TAUNET 2:9 - BUKUIT NE TILIIL Sireet ne Dutero Kanon

⁹ Ak ki igoochi Kamuktaindet ne po Toroornatet kobiit keet age tugul eng' ng'wony ne karaaran eng' keeret ak ne myee eng' ameet. Ki mi eng' kwenutap mbareet keetit ne po saboondo ak keetit ne po naet ne kinae ne myee ak ne ya.

Bukuit Ne Tilil

⁹ Ak ki igoochi Kamuktaindet ne po Toroornatet kobiit keet age tugul eng' ng'wony ne karaaran eng' keeret ak ne myee eng' ameet. Ki mi eng' kwenutap mbareet keetit ne po saboondo ak keetit ne po naet ne kinae ne myee ak ne ya.

BUKUIT NE TILIL

⁹ Ak kiigochi Jehovah Kamuktaindet kobit ket age tugul eng’ ng’ony ne kararan eng’ keeret, ak ne mie eng’ amet; ak ketit ne bo sobondo eng’ kwenutab mbaret, ak ketit ne bo naet ne kinae ne mie ak ne ya.

TAUNET 2:9 Referencias Cruzadas

TAUNET 2:17

ago amat iam che po keetit ne po naet ne kinae ne myee ak ne ya. Amu eng' peetuut ne keam che po keetoto, imee ne matiny.”

TAUNET 3:22

Ak ki mwa `Kamuktaindet ne po Toroornatet kole, “Ogeero! Kagogergeit chiichi ak agenge eng' acheek, ne ingen ne myee ak ne ya.” Ko si mata koyogooito eunnyi kobut che po keetitap saboondo koam ak kosap koigeny,

TAUNET 3:24

Ki oon anyun chiichooto koomaanda ak konde Kerubik kotebee komostap kong'asiis ne po mbareetap Eden. Yeityo konde rootwetap chok ne ilyeli ne tokyingei komoswek tugul si koriip ooreet ne tokyingei keetitap saboondo.

TAUNET 3:3

ago ki mwa Kamuktaindet kole, ‘Amat oam logoek che po keetit ne mi kwenutap mbareet, amat otwaa, si mobegu.’ ”

TAUNET 3:5

Amu ingen Kamuktaindet kole eng' peetuut ne koam che po keetoto, koyatagisyei konyekwok, ak ogergeitu ak Kamuktaindet, onai ne myee ak ne ya.”

KALEWANAIK 11:30

Poisyonigap ne po iman ko keetitap saboondo; ago koroomnateet koolusi saboonwegap piik.

KALEWANAIK 3:18

Ineendet ko keetitap saboondo eng' icheek che namei, ak paibai age tugul ne namegei ak ineendet.

ISAIAH 44:25

Ne walei tartetap kiplembechonik koek puch, ak kogoochin che ng'oorsei koiiywenso; ne weechi piik che utaatiin koba let, ak koyaei naennywa koek perberyo:

ISAIAH 47:10

Amu ki imang'u sogornateng'ung'; ki ile, Ma mi chii ne keera; ki komaasin utaatyeng'ung' ak naeng'ung': ak ki imwa eng' muguleldang'ung' ile, Aneendet, ma mi age kobatena.

EZEKIEL 31:16

Ki agoochi pororyosyek kobotanso amu cheetap kabutennyi, ye kinga timde ineendet kwo ye mi che ki kobek kobooto icheeget che choorchingei keriinget: ak ki igaigaigei keetiik tugul che po Eden, keetiik che korooron ak ko myachen miising' che po Lebanon, icheek tugul che eei peek, ki igaigaigei eng' ng'wony oriit.

EZEKIEL 31:18

Ogerge ak ng'oo anyun eng' toroornatet ak etunateet eng' kwenutap keetiigap Eden? Nganda uu nooto kechoortoin kobooto keetiigap Eden iwe ng'wony oriit: irue kwenutap che ma kimuratan, kobooto icheeget che ki kibare rotwetap chok. Niito ko Pharaoh ak piikyik che chaang', mwaei Kiptaiyat Kamuktaindet ne Toroor.

EZEKIEL 47:12

Ak kobiit keetit age tugul ne ki amei eng' ngeguutap ainonooto, eng' komosi ak komosin, ne marestos sogekyik, ama petos logoekyik: ago yiei logoek eng' arawet age tugul, amu mang'une peekyik ole-tiliil: ak koek amitwogik logoekyik, ak ki anyinyisye sogekyik.

JOHANA 6:48

Aa magatyat ne po saboon.

1 KORINTOEK 8:1

Nguno anyun agobo tuguuk che kieng'jin kanamonik: kingen keele ki tinyei acheek tugul naet. Menei naet, ago teeksei chamyet.

NG'ATUTIK 6:25

Egu anyun imanda eng' acheek ngigiilgei keyai ng'atuutyoni tugul eng' taitap Kamuktaindet ne Toroor, Kamuktaindennyo ko uu ye king'atech.

NG'ANG'UTYET 2:7

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

NG'ANG'UTYET 22:14

Poiboen icheek che mwetei ngoroikwak, si kobiit komuuch kosich chamjinet koit ole mi keetitap saboondo ak kobun kurgotik kobendi nganaseet oriit.

NG'ANG'UTYET 22:2

eng' kwenutap oriitinnyi. Ak ki mi keetitap saboon ainonooto, komosi ak komosi, ne yiei logoek taman ak aeng' che teerchiin, ak koyiei logoekyik eng' arawet age tugul: ak kisoobi pororyosyek eng' sogegap keetoto.