TAUNET 24:3 - BUKUIT NE TILIIL Sireet ne Dutero Kanon

³ amache iyasye eng' Kamuktaindet ne Toroor, Kamuktaindet ne po kipsengwet ak ng'wony, ale ametunji weeriinnyu chepto ne po Kanaanik che amenye kwenunnywa.

Bukuit Ne Tilil

³ amache iyasye eng' Kamuktaindet ne Toroor, Kamuktaindet ne po kipsengwet ak ng'wony, ale ametunji weeriinnyu chepto ne po Kanaanik che amenye kwenunnywa.

BUKUIT NE TILIL

³ amache iyosie eng’ Jehovah, Kamuktaindet ne bo kipsengwetisiek, Kamuktaindet ne bo ng’ony, ale ametunji werinnyu chepto ne bo Kananik che amenye kwenunywa:

TAUNET 24:3 Referencias Cruzadas

TAUNET 14:19

Ak ki iberuur Abram kole, “Iberuuroge Abram eng' Kamuktaindet Ne Toroor Miising' ne ki yai parak kipsengwet ak ng'wony!

TAUNET 14:22

Ki wolji `Abram laitoryatap Sodom koleenji, “Kaaitoochi eunnyu Kamuktaindet ne Toroor, Ineendet Ne Toroor Miising', ne ki yai parak kipsengwet ak ng'wony,

TAUNET 21:23

Iyosyeiwo anyun nguno eng' Kamuktaindet si metila let anan eng' weeriinnyu anan eng' mochogoronikyuk, ago ko uu rireenet ne ki ayaun, iyaiywo aginye ko uu nooto, agot eng' emet ole kigeegune too.”

TAUNET 24:7

Kamuktaindet ne Toroor, Kamuktaindet ne po kipsengwet, ineendet ne ki imoong'wa eng' kootap abba ak eng' emet ne ki kisikyino, ineendet ne ki ng'alaalwo ak koyasyeiwo, kole, ‘Agoochini lagoguk emoni’; ko iyooktoi `ineendet malaikaiyandennyi kondoun, si imutyi weeriinnyu kwondo eng' oliindo.

TAUNET 27:46

Koleenji anyun `Rebeka Isak, “Ageere kaimetapkei peetuusyechu amu tiibiigap Het. Ngot kotun Jakobo chepto eng' tiibiigap Het che uu tipchu po emoni, kotilei nee saboondanyu?”

TAUNET 28:1

Ki kuur anyun `Isak Jakobo konyo koberuur ineendet ak kotigon koleenji, “Ametun cheptap Kanaan.

TAUNET 28:8

Ye kingo keer Esau kole, ma iboiboi kwandanyi Isak tiibiigap Kanaan,

TAUNET 34:9

Myee keegu piik che kigoonegei. Ogoonech tiibiikwok ak otun chechook ak okweek.

TAUNET 38:2

Ki keer Judah eng' olooto cheptap kanaanindet age ne kiguure kainennyi Sua. Ki itun ak ki ituiyogei ak ineendet.

TAUNET 47:31

Ak ki le, “Iyosyeiwo.” Ak ki iyasyechi. Yeityo kong'uruuk Israel eng' itogunnyi meto.

TAUNET 50:25

Ak kimach `Joseph piigap Israel koyasyo kole, “Rutochinok iman Kamuktaindet, ak oip kawekyuk kotogosta koba eng' oli.”

TAUNET 6:2

kogeer anyun `weeriigap Kamuktaindet tiibiichooto po piik kole korooron, komutyigei tugul che ki lewen koek kwonyiikwak.

TAUNET 6:4

Ki miitei Piik che eecheen che uu chemosin ng'wony eng' peetuusyechooto, ye kingo tuiyogei weeriigap Kamuktaindet ak tiibiigap piik ak kosikyi icheek lagok. Lagochooto anyun ko ki ek piik che ki nyigoonen ko po keny, ak ki murenik che ki taagunotiin.

2 LAITORINIK 19:15

Ak ki sa Hezekiah eng' taitap Kamuktaindet ne Toroor kole, “Ee Kamuktaindet ne Toroor, Kamuktaindetap Israel, ne tebee kerubisyek, ii Kamuktaindet ne Toroor inyee inyegei, ne po laitornatosyek tugul che po ng'wony. Ki iyai kipsengwet ak ng'wony.

2 ATEPTAP PEETUUSYEK 2:12

Iberuurot Kamuktaindet ne Toroor, Kamuktaindetap Israel, ne ki yai kipsengwet ak ng'wony! Ne Ki kogoochi Laitoryat Daudi weeriit ne ng'oom, ne ki kigoochi kaguiyet ak naet, si kobiit koteekyi koot Kamuktaindet ne Toroor ak koot ne po pounatennyi.

EZRAH 5:11

Ak kiwolwech anyun, kole, “Ki otwogigap Kamuktaindetap kipsengwet ak ng'wony, ak kiteeche kogeny koot ne kiga keteech eng' kenyisyechu chaang' ki kosiirto ne kiteechei laitoryat ne oo ne po Israel ak kogees.

NEEMIA 13:25

Ki ager kong' icheek ak achup, abir alak eng' icheek ak ang'ei sumekwak, yeityo abirchi icheek koyasyo eng' Kamuktaindet aleenji, “Amat ogoochi tiibiikwok weeriikwak anan otunji weeriikwok tiibiikwak anan otun okweeget.

NEEMIA 9:6

Ii Kamuktaindet ne Toroor, inyee inyegei; ki iyai kipsengwet, kipsengwet ne po kipsengwet kobooto tuguukwak tugul, ng'wony ak tuguuk tugul che mi olooto, nyanjosyek ak tuguuk tugul che miitei, ak iriibe tuguuchooto tugul ak kolasun lugeet tugul ne po kipsengwet.

TIENWOGIKAL 115:15

Oberuurotin eng' Kamuktaindet ne Toroor, ne ki yai kipsengwet ak ng'wony.

TIENWOGIKAL 136:26

Ee oweekyi kongoi Kamuktaindetap kipsengwet, amu tebyei rireenennyi koigeny.

KOMONG'U 20:7

Amemwa kainetap Kamuktaindet ne Toroor Kamuktaindeng'ung' eng' tangoi. Amu iityin Kamuktaindet ne Toroor ng'oogisto ne mwaei kainennyi eng' tangoi.

KOMONG'U 22:11

kotebee kayosyetap Kamuktaindet ne Toroor kwenutap pichooto tuwai, si koboor iman kole ma choor tuguugap chiitap kokwennyi; ak koyan agine chiitap ko po, ak ma kigeeri kiy.

KOMONG'U 23:13

Riip tuguuk tugul che kaamwaun. Amat imwa kainaigap kamuktaik, amat kegasyi kutinng'ung'.

KOMONG'U 34:16

Ak ye itunji weeriiguk tiibiikwak, ko tiibiikwak chooto ibegei ak kanamonikwak, kochuuti iman weeriikwok koosup kanamonikwak.”

ISAIAH 45:23

Ki ayosyechigei, kagomang'une ng'olyoot kutinnyu eng' imanda, ama weechegei, ale, kutung'jino kutundo age tugul, iyastos ng'elyepta age tugul.

ISAIAH 48:1

Ogas ni anyun, okweek, ee kootap Jakobo, che kimwaitoenok kainetap Israel, che ki obiitune peegap Judah; che oyostosi eng' kainetap Kamuktaindet ne Toroor, ak omwae Kamuktaindetap Israel, ago ma eng' iman, anan ko eng' imanda.

ISAIAH 65:16

si koek ne iberuuregei eng' ng'wony ne iberuuregei eng' Kamuktaindet ne po iman, ak koek ne iyastos eng' ng'wony ne iyastos eng' Kamuktaindet ne po iman; amu kigeutye nyalilwogik che po tai, amu kigeuny si ma ageere.

JEREMIA 10:11

Mwachi anyun icheek ko uu ni ileenji, “Petos eng' ng'wony ak eng' kurereetap kipsengwet kamuktaik che ki ma koyaei kipsengwet ak ng'wony.

JEREMIA 12:16

Ak ngot koneetkei ko ki iljigei ooreetap piikyuk, ak koyasyo eng' kainennyu kole, “Ko uu ye sabei Kamuktaindet ne Toroor ak ko uu ye ki ineet piikyuk koyasyo eng' Baal, keteechei anyun icheek eng' kwenutap piikyuk.

JEREMIA 29:6

Otunisye, si osich weeriik ak tiibiik; ak otunisyechi weeriikwok, ak ogoite tiibiikwok, si kosich weeriik ak tiibiik; ak otesage eng' olooto, among'ering'itu.

JEREMIA 4:2

ak ngot iyasye ko uu ni ile, ‘Ko uu ye sabei Kamuktaindet ne Toroor,’ eng' imanit, eng' kirwooget ak lititindo, konyooru kaberuret pororyosyek eng' aneendet ak kolasunenogei.”

ATEPTAP LAWIK 19:12

Amoyosyechigei eng' kainennyu eng' lembech, agoi ireeny kainetap Kamuktaindeng'ung'. Aa Kamuktaindet ne Toroor.

SEPANIA 1:5

ak icheek che ilasu tuguuk tugul che po kipsengwet, eng' kooriik parak; kobooto icheeget che ilasu, che iyasyechin Kamuktaindet ne Toroor, ak koyastos eng' kainetap Malkam;

KAITOSYEK 5:21

ko ngo mwachi anyun tisiindet kwonyooto koyasyo kayasyoet ne po chubisyet, ak koleenji tisiindet ineendet, Ingoyain Kamuktaindet ne Toroor iegu ne chuboot ak ne iteweerat eng' piiguk ye yaei ineendet konun ak kosoonen moeng'ung'.

1 KORINTOEK 7:39

Ratat osotyot kota kosabei manong'otyondennyi: ago ngo me manong'otyot, kotyagat ineendet kotun chiito ne kacham mosoganooto: eng' Kiptaiyat kityo.

NG'ATUTIK 10:20

Iywei anyun Kamuktaindet ne Toroor Kamuktaindeng'ung' ak iboisyechi ineendet. Onamgei ak ineendet ak iyasye eng' kainennyi.

NG'ATUTIK 6:13

Iywei Kamuktaindet ne Toroor Kamuktaindeng'ung', oot ineendet ak iyasye eng' kainennyi.

HEBRANIK 6:16

Amu iyastos piik agobo ne oo: ak kayasyoet ko kagimiitet ne igeesu tiiyennywa age tugul.

JOSHUA 2:12

Asaok nguno ale, oyosyeiwo eng' Kamuktaindet ne Toroor, ko uu ye kayaiywok ne myee ko tuun oyachi ne myee ak okweek kootap abba. Ogoono kaboorunet ne po iman,

KIRUOGIK 14:3

Ki leenji `kwandanyi ak `kamennyi ineendet, “Tos ma mi chepto eng' tiibiigap tupchosyeguk, anan ko eng' piikyok tugul, kot iwe itun ne po Philistiik che ma kimuratan?” Ago ki leenji Samson kwandanyi, “Omutwaa, amu achame kot.”

1 SAMUEL 20:17

Ki iyasyechi `Jonathan Daudi ne po aeng', amu chamyet ne oo ne kiting'e ineendet, amu ki chamei ineendet ko uu ye ki chamei saboondanyi.

1 SAMUEL 30:15

koteebee `Daudi ineendet koleenji, “Tos ichame imuta ole mi lugonooto?” Kowol kole, “Iyosyeiwo eng' Kamuktaindet ile mebara anan indea eunegap kiptaiyandennyu, si amutin ole mi lugonooto.”