TAUNET 13:7 - BUKUIT NE TILIIL Sireet ne Dutero Kanon

⁷ Ki piit tiyet eng' mestoweek che ki iyagi kiyagiigap Abram ak che ki iyagi che po Lot. Ki menyei Kanaanik ak Perisik emonooto eng' peetuusyechooto.

Bukuit Ne Tilil

⁷ Ki piit tiyet eng' mestoweek che ki iyagi kiyagiigap Abram ak che ki iyagi che po Lot. Ki menyei Kanaanik ak Perisik emonooto eng' peetuusyechooto.

BUKUIT NE TILIL

⁷ Ak kibiit boriet eng’ mestowek che kiiyagi tugab Abram ak che kiiyagi tugab Lot; ak kimenyei Kananik ak Perisik emonoto eng’ betusiechoto.

TAUNET 13:7 Referencias Cruzadas

TAUNET 10:19

Kiwotetap Kanaanik ko ki taunegei Sidon, ak kotokyigei Gerar agoi Gaza, ak kotokyigei Sodom ak Gomorah, Atma ak Seboim, agoi Lasa.

TAUNET 12:6

Ki wo Abram kobun emet kween agoi koit ole mi keetitap Moreh eng' Shekem. Eng' peetuusyechooto ko ki mi Kanaanik emonooto.

TAUNET 21:25

Kingo kergong' `Abraham Abimelek amu keriingetap peek ne kiga rebe otwogigap Abimelek eng' koroomnateet,

TAUNET 26:20

kiboryo mestowegap Gerar ak che po Isak, koleen, “Chechook peechu.” Kiguure keriingonooto po peek Esek, amu ki cham komoitos.

TAUNET 34:30

Yeityo koleenji `Jakobo Simion ak Lawi, “Kaoimaa, ak kaogoono aek ne kiwechei eng' piik che menyei emoni, eng' Kanaanik ak Perisik. Acheek kota ko ki ng'ering', ago imuuchi icheek koyumjagei, kobara kowoong'wo kobooto koonnyu.”

TAUNET 46:34

Oleenji, ‘Acheek otwogiguk ko ki piigap tuuga kong'etee ko kimengech agoi kora, acheek, ak kwanisyekyok agicheek’ si kobiit omeny emet ne kiguure Goshen, amu chii age tugul ne iyagisyei ko ng'waan eng' Misiri.”

NEEMIA 5:9

Ki amwa kogeny ale kiit ne oyae koma myee. Tos ma nyoljinok obendate kaiyweisyetap Kamuktaindennyo si kogiring'da chotisyetap pororyosyek che puunikyok?

KOMONG'U 2:17

Ak ki pwa mestoweek koon tiipchooto, ago king'eet Musa kotoret ak konaga peek akweet.

KALEWANAIK 20:3

Teegisto eng' chii ngo istoegei pooryeet; ago polei age tugul ne perber.

MARIKO 3:25

Ak ngot kopcheak koot, koma imuuchi koyooto kotonon.

1 KORINTOEK 3:3

amu ta omi eng' atebeetap poorto: amu ko uu ye mi kwenung'wong' ng'etkonda ak pooryeet, tos ma mi eng' atebeetap poorto, ak obendoti ko uu piteetap piik?

GALATYEK 5:20

saaetap kanamonik, ponisyet, punyondisyek, suryosyek, ng'etkonda, nereegek, taiyasyek, kabesyosyek, pcheutik,

KOLOSAIK 4:5

Obendoti eng' ng'omnateet eng' taitap icheeget che mi saang', ingoek saisyek kamanuut eng' okweek.

1 THESSALONIKEK 4:12

si obendate ko uu ye nyolu eng' taitap icheek che mi saang', si mobanan kiy age tugul.

TITO 3:3

Amu ki kiberberen agacheek keny, ki ma kegase iit, ki kiberberech, keote maguutik che teerchiin ak ureryosyek, ketebye eng' yaityet ak ng'etkong', ki kiche kiwechei ak kewechegei.

JAKOBO 3:16

Amu ole miitei ng'etkonda ak toiyet, komiitei polateet ak yautyet age tugul ne ya.

JAKOBO 4:1

Punu ano lugoosyek ak pooryosyek eng' kwenung'wong'? Ma punu maguutikwok che poortos eng' kebeberwekwok?

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.