, ko uu ye ityin ng'wanindo kobogoryot ne machei kosigiis; ago ma koi chililso.

1 TIMOTEO 2:13

Amu ki kiyai Adam korook, si keyae Hawa;

1 TIMOTEO 2:15

ago kisaru eng' sigisyet, ngo tebyei icheek eng' kayaneet ak chamyet ak katabaanet kobooto riibetapkei.

TITO 2:5

koek che pou kabwaatutikwak, che tiliileen, che poisyei eng' kooriikwak, che talaen, che kase iit manong'otaikwak, si ma kimwaitae ng'olyootap Kamuktaindet kiy ne ya: