TAUNET 14:14 - BUKUIT NE TILIIL Sireet ne Dutero Kanon

¹⁴ Ye kingo kas Abram kole kagenam ak kemut chiitap ooreennyi, koawen kobooto otwogikyik che po lugeet che ki kisikyin koonnyi, che eng' tugul ko ki pogol somok ak taman ak sisiit, ak korwai koosup agoi Dan.

Bukuit Ne Tilil

¹⁴ Ye kingo kas Abram kole kagenam ak kemut chiitap ooreennyi, koawen kobooto otwogikyik che po lugeet che ki kisikyin koonnyi, che eng' tugul ko ki pogol somok ak taman ak sisiit, ak korwai koosup agoi Dan.

BUKUIT NE TILIL

¹⁴ Ak kingogas Abram kole, Kageluul ne bo ornywa, koawen koboto otwogikyik che kiginet luget, che kigisikyin gonnyi, bik bogol somok ak taman ak sisit, ak kiisub laitorinichoto agoi koit Dan.

TAUNET 14:14 Referencias Cruzadas

TAUNET 12:16

Ak ki yachi `Pharaoh Abram ne myee agobo ineendet; kinyoor keechiirek ak tuuga, otwogik che murenik ak che tiibiik, kiruugik ak iyuogigap sigirok, ak tambeesik.

TAUNET 12:5

Ki imut `Abram chebyosennyi Sarai, kobooto Lot weeriitap ne tupcho, ak tuguukwak tugul che ki tinyei, ak piik che kiga konyoor eng' Haran. Ki manda koba emetap Kanaan ak ki it anyun emonooto.

TAUNET 13:8

Ki leenji anyun `Abram Lot, “Ma myee kota kobiit suryet eng' kwenunnyoo, inyee ak anee, anan eng' kwenutap mestoweek chechuuk ak cheguuk, amu kitupche.

TAUNET 14:12

Ki nam ak komut Lot, weeriitap ne tupcho ak Abram agine, ne ki menyei Sodom, kobooto tuguukyik, ak koba.

TAUNET 14:16

Ki sar ak koweech tuguuk tugul kobooto chebyosok ak piik. Ki sar Lot ne po ornywa agine ak tuguukyik.

TAUNET 15:3

Ak ki testai komwa Abram kole, ‘Keer anyuno! Ma igoono iyoteet, ak igere ile agoi kondi otwogindet ne mi koonnyu tuguukyuk.’ ”

TAUNET 17:12

Kiyatitoi ng'eta age tugul eng' okweek ne kagotar peetuusyek sisiit, ng'eta age tugul eng' ibinwekwok tugul ngo ne ki sikyin kooriikwok, anan ko ne ma salwok ne ki kialei eng' toek alak tugul.

TAUNET 17:23

Ki nam anyun Abraham weeriinnyi Ishmael, ak tugul che ki kisikyin koinyi, kobooto tugul che ki kialee robiisyek, muren age tugul ne po koonnyi ak koyatita eng' peetuunooto, ko uu ye ki kamwachi Kamuktaindet.

TAUNET 17:27

kobooto murenik tugul che po koonnyi, che ki kisikyin koonnyi, ak toek che ki kialee robiisyek.

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

TAUNET 23:6

“Kaseech, kiptaiyandennyu, ii pounindet ne po Kamuktaindet eng' kwenunnyoo. Tupchi muusto kererit ne kelewen eng' kereeriisyekyok. Ma mi chii eng' acheek ne imuuchi koetenen kererinnyi si metupchi muusto.”

1 LAITORINIK 15:20

Ki kas iit `Ben-Hadad Laitoryat Asa ak koyookto kiptainik che po lugosyekyik koba kobargei ak nganasoogap Israel. Ki par Ijon, Dan, Abel ne po Beth-maaka, ak Kinnereth tugul, kobooto emet tugul ne po Naphtali.

TIENWOGIKAL 68:12

Mweei laitorinigap lugoosyek, mweei: Ak kopchei kwondo ne ng'etu eng' kaa parunenik,

KALEWANAIK 17:17

Tinyei chorweet chamyet kotugul, ak kisichei ne tupcho ak chii agobo nyalilda.

AMDOINDET 2:7

Ki aal otwogik che murenik ak che tiibiik, ak ki atinye otwogik che ki kisikyi koonnyu; ki atinye kogeny akwotisyek che chaang' che po tuuga ak che po keechiirek, kosiir tugul che ki indounena eng' Jerusalem.

JEREMIA 41:12

komut anyun piik tugul, koba kobargei ak Ishmael weeriitap Netania, ak kinyoorchi ineendet ole neegitee peek che chaang' che mi Gibeon.

NG'ATUTIK 34:1

Kingo pata, kotogosta anyun `Musa eng' warengetap Moab, kwo tulweetap Nebo agoi paragutap Piska, ne tokyingei Jeriko. Ki iboorchi `Kamuktaindet ne Toroor ineendet emet komugul ne po Gilead, agoi Dan,

1 JOHANA 2:18

Lagochu, ni sait ne po let: ak ko uu ye ki ogas keele tuun nyoonei kirindoindetap Kristo, agot nguno ko kagobiit kirindoigap Kristo che chaang'; kingen eng' nooto keele niito sait ne po let.

KIRUOGIK 18:29

Kiguure icheek nganasanooto Dan, komwaitae Dan kwandanywa, ne kiga kisikyi Israel. Ago ki kainetap nganasanooto eng' tai ko ki Lais.

KIRUOGIK 20:1

Ki manda anyun piigap Israel tugul, kobooch Dan agoi Beer-sheba, kobooto emetap Gilead, ak ki iyumgei tuiyet koigei chiichak, ki iyumgei eng' taitap Kamuktaindet ne Toroor eng' Mispa.

1 SAMUEL 30:19

Ki ma petee kiy icheek, ngo ne ming'in anan ko ne oo, ngo weeriik anan ko tiibiik anan ko parunenik anan ko kiy age tugul ne kiga ip, ko ki ip Daudi tugul koweek.