TAUNET 27:28 - BUKUIT NE TILIIL Sireet ne Dutero Kanon

²⁸ Ingogoonin Kamuktaindet rewootap kipsengwet, ak akwaiyetap ng'wony, ak chaang'indap peek ak divaik.

Bukuit Ne Tilil

²⁸ Ingogoonin Kamuktaindet rewootap kipsengwet, ak akwaiyetap ng'wony, ak chaang'indap peek ak divaik.

BUKUIT NE TILIL

²⁸ Ingogonin Kamuktaindet rewotab kipsengwet, Ak akwaiyetab ng’ony, Ak chang’indab bek ak divaik:

TAUNET 27:28 Referencias Cruzadas

TAUNET 27:37

Kowolji `Isak Esau koleenji, “Kaayai ineendet koek kiptaiyandeng'ung', kaagoochi tupchosyekyik tugul koek otwogikyik ak kaagimiit ineendet eng' peek ak divaik. Ara, tos ta ayaun nee anyun oo weeriinnyu?”

TAUNET 27:39

Ki wolji `Isak kwandanyi ineendet koleenji, “Keero, looitu meng'ooteng'ung' eng' akwaiyetap ng'wony, ak eng' rewootap kipsengwet ne punu parak.

TAUNET 45:18

Omutu kwandang'wong' ak piigap kooriikwok, ak obwa ole ami, si agoonok tuguuk che myach che po emetap Misiri, ak oam akwaiyetap emet.’

TAUNET 49:20

Ruryotin amitwogik che tuun punu Asher, ak tuun koonu tuguuk che iboiboi laitorinik.

TAUNET 49:25

agot eng' Kamuktaindet ne po kwandang'ung', ne tuun toretin, eng' Kamuktaindet Ne po Kamuktaet ne tuun iberuurin, eng' perurwogik che po parak kipsengwet, ak perurwogik che mitune rireet, perurwogik che po kinaik, ak che po iyoteet.

2 SAMUEL 1:21

Okweek tuloonoogap Gilboa, Mat kobiitunenak rewoot anan ropta anan mbareenik che mbareenigap kagoochinoik: Amu ki kiwiirta eng' teweernateet long'eetap ineendet ne kiim eng' olooto, Long'eetap Saulo, ne ma koilaat eng' mwaita.

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

1 LAITORINIK 5:11

Ki igoochi `Solomon Hiram keruutik eliphuusyek tiptem che po nganuuk koek amitwogigap koonnyi, ak keruutik tiptem che po mwanik che tiliileen. Ki igoochi anyun `Solomon Hiram ko uu nooto kenyiit age tugul.

2 ATEPTAP PEETUUSYEK 2:10

Agoochini otwogiguk piik che ebei keetiik, nganuuk che kigetui, tanisyek pogol aeng' che po nganuuk che ki kibor, tanisyek pogol aeng' che po baale, ak divaik che yamegei ak litaisyek eliphuusyek pogol ang'wan, ak mwanik che yamegei ak litaisyek eliphuusyek pogol ang'wan.”

TIENWOGIKAL 104:15

ak divaik che iboiboi muguleldap chiito, ak mwaita ne itilyali togeennyi, ak amitwogik che igimiti muguleldap chii.

TIENWOGIKAL 133:3

Uu rewootap Hermon, che choorchingei tuloonoogap Zion. Amu olooto ole king'ate Kamuktaindet ne Toroor kaberuret, agot saboondap koigeny.

TIENWOGIKAL 36:8

Piyong'dos eng' akwaiyetap koong'ung'; ak igoochini koee che po aineetap poiboindang'ung'.

KALEWANAIK 19:12

Uu nereegegap laitoryat porisenetap ng'etuny; ago uu myeeindonyi rewoot ne mi susweek.

KALEWANAIK 3:20

Kipcheak rirosyek eng' naennyi, ak isaau poolik rewoot.

ISAIAH 45:8

Osau, okweek kipsengwet, ak ingorong' poolik imanda: ingoyaatak emet, si kobiit koip poolik yetunet, ak ingogoochi imanda kobiityo tugul; anee Kamuktaindet ne Toroor ne ki ayae nooto.

JEREMIA 14:22

Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

JOEL 2:19

Ak ki wolji `Kamuktaindet ne Toroor piikyik koleenji, ogeero, ayookwok peek ak divaik ak mwanik, ak obiyong'se eng' chooto: amayaok kogeny oegu che kichotei eng' pororyosyek:

MIKAH 5:7

Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

SEKARIA 8:12

Amu tuun piitu keswootap kaalyeet; tuun yiei keetitap sabibuk, ak koruryo tuguuk eng' emet, ak kogoon kipsengwet rewoot; ak agoochi piik che ki ng'et eng' pichu konam tuguuchu tugul koek porotennywa.

SEKARIA 9:17

Amu oo ne tya myeeindonyi ak korooronindonyi! Igoochin `peek murenik koneryo, ak kogoochin `divaik che leelach tiibiik koneryo.

KAITOSYEK 13:20

Ogeer kogeny kiit ne uu emet, ngo akwai anan ngo kemgem, ak ngo mi keetiik anan ngo ma mi. Onyiganitu anyun ak oibu logoegap emonooto.” Eng' peetuusyechooto, ko ki neegit koruryo sabibuk che po tai.

KAITOSYEK 18:12

“Kaagoonin tongoanikwak tugul che kigoochin Kamuktaindet ne Toroor, tugul che myachen che po mwanik, divaik tugul che korooron che po kesisyetap sabibuk, ak che po peek che myachen.

ROMANIK 11:17

Ago ngot ko ki kiiri mooriik alak, ak inyee ne ii mseitunitap timiin, ko ki kinamnyenen icheek eng' kwenunnywa, ak ki oyamde kobooto icheeget ne po tigityot ak akwaiyetap mseituni;

NG'ATUTIK 32:2

Rong'ugei kaneetisyennyu ko uu ropta, ak kosoi ng'aleekyuk ko uu rewoot, ko uu ropta ne inesyin susweek che ng'orng'or, ak ko uu ropta ne robonjin susweegap timiin:

NG'ATUTIK 33:13

Ak ki le agobo Joseph, “Iberuurot eng' Kamuktaindet ne Toroor emennyi; Amu tuguuk che korooron kot che po roptap kipsengwet, ak amu rewoot ak rireet ne mi kurere.

NG'ATUTIK 33:28

Meng'iisyei anyun Israel eng' kaalyeet, Kondap peek ne po Jakobo ineegei. Eng' emet ne po peek ak divaik. Ee, isau kipsengwetisyekyik rewoot.

NG'ATUTIK 7:13

Chamin, iberuurin ak kotesin ochaang'e. Iberuuri iyoteng'ung', ruroteetap emeng'ung', peeguk, peegap logoeguk, mwaniguk, ak kaberuretap tuuga ak che po keechiireguk eng' emet ne ki iyasyechi kwanisyeguk kole koonin.

HEBRANIK 11:20

Ki iberuur Isak eng' kayaneet Jakobo ak Esau, agot eng' tuguuk che pwoonei.

JOSHUA 5:6

Ki pendat piigap Israel kenyiisyek artam eng' surkwen kot kobek pororyet tugul. Ki pek murenigap lugeet che ki mang'une Misiri amu ma kas iit kutitap Kamuktaindet ne Toroor. Kiga koyasyechi `Kamuktaindet ne Toroor icheek kole ma chamjin kogeer emet ne kiga koyasyechi kogoochi kwanisyekwak, emet ne nyiitaat cheego ak komi kumyat eng' chaang'indo.