TAUNET 22:2 - BUKUIT NE TILIIL Sireet ne Dutero Kanon

² Koleenji, “Imut weeriing'ung', nooto ne ineegei, ne ichame, Isak, ak iwe agoi emetap Moriah, si igoite eng' olooto koek kagoochinet ne kibeelei eng' tulweet age ne tuun amwaun.”

Bukuit Ne Tilil

² Koleenji, “Imut weeriing'ung', nooto ne ineegei, ne ichame, Isak, ak iwe agoi emetap Moriah, si igoite eng' olooto koek kagoochinet ne kibeelei eng' tulweet age ne tuun amwaun.”

BUKUIT NE TILIL

² Kolenji, Imut wering’ung’, noto ne inegei, ne ichame, Isak, ui agoi emetab Moria; si igoite eng’ oloto koek kagochinet ne kibeelei eng’ tulwet age ne tun amwaun.

TAUNET 22:2 Referencias Cruzadas

TAUNET 17:19

Ak ki wolji Kamuktaindet koleenji, “Achicha, siguun iman Sarah kaing'ung' weeriit, ak tuun iguure kainennyi Isak. Ayae kayomisennyu kobooto ineendet ak iyotennyi, si koek kayomiset ne wendi agoi koigeny.

TAUNET 21:12

Ago ki mwachi `Kamuktaindet Abraham koleenji, “Amegeer ko ya ng'olyoondoni eng' inyee amu weeri, ak amu chebyosoning'ung' otwogin. Kas ng'aleegap Sarah eng' tuguuchooto tugul kamwaun, amu punu Isak ooreetap iyoteng'ung'.

TAUNET 21:3

Ki kuure `Abraham weeriinnyi ne ki sikyin Sarah, Isak.

TAUNET 22:12

Koleenji, “Ametwaa lakweet, ameyachi kiy tugul, amu kaanai nguno ale igonyiti Kamuktaindet, amu ma ieteno weeriing'ung', ne weeriing'ung' ne ineegei.”

TAUNET 22:16

koleenji, “Kayosyechigei aneege, mwaei Kamuktaindet ne Toroor, amu keyai kii, ma ieteno weeriing'ung' ne ineegei.

TAUNET 22:3

Ara king'eet Abraham karon miising' komusta, ki iito kiit ne kitebee eng' sigiryennyi si kobiit kolaany, ak ki imut murenik aeng' eng' che ki tinyei, koba kobooto ineendet ak Isak weeriinnyi. Ki pet kweenik che po kagoochinet ne kibeelei, yeityo koba ole kiga koarorchi Kamuktaindet.

TAUNET 22:9

Ye kingo it koronooto ole kiga koarorchi Kamuktaindet, koteech Abraham kaptisisyet eng' olooto. Kitet kweenik, yeityo korat weeriinnyi Isak, ak konde ineendet kweenik parak eng' kaptisisyet.

TAUNET 8:20

Kiteekyi `Noah Kamuktaindet ne Toroor kaptisisyet, ak konam koip eng' tyony age tugul ne tiliil ak eng' toriit age tugul ne tiliil ak kogoito koek konunoik che kibeelei eng' kaptisiisyo.

2 LAITORINIK 3:27

Ki nam anyun taaitanyi ne kita tuun namei laitornatennyi kogeeri ineendet ak kogoito koek kagoochinet ne kibeelei eng' inaatut parak. Ki piit nereegek che eecheen agobo Israel; ak ki pa eng' ole mi ineendet, koweektagei emennywa.

2 ATEPTAP PEETUUSYEK 3:1

Ki toi anyun Solomon koteech kootap Kamuktaindet ne Toroor eng' Jerusalem eng' tulweetap Moriah, ole ki mong'jine Kamuktaindet ne Toroor kwandanyi Daudi, ki chop ineendet eng' ole ki ng'at Daudi, eng' rwanyut ne kiboorsee ne po Ornan Jebusindet.

MIKAH 6:7

Tos paibaitune Kamuktaindet ne Toroor mengichik eliphuusyek, anan ainoosyek eliphuusyek taman che po mwanik? Tos agoite taaitanyu agobo pistoennyu, agoite iyoteetap poortanyu agobo tengektap saboondanyu?

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

ROMANIK 5:8

Ago iboorwech acheek Kamuktaindet chamyennyi, amu ye kita ko ki kiptengeginik, kome Kristo agobo acheek.

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

HEBRANIK 11:17

Kingo kagetyem Abraham, kogoito Isak eng' kayaneet: ee, ki igoitoi nenyi ne ki kisich ineegei, ineendet ne kiga taach arorutik eng' poiboiyet;

KIRUOGIK 11:31

ko kiy age tugul ne torookwo eng' kurgennyu, ye tuun aweeksei eng' kaalyeet, abunu ole mi lagogap Ammon, kobunjin kiyooto Kamuktaindet ne Toroor, si agoito koek kagoochinet ne kibeelei.”

KIRUOGIK 11:39

Kingo keskei arawek aeng'u, koweektagei ole mi kwandanyi, ak ki yachi ineendet ko uu kaarortaennyi ne kiga koaror. Ak ki tomo kotuiyo ak muren. Ara ki ek niito piteet eng' Israel,