TAUNET 26:24 - BUKUIT NE TILIIL Sireet ne Dutero Kanon

²⁴ Ak ki mong'ji Kamuktaindet ne Toroor kemounooto ak koleenji, “Aa Kamuktaindet ne po kwandang'ung' Abraham. Meiywei amu ami kobooten, aberuurin ak abaroi iyoteng'ung' amu otwogindennyu Abraham.”

Bukuit Ne Tilil

²⁴ Ak ki mong'ji Kamuktaindet ne Toroor kemounooto ak koleenji, “Aa Kamuktaindet ne po kwandang'ung' Abraham. Meiywei amu ami kobooten, aberuurin ak abaroi iyoteng'ung' amu otwogindennyu Abraham.”

BUKUIT NE TILIL

²⁴ Ak kimong’ji Jehovah kemounoto ak kolenji, A Kamuktaindet ne bo kwandang’ung’ Abraham: ameiywei, amu ami koboten, ak aberurin, ak abaroi iyoteng’ung’ amu otwogindennyu Abraham.

TAUNET 26:24 Referencias Cruzadas

TAUNET 13:16

Ayae lagoguk kochang'a ko uu temburyek che po ng'wony, si ngot komugaksei koiit chii temburyek, ko kaagaa iitoksei lagoguk ak icheek.

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

TAUNET 17:7

Ak agimiiti kayomisennyu anee ak inyee, ak iyoteng'ung' ne piitu let ak ibinwekwak tugul, si koek kayomiset ne wendi agoi koigeny, ak aegu Kamuktaindet eng' inyee ak iyoteng'ung'.

TAUNET 17:8

Agoonin inyee ak lagoguk che piitu let emoni tugul po Kanaan, ni oo kiprutoin koek neng'wong' koigeny, ak aegu Kamuktaindennywa.”

TAUNET 21:17

Ki kas Kamuktaindet koriirei weerooto ak kiguur malaikaiyatap Kamuktaindet ne mi kipsengwet Hagar, koleenji, “Amin nee, Hagar? Meiywei amu kagogas Kamuktaindet kutitap lakweet eng' ole mi.

TAUNET 22:17

Eng' kaberuret aberuurin, ak eng' kayabet ayabi iyoteng'ung' kobarait kotenit kecheik che po kipsengwet, ak kotenit ng'aniek che po ngeguutap nyanjet. Tuun nyabani lagoguk kurgeetap puunikwak;

TAUNET 22:19

Ak ki weigei anyun Abraham kwo ole mi murenjugachiget, ak ki ng'eetyo koba tugul agoi Beer-sheba, ak ki meny Abraham olooto.

TAUNET 24:12

Ak ki le, “Ee Kamuktaindet ne po Toroornatet, ne po kiptaiyandennyu Abraham, asaain ale iberuuro rani ak iyachi ne myee Abraham kiptaiyandennyu.

TAUNET 28:13

Ki tonon Kamuktaindet ne Toroor eng' ye neegitee ineendet ak kole, “Aa Kamuktaindet ne Toroor, Kamuktaindet ne po kwandang'ung' Abraham ak Kamuktaindetap Isak. Agoonin emoni imi, kobooto lagoguk.

TAUNET 28:15

Keero, ami kobooten, ak ariibootin eng' oldo tugul ole iwendi, ak tuun amutun inyoo emoni kogeny. Amu ma metoin agoi tuun ayai tugul che kaamwaun.”

TAUNET 28:3

Ingoberuurin Kamuktaindet Ne po Kamuktaet, ak koberuurin eng' iyoteet ak kobarain, si kobiit iegu tuiyetap piik che chaang'.

TAUNET 30:27

Koleenji Laban, “Ngo ki anyooru myeeindo eng' taing'ung', ki ageer komyee ale ki koberuura Kamuktaindet ne Toroor agobo inyee,

TAUNET 31:5

ak ipkoleenji, “Ageere ale ma ko uu togeetap kwandang'wong' atkinye tai, ago kigotebi Kamuktaindet ne po abba kobooto.

TAUNET 39:2

Ki mi Kamuktaindet ne Toroor kobooto Joseph, ak ki ek chiito ne iberuurot, komi kootap kiptaiyandennyi Misirindet.

TAUNET 39:3

Ki keer kiptaiyandennyi kole, mi Kamuktaindet ne Toroor kobooto ineendet ak ki iberuur Kamuktaindet ne Toroor tuguuk tugul che kiyaei.

TAUNET 46:1

Ki nam panda anyun Israel kobooto tugul che ki tinyei, ak ye kingo it Beer-sheba kogoochi tiseiywot Kamuktaindet ne po kwandanyi Isak.

1 LAITORINIK 17:13

Ki leenji `Elijah ineendet, “Meiywei. Ui ak iyai ko uu ye kaimwa. Ago kwang'wa korook magatyat kitigin ak iibwa komong', yeityo okwang'jigei ak weeriing'ung'.

KOMONG'U 14:13

Ago ki wolji `Musa piik koleenji, “Amoiywei, ogany kityo si ogeer yetunetap Kamuktaindet ne Toroor ne yaiywok rani. Amu ma ogeere kogeny misirichu ogeere rani.

KOMONG'U 3:6

Ak ki leenji, “Aa Kamuktaindet ne po kwandang'ung', aa Kamuktaindetap Abraham, aa Kamuktaindetap Isak, aa Kamuktaindetap Jakobo.” Ki uny Musa togeennyi, amu ki iywei kogeer Kamuktaindet.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 44:2

Mwaei Kamuktaindet ne Toroor ne kiyain, ne kimimiin eng' moet, ne toretin, kole, meiywei, ee otwogindennyu Jakobo; ak inyee Jesurun, ne ki alewen.

ISAIAH 51:12

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot;

ISAIAH 51:7

Oepcha iit, okweek che ongen imanda, piik che mi ng'atuutyennyu mugulelwekwak: amoiywei chotisyetap piik, amoaragense amu churisyosyekwak.

RIREKAB JEREMIA 3:57

Ki iriigu eng' peetuut ne ki aguurin: ki imwa ile, “Meiywei!”

ATEPTAP LAWIK 26:42

abwaat anyun kayomisennyu ne ki ayomisyi Jakobo; kayomisennyu agine ne kayomisyi Isak ak abwaat agine kayomisennyu ne ki ayomisyi Abraham, ak abwaat emet.

ATEPTAP LAWIK 26:45

Ago abwaati amu icheek kayomiset ne ki ayomisyi poisyekwak che ki among'u eng' emetap Misiri kogeeronu pororyosyek, si aek Kamuktaindennywa. Aa Kamuktaindet ne Toroor.”

MATAYO 22:32

‘Aa Kamuktaindet ne po Abraham, ne po Kamuktaindet Isak ak Kamuktaindet ne po Jakobo?’ Ineendet ko Kamuktaindet ma ne po che ki kobek, ago che saptos.”

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

POISYONIGAP CHE KIYOKTOI 7:32

‘Aa Kamuktaindet ne po kwanisyeguk, Kamuktaindet ne po Abraham, ak ne po Isak, ak ne po Jakobo.’ Kobotan Musa ak ko mata kogany kogeer.

NG'ATUTIK 13:17

Amenam eng' eung'ung' kiy age tugul ne kigeisto, si koweek Kamuktaindet ne Toroor kobagaach nereegekyik che koroomen ak korirenen, kochamin ak kobarain, ko uu ye ki koyasyechi kwanisyeguk.

NG'ATUTIK 31:6

Ogimegitu, onyiganitu, amoiywei anan oaragense amu icheek. Amu wendi Kamuktaindet ne Toroor Kamuktaindeng'ung' kobooten ago ma metoin ineendet ama pagaaktoin.”

HEBRANIK 11:16

Ago machei kot nguno emet ne karaaran kosiir nooto, nooto ko, ne po kipsengwet: nooto anyun ma keerei Kamuktaindet kalilanet agobo icheek keguure Kamuktaindet nenywa: amu Ki kochopchi icheek nganaseet.

HEBRANIK 13:6

Nooto anyun kimwae eng' nyiganateet ne myee keele, Toretindennyu Kiptaiyat; maiyweisyei: Yaiywo nee chii?

NG'ANG'UTYET 1:17

Kinga keer ineendet, abutyi keelyekyik ko uu chiito ne kagome. Ago ki igonoora eunnyi ne po tai, ak kole, “Meiywei! Aneendet ko aa ne po tai ak ne po let.

RUTH 3:11

Nooto anyun cheptonyu, meiywei; ayaun tugul chooto kemwa, amu ingen nganaseet tugul ne po piikyuk kole, ii kwondo ne tinyei atebeet ne nyolunot.