TAUNET 22:17 - BUKUIT NE TILIIL Sireet ne Dutero Kanon

¹⁷ Eng' kaberuret aberuurin, ak eng' kayabet ayabi iyoteng'ung' kobarait kotenit kecheik che po kipsengwet, ak kotenit ng'aniek che po ngeguutap nyanjet. Tuun nyabani lagoguk kurgeetap puunikwak;

Bukuit Ne Tilil

¹⁷ Eng' kaberuret aberuurin, ak eng' kayabet ayabi iyoteng'ung' kobarait kotenit kecheik che po kipsengwet, ak kotenit ng'aniek che po ngeguutap nyanjet. Tuun nyabani lagoguk kurgeetap puunikwak;

BUKUIT NE TILIL

¹⁷ Eng’ kaberuret aberurin, ak eng’ kayabet ayabi iyoteng’ung’ kobarait kotenit kecheik che bo kipsengwetisiek, ak kotenit ng’aniek che bo ngegutab nyanjet; ak tun nyoboni lagoguk kurgetab bunikwak;

TAUNET 22:17 Referencias Cruzadas

TAUNET 12:2

Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

TAUNET 13:16

Ayae lagoguk kochang'a ko uu temburyek che po ng'wony, si ngot komugaksei koiit chii temburyek, ko kaagaa iitoksei lagoguk ak icheek.

TAUNET 15:5

Ki imaanda ineendet kwo saang' ak koleenji, “Kaigai keero, inyal parak kipsengwet, ak iit kecheik ngot imuuchi.” Ak ki testai koleenji, “Tuun ko tenitu chooto lagoguk.”

TAUNET 17:6

Aberuurin eng' iyoteet miising', ak eng' inyee ayae pororyosyek, ak komong'unenen laitorinik.

TAUNET 24:60

Ak ki iberuur `icheek Rebeka, koleenji, “Ne kitupche, egu kametap eliphuusyek konyil eliphuusyek taman, ak konyaban lagoguk kurgotigap che wechei icheeget.”

TAUNET 25:11

Kingo kagobata kaliletap Abraham, ko ki iberuur `Kamuktaindet Isak weeriinnyi, ak ki meny Isak ole neegitee keriingetap peek ne kiguure Beer-lahari-roi.

TAUNET 26:24

Ak ki mong'ji Kamuktaindet ne Toroor kemounooto ak koleenji, “Aa Kamuktaindet ne po kwandang'ung' Abraham. Meiywei amu ami kobooten, aberuurin ak abaroi iyoteng'ung' amu otwogindennyu Abraham.”

TAUNET 26:4

Abaroi iyoteng'ung' ko uu kecheik che po kipsengwet, ak agoochini iyoteng'ung' emotinwechu tugul. Ak kiberuuri pororyosyek tugul che po ng'wony eng' iyoteng'ung';

TAUNET 28:3

Ingoberuurin Kamuktaindet Ne po Kamuktaet, ak koberuurin eng' iyoteet ak kobarain, si kobiit iegu tuiyetap piik che chaang'.

TAUNET 28:4

Ingogoonin perurto ne po Abraham, inyee ak lagoguk, si kobunjiin emoni iwendote ko ii kiprutoiyot, ne ki igoochi `Kamuktaindet Abraham”

TAUNET 32:12

Ago ki imwa ile, ‘Ayaun ne myee iman, ak ayae iyoteng'ung' kochang'a ko uu ng'aniegap nyanjet che ma iitoksei amu chaang'.’ ”

TAUNET 32:13

Ki ru yooto anyun lagatunooto, ak kochop kagoochinet eng' tuguukyik che ki tinyei si kogoochi ng'eetap kamet Esau.

2 SAMUEL 17:11

Ago arwoochi aleen, ingoyumjingei Israel tugul, kobooch Dan agoi Beer-sheba, kotenit ng'aniek che miitei ngeguutap araraita eng' chaang'indo, si iwe lugeet inyeendet.

1 LAITORINIK 4:20

Ki chaang' Judah ak Israel, ko uu ng'aniek che mi nyanjet eng' chaang'indo, ki amisyei icheek ak koeisei ak koboiboegei.

1 LAITORINIK 9:26

Ki yai Laitoryat Solomon melisyek che po lugeet eng' Esion-geber ye neegitee Elot, eng' ngeguutap Araraita ne Piriir, eng' emetap Edom.

1 ATEPTAP PEETUUSYEK 27:23

Ago ki ma iit Daudi che po kenyiisyek tiptem ak koba ng'wony, amu ki kamwa Kamuktaindet ne Toroor kole atese Israel kotenit kecheigap kipsengwet.

2 ATEPTAP PEETUUSYEK 1:9

Ara anyun, ee Kamuktaindet ne po Toroornatet, ingogimiit kayomiset ne ki iyomisyi kwandanyu Daudi, amu koiyaa aek laitoryat aboi piik che tee chaang'indo temburyek eng' ng'wony.

NEEMIA 9:23

Kogeny, ko ki ites lagokwak kotenit kecheigap kipsengwet ak imutu icheek kobwa emonooto kiga ileenji kwanisyekwak koba konam kobunji.

KOMONG'U 32:13

Ibwaat Abraham, Isak, ak Israel, otwogiguk che ki iyasyechi inyegei, ileenji, ‘Abaroi iyoteng'wong' kotenit kecheigap kipsengwet ak agoochini iyoteng'wong' emoni komugul ne ki amwaiwok ak kobunji icheek koigeny.’ ”

ISAIAH 48:19

Kita tenitu ng'aniek iyoteng'ung', ak koigei lagoguk che kisiche, chaang'indap ng'aniek: ki ma kota ki istoi kainennyi anan keng'em eng' tainnyu.

JEREMIA 32:22

ak igoochi emoni, ne ki iyasyechi kwanisyekwak ile igoochini icheek, emet ne nyiitaat cheego ak komi kumyat eng' chaang'indo;

JEREMIA 33:22

Ko uu ye ma kimuuchi kiit tuguuk che po kipsengwet, ama kimuuchi keger ng'aniegap nyanjet; atese anyun iyoteetap Daudi otwogindennyu, ak Lawiik, che poisyeiwo.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

HOSEA 2:1

Omwachi ng'eetap kametwagikwok oleenji “Piikyuk,” ak omwachi chepkametwagikwok oleenji, “Che ki kiriiree.”

MIKAH 1:9

Amu ma inyaaksei mookyik; amu kagonyo kot koit Judah; itei ormariichetap piikyuk, agoi Jerusalem.

ROMANIK 4:13

Amu ki ma kigoochi Abraham ak kesweekyik arorutyet eng' ooreet ne po Ng'atuutyet keele kobunji ng'wony, ago eng' imanda ne po kayaneet.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;

1 KORINTOEK 15:57

ago kigoochini Kamuktaindet kongoi, ne koonech kabelisyet eng' Kiptaiyandennyo Jeso Kristo.

EPESOEK 1:3

Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

NG'ATUTIK 1:10

Ki kotesaak `Kamuktaindet ne Toroor Kamuktaindeng'wong', ak oo sere rani ko uu kecheigap kipsengwet.

NG'ATUTIK 1:11

Ingotesaak `Kamuktaindet ne Toroor, Kamuktaindetap kwanisyekwok konyil eliphuut kosiir koiiteng'wong' ne po nguno ak ingoberuurook ko uu ye ki koarorwok!

NG'ATUTIK 10:22

Ki piik tamanwogik tisap kwanisyeguk ye kichoortogei kobendi Misiri, ago kagoyain Kamuktaindet ne Toroor Kamuktaindeng'ung' itenitu kecheigap parak soet eng' chaang'indo.”

NG'ATUTIK 13:17

Amenam eng' eung'ung' kiy age tugul ne kigeisto, si koweek Kamuktaindet ne Toroor kobagaach nereegekyik che koroomen ak korirenen, kochamin ak kobarain, ko uu ye ki koyasyechi kwanisyeguk.

NG'ATUTIK 13:18

Ye iepchi iit kutitap Kamuktaindet ne Toroor Kamuktaindeng'ung' ak iriip ng'atuutikyik tugul che kang'atiin rani, iyai nooto po iman eng' taitap Kamuktaindet ne Toroor Kamuktaindeng'ung'.

NG'ATUTIK 21:19

konam anyun kwandanyi ak kamennyi, ak komutyi poisyegap nganasennyi agoi ormariichetap oldanyi,

HEBRANIK 11:12

nooto anyun ki kisich eng' agenge, ne kiga koigei ne ki kome, piik che chaang', ko uu kecheigap kipsengwet ak ng'aniek che mi ngeguutap nyanjet, che ma iitoksei.

HEBRANIK 6:14

kole, “Eng' kaberuret aberuurin iman, ak eng' kayabet ayabin ibaraitu.”

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”