TAUNET 18:25 - BUKUIT NE TILIIL Sireet ne Dutero Kanon

²⁵ Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

Bukuit Ne Tilil

²⁵ Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

BUKUIT NE TILIL

²⁵ Ingolooit eng’ inye, yaet ne u nito, ibar che bo iman koboto che yaachen, si kogergeit che bo iman ak che yaachen; ingolooit eng’ inye: tos mayaei iman Kiruogindet ne bo ng’onyuni komugul?

TAUNET 18:25 Referencias Cruzadas

TAUNET 18:24

Ngot komi piik che po iman konomu eng' nganaseet; ko tos iwong'u ameriree nganaseet agobo pichooto konom che po iman che mi olooto?

1 ATEPTAP PEETUUSYEK 16:33

Si kotyenso anyun eng' poiboiyet keetiik che mi timiin eng' taitap Kamuktaindet ne Toroor, amu nyoonei ineendet korwookyin ng'wony.

2 ATEPTAP PEETUUSYEK 19:7

Ingotebenok anyun kaiyweisyet ne oiywei Kamuktaindet ne Toroor, oriip ak oyai, amu ma mi tengekto eng' Kamuktaindet ne Toroor, Kamuktaindennyo anan ko tiytiyetap piik, ama taachei konunoik che kigoigoisye.”

NEEMIA 9:33

Ago ii po iman eng' tuguuk tugul che ki kobwanjech, amu ki iyai ne po iman, ago ki keyai ne ya:

Kitabuutap JOB 34:10

Ogas anyun amu nooto, pichu otinye naet, ingolooit eng' Kamuktaindet keele imuuchi koyai yaityet. Ak ingolooit eng' Ineendet Ne po Kamuktaet, keele koyai tengekto.

Kitabuutap JOB 34:12

Ee, iman, ma yaei `Kamuktaindet kiy ne ya, ama imaasi kirwooget Ineendet Ne po Kamuktaet.

Kitabuutap JOB 8:20

Keero, ma eesyoi Kamuktaindet chiito ne ititaat, ama tiyei yaigap yaityo.

Kitabuutap JOB 8:3

Tos igunuuri `Kamuktaindet kirwooget? Anan imaasi Ineendet Ne po Kamuktaet imanda?

TIENWOGIKAL 50:6

Mwaitoi kipsengwet imandanyi; amu Kamuktaindet ineendet ko kirwoogindet.

TIENWOGIKAL 58:11

Si komwa piik kole, “Miitei iman melekto ne po chiito ne po imanda; mi iman Kamuktaindet ne irwoochi eng' ng'wony.”

TIENWOGIKAL 7:12

Ngot ko masik chii, kolitei Kamuktaindet rotwennyi po chok; kagoriich ak kong'i kwangennyi.

TIENWOGIKAL 75:3

Kigochoot ng'wony kobooto chechiik tugul che menyei olooto, ki alum tolochikyik.

TIENWOGIKAL 94:2

Ng'eet, inyee kirwoogindetap ng'wony: Igeerchi menotik ko uu ye nyoljin.

TIENWOGIKAL 98:9

Eng' taitap Kamuktaindet ne Toroor, amu nyoonei korwookyin ng'wony: Tuun irwookyin ng'wony eng' imanda, Ak korwookyi piik eng' iman.

AMDOINDET 3:17

Ki amwa eng' muguleldanyu ale, “Tuun irwookyin `Kamuktaindet piik che po iman ak che yaach. Amu mi peetuut ne po ng'olyoot age tugul, ak ne po poisyet age tugul.”

AMDOINDET 7:15

Ki ageer chooto tugul eng' peetuusyekyuk che po puch. Mi chiito ne po iman ne meitoi imandanyi ak mi chiito ne ya ne sabei keny ak koyaei yaityennyi.

JEREMIA 11:20

Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

JEREMIA 12:1

Ii po iman, ee Kamuktaindet ne Toroor, ye ariirchinin, nga amache atebeenen agobo ng'olyoondoni: Amu nee anyun si kiberuur ooreetap kiptengeginik? Amu nee si komuunyi icheek tugul che yaei kaberberisyet?

EZEKIEL 18:25

Ago omwae ole, Ma po iman ooreetap Kamuktaindet ne Toroor. Ogas anyuno, kootap Israel: tos ma po iman ooreennyu? Tos ma ortinwekwok che ma po iman?

MALAKI 3:18

Yeityo oweege ak obesye chiito ne po iman ak kiptengekyot, obesye ineendet ne otei Kamuktaindet ak ne maotei.”

KAITOSYEK 16:22

Ago ki ing'uruukso icheek kot kotiiny togoochikwak ng'wony ak kole, “Ee Kamuktaindet, Kamuktaindet ne po saboonwegap piik tugul, tos inereekyini tuiyet komugul ngo yai chiito agenge tengekto?”

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

NG'ATUTIK 1:16

“Ki ang'at kirwoogikwok peetuunooto aleenji, ‘Ogasyi ng'aleek tupchosyekwok, orwookyi eng' imanda chii ak ne tupcho; ak toondet ne mi kobootok.

NG'ATUTIK 1:17

Amotiytiy piik eng' kirwooget; ago ogasyi ne ming'in ak ne oo kogergeit. Amoiywei togoch ne po chii amu po kirwooget Kamuktaindet. Ng'olyoot ne katemenak oibwa si agas.’

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

HEBRANIK 12:23

ak tuiyetap piik tugul ak kaniset ne po che po tai eng' sigeet che kigesir eng' kipsengwet, ak Kamuktaindet kirwoogindetap tugul, ak saboonwek che po piigap imanda che ki kiyai koek che ititaatiin,

KIRUOGIK 11:27

Tom ayaun anee tengek, ago keyai ne ya iyaiywo lugeet. Ingoek Kamuktaindet ne Toroor kirwoogindet, ne koonu kirwooget rani eng' kwenutap piigap Israel ak lagogap Ammon.”