TAUNET 19:16 - BUKUIT NE TILIIL Sireet ne Dutero Kanon

¹⁶ Ki igagei ineendet komanda; amu ki igagei, ko ki nam pichooto eunnyi, eutap kwondonyi ak eunegap tiibiikachik aeng' komaanda eng' nganaseet ak kobagaakta eng' saang' amu ki riiree Kamuktaindet ne Toroor.

Bukuit Ne Tilil

¹⁶ Ki igagei ineendet komanda; amu ki igagei, ko ki nam pichooto eunnyi, eutap kwondonyi ak eunegap tiibiikachik aeng' komaanda eng' nganaseet ak kobagaakta eng' saang' amu ki riiree Kamuktaindet ne Toroor.

BUKUIT NE TILIL

¹⁶ Ago kiigagei: ak konam bichoto eut, ak eutab osotiondennyi, ak eunekab tibikyik aeng’; amu kirire Jehovah inendet: ak kiimaanda eng’ nganaset, ak kobagakta eng’ sang’.

TAUNET 19:16 Referencias Cruzadas

TAUNET 19:15

Ki ichirchir `malaikaisyek Lot ko kerir emet koleenji, “Ng'eet, imut kwondong'ung' ak tipchuguk aeng' si mobegu eng' kergong'yet ne ityin nganasani.”

TAUNET 43:10

Amu nda ki ma kigagei, ta kigaa keweigei iman ne po aeng' nguno.”

1 ATEPTAP PEETUUSYEK 16:34

Oweekyi Kamuktaindet ne Toroor kongoi, amu myee ineendet; amu tebyei rireenennyi koigeny.

TIENWOGIKAL 103:13

Ko uu ye riiree kwanda lagokyik, ko uu nooto riiree `Kamuktaindet ne Toroor icheek che iywei ineendet.

TIENWOGIKAL 106:1

Olasu Kamuktaindet ne Toroor! Ee, oweekyi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 106:8

Ago ki sar icheek amu kainennyi, si kobiit konaak kimnateennyi ne po kamuktaet.

TIENWOGIKAL 107:1

Oweekyi Kamuktaindet ne Toroor kongoi; amu myee ineendet: Amu tebyei rireenennyi koigeny.

TIENWOGIKAL 111:4

Ki yai Kamuktaindet ne Toroor poisyonikyik che kikwong'ee si kibwaataat; po Kamuktaindet ne Toroor myeeindo ak ko nyiitaat rireenet.

TIENWOGIKAL 118:1

Omwachi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 119:60

Ki achokyi, ki ma agagei, asup ng'atuutiguk.

TIENWOGIKAL 136:1

Ogoochi Kamuktaindet ne Toroor kongoi, amu myee ineendet; amu tebyei rireenennyi koigeny.

TIENWOGIKAL 32:10

Nyooru ng'waninwogik che chaang' kiptengekyot, ago kimuute rireenetapkei ne imang'u Kamuktaindet ne Toroor.

TIENWOGIKAL 33:18

Ogeero, keerei konyegap `Kamuktaindet ne Toroor icheek che iywei ineendet, icheeget che igeni rireenennyi,

TIENWOGIKAL 33:19

si kosar saboonwekwak eng' meet, ak koriip kosapcho eng' rubeet.

TIENWOGIKAL 34:12

Ng'oo chii ne machei kosap keny, ak kochamei peetuusyek che chaang' si kogeer ne myee?

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

KOMONG'U 34:6

Ki pun Kamuktaindet ne Toroor tainnyi ak komwaita kole, “Kamuktaindet ne Toroor, Kamuktaindet ne Toroor, Kamuktaindet ne nyiitaat rireenet ak myeeindo, ma sip konereechi ak nyiitaat talasyet ak imanit,

KOMONG'U 34:7

ne italachingei eliphuusyek, ne nyochin kaat piik tengekto ak pistoet ak chalwokto, ma pagaaktoi kiptengekyot age tugul. Igeerchin lagok tengektap kwanisyekwak ak eng' lagogap lagokwak agoi ibindap somok ak ne po ang'wan.”

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

RIREKAB JEREMIA 3:22

Ki rireenosyegap Kamuktaindet ne Toroor kityo si ma kigeswech, amu mararu rireenosyekyik.

KAITOSYEK 14:18

‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’

LUKA 18:13

Ago ki tonon taagindetap aisuruut eng' ye loo, ak ma cham agot konyal kipsengwet, ago kiluch tegeennyi, kole, ‘Kamuktaindet, rireena, aa kiptengekyo.’

JOHANA 6:44

Ma imuuchi chii konyoonjo, ama ichuut Kwanda ne ki iyookwo: ak ang'eeti ineendet eng' peetuutap let.

ROMANIK 9:18

Nooto anyun ineendet ne machei koriiree, koriiregei, ak ne machei kouiit, kouiiti.

2 KORINTOEK 1:3

Iberuurot Kamuktaindet ne Kwandap Kiptaiyandennyo Jeso Kristo, Kwanda ne po rireenosyek ak Kamuktaindet ne po kagaigaet tugul;

NG'ATUTIK 4:31

Amu Kamuktaindet ne Toroor Kamuktaindeng'ung' ko Kamuktaindet ne Toroor ne po rireenet ma metoin, anan kowong'un anan koutye kayomisetap kwanisyeguk ne ki iyasyechi.

NG'ATUTIK 5:15

Meutye ile ki ii otwoget eng' emetap Misiri ago ki imoong'un Kamuktaindet ne Toroor Kamuktaindeng'ung' eng' olooto eng' euut ne kiim ak eng' euut ne chuulaat. King'atin anyun eng' nooto `Kamuktaindet ne Toroor Kamuktaindeng'ung' iriip peetuutap sabato.

NG'ATUTIK 6:21

Ileenji anyun weeriing'ung', ki kiotwogigap Pharaoh eng' Misiri, ak ki imoong'wech Kamuktaindet ne Toroor eng' Misiri eng' euut ne kiim.

NG'ATUTIK 7:8

Ago amu ki chamaak Kamuktaindet ne Toroor ak koriip kayasyoet ne ki iyasyechi kwanisyekwok, komoong'wok anyun ineendet eng' euut ne kiim ak kotyachak eng' kootap otwoknateet, eng' eutap Pharaoh laitoryatap Misiri.

TITO 3:5

kosarwech, ma eng' poisyonigap imanda che ki kiyai acheeget, ago ko uu ole teptoi rireenennyi pogei, eng' kaunetap sigeet ne leel ak kaleelitetap Kabuuset ne Tiliil,

JOSHUA 6:22

Ki leenji `Joshua pichooto aeng' che kigaba kosegei emet, “Oba kootap chepkugoniot ak oomutu komong' tugul che mi koonnyi ak tugul che tinyei ko uu ye ki oyosyechi.”

2 PETERO 2:7

ak ngot ko ki sar Lot, chiitap imanda, ne kinyaliili miising' amu atebosyek che yaacheen che po kiptengeginik,

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.